Aizaya 65:1-25
65 “Mẹ kẹ enọ e nekpẹ mẹ hẹ uvẹ re a kiẹ gwọlọ omẹ;Mẹ kẹ enọ e be gwọlọ omẹ hẹ+ uvẹ re a ruẹ omẹ.
Mẹ ta kẹ orẹwho nọ u je se odẹ mẹ hẹ+ nọ, ‘Mẹ na, mẹ na!’
2 Okpẹdoke na soso mẹ rriẹ abọ mẹ kẹ ahwo nọ a wo udu ogaga,+Rọkẹ enọ e be nya evaọ edhere nọ o woma ha,+Bi lele iroro obọrai;+
3 Ahwo nọ a bi ru omẹ eva dha kẹse kẹse evaọ iraro mẹ,+A rẹ jọ egbọ dhe idhe+ je ru iwiri idhe kuye evaọ ehru ibriki.
4 A rẹ keria udevie iki,+A rẹ jọ eria nọ i dhere* asohẹrioke,Be re uwo isi,+Yọ izuwo eware igbogbo* e rrọ imidhe rai.+
5 A rẹ ta nọ, ‘Daji obei; who go kẹle omẹ hẹ,Keme mẹ fo vi owhẹ.’*
Enana yọ iwiri nọ e rrọ ighogho-inwe mẹ, erae nọ e be to evaọ okpẹdoke na soso.
6 Rri! A kere i rie fihọ aro mẹ;Me ti dikihẹ oria ovo ho,Rekọ mẹ te hwosa zihe kẹ ae,+Mẹ te hwosa zihe kẹ ae vọvọ*
7 Rọkẹ iruthọ rai jegbe iruthọ esẹ-esẹ rai,”+ ere Jihova ọ ta.
“Fikinọ a jọ ehru igbehru na ru iwiri idhe kuye naJẹ wha ekela se omẹ evaọ ehru ikpehru na,+Mẹ te kake wawọ osa rai kẹ ae vọvọ.”*
8 Enẹ Jihova ọ ta:
“Nwane wọhọ epanọ o rẹ jọ okenọ a tẹ jọ ekru ibi-ure ruẹ ibi nọ a re ro ru enwaene ọkpokpọOhwo jọ ọ vẹ ta nọ, ‘Whọ raha iẹe no ho, keme emamọ eware jọ e rrọ eva riẹ’ na,
Ere me ti ru fiki idibo mẹ;Mẹ te raha aikpobi no ho.+
9 Mẹ te jọ eva Jekọp rehọ ọmọ* jọ zeJẹ jọ eva Juda rehọ ọnọ ọ te reuku igbehru mẹ ze;+Ahwo mẹ nọ mẹ salọ a ti woi,Yọ idibo mẹ e te rria etẹe.+
10 Sharọn+ o ti zihe ruọ otọ nọ igodẹ e rẹ jọ re ẹbeUkiekpotọ* Ekọ+ o vẹ te jọ oria eriosehọ rọkẹ iruẹ,Onana o te jọ rọkẹ ahwo mẹ nọ a be kiẹ gwọlọ omẹ.
11 Rekọ wha rrọ udevie ahwo nọ a be siọ Jihova,+Enọ ugbehru ọrẹri mẹ+ o be thọrọ ẹro,Enọ e be ruẹrẹ emẹjẹ họ kẹ ọghẹnẹ Emamuzo,Gbe enọ i bi ku enwaene nọ a gua no vọ igho kẹ ọghẹnẹ Otatha.
12 Fikiere mẹ te rehọ owhai kẹ ọgbọdọ na,+Whai kpobi wha ve ti guzou kpotọ re a kpe owhai no,+Keme me se, rekọ wha kẹ uyo ho,Mẹ ta ẹme, rekọ wha gaviezọ họ;+Wha ruabọhọ je ru oware nọ u yoma evaọ aro mẹ,Wha tẹ salọ oware nọ o dha omẹ eva.”+
13 Fikiere enẹ Jihova Olori nọ Ọ Mai Kpehru na ọ ta:
“Rri! Idibo mẹ e te re emu, rekọ ohọo u ti kpe owhai.+
Rri! Idibo mẹ e te da,+ rekọ uruame u ti kpe owhai.
Rri! Idibo mẹ e te ghọghọ,+ rekọ oma o te vuọ owhai.+
14 Rri! Idibo mẹ i ti bo ubo oghọghọ fiki evawere nọ e rrọ udu na,Rekọ wha ti bo fiki edada nọ e rrọ udu na,Wha ve ti kuenu oviẹ fiki ọkora nọ ọ rrọ owhai oma.
15 Wha te nyasiọ odẹ jọ ba nọ ahwo mẹ nọ mẹ salọ a te rọ bọwo ehao,Jihova Olori nọ Ọ Mai Kpehru na o ti kpe owhai omomọvo no,Rekọ ọ te rehọ odẹ ofa+ se idibo obọriẹ;
16 Re Ọghẹnẹ uzẹme* na ọ ruẹse ghaleOhwo kpobi nọ ọ be gwọlọ oghale rọkẹ omobọ riẹ evaọ otọakpọ na,Yọ ohwo kpobi nọ o bi duwu iyei evaọ otọakpọ naỌ te rọ Ọghẹnẹ uzẹme* na duwu iyei.+
Keme eware idhọvẹ* ọsosuọ na e rẹ te thọrọ ẹro no;A rẹ te kuọ ae dhere ibiaro mẹ.+
17 Keme rri! Mẹ be ma idhiwu ekpokpọ gbe otọakpọ ọkpokpọ;+A gbẹ te kareghẹhọ eware anwae na ha,Yọ e te gbẹ ruọ udu na gbe he.+
18 Fikiere wha wereva jẹ ghọghọ bẹdẹ bẹdẹ fiki eware nọ mẹ be ma na.
Keme rri! Mẹ be ma Jerusalẹm re o jọ oware oghọghọGbe ahwo riẹ re a jọ oware evawere.+
19 Mẹ te ghọghọ fiki Jerusalẹm jẹ wereva fiki ahwo mẹ;+A gbẹ te jọ eva riẹ yo edo oviẹ hayo ubo uye ofa ha.”+
20 “A gbẹ te jọ etẹe na ruẹ ọmọboba nọ ọ rẹ rria umutho edẹ jọ ọvo ho,Hayo kọ ọkpako soso nọ ọ rria edẹ riẹ gba ha.
Keme ohwo kpobi nọ ọ jọ ikpe udhusoi (100) whu a ti rri rie wọhọ ọmaha gheghe,Yọ a te bọwo ọrahauzi na ehao, o tẹ make rọnọ ikpe udhusoi (100) ọ rrọ dede.*
21 A te bọ iwou, a vẹ te rria eva rai,+A te kọ egbọ evaene a vẹ te re ibi rai.+
22 A te bọ no re omọfa ọ rria ha,Hayo a te kọ no re omọfa ọ re he.
Keme wọhọ epanọ ure o rẹ tọ na, ere ahwo mẹ a te tọ re,+Yọ ahwo mẹ nọ mẹ salọ a te reawere iruo abọ rai vọvọ.
23 A te ruẹ uye* kufiẹ hẹ,+Hayo yẹ emọ nọ okpẹtu o re te oma ha,Keme emọ* nọ Jihova ọ ghale no a rrọ,+Avọ ahwo uyẹ rai nọ a rrọ kugbe ai.+
24 Taure a te ti bo lahwe dede, mẹ te kẹ uyo;Nọ a gbẹ be ta ẹme, yọ me yo no.
25 Ojera avọ omogodẹ a te re emu evaọ oria ovo,Okpohrokpo ọ te re ẹbe wọhọ eruẹ,+Yọ ẹkpẹ araomuomu ọ te re.
A ti ru oware enwoma ọvo ho hayo wha ọraha ọvo ze he evaọ ugbehru ọrẹri mẹ na soso,”+ ere Jihova ọ ta.
Eme-Obotọ
^ Hayo o sae jọ nọ, “iwou-owhre nọ a rẹ jọ rroiro.”
^ Hayo “eware nọ e fo ho.”
^ Hayo o sae jọ nọ, “Keme mẹ te rọ ere ru owhẹ fo no.”
^ Evaọ Hibru, “fihọ igbama rai.”
^ Evaọ Hibru, “fihọ igbama rai.”
^ Evaọ Hibru, “ubi.”
^ Hayo “Ukiekpotọ Opraprara.”
^ Hayo “ọtẹruo.” Evaọ Hibru, “Ami.”
^ Hayo “ọtẹruo.” Evaọ Hibru, “Ami.”
^ Hayo “iye.”
^ Hayo o sae jọ nọ, “Yọ a ti rri ohwo nọ ọ rria te ikpe udhusoi (100) ho wọhọ ọnọ a bọwo ehao.”
^ Hayo “A ti ru iruo egaga.”
^ Evaọ Hibru, “ubi.”
