Aizaya 18:1-7
-
Ovuẹ oware nọ o te via kẹ Ẹtiopia (1-7)
18 Uye u te ẹkwotọ nọ edo ibekpe ebaka e vọEvaọ ubrotọ ithẹ Ẹtiopia!+
2 O vi enyukọ nya orọ abade,Re a rọ ekọ papirọs fa vrẹ kpohọ abọdekọ ame na, yọ ọ ta nọ:
“Wha nya, whai enyukọ nọ i re siawọ gaga,Wha nyabru orẹwho nọ o rrọ thethei je wo oma oriẹriẹ,*Bru enọ ahwo a be dhozọ rai evaọ oria kpobi,+Bru orẹwho ogaga nọ u bi fi kparobọ,*Ọnọ ithẹ i su ẹkwotọ riẹ kufiẹ no.”
3 Whai ahwo kpobi nọ a be rria ẹkwotọ na gbe owhai enọ e be rria otọakpọ na,Wha te ruẹ oware jọ nọ o te wọhọ oware oka* nọ a kpare evaọ ehru igbehru na,Yọ wha ti yo edo nọ ọ wọhọ edo onware nọ a bi kporo.
4 Keme enẹ Jihova ọ ta kẹ omẹ:
“Mẹ te fọ tou, me ve rri oria mẹ nọ mẹ ruẹrẹhọ no,*Wọhọ ẹrrorro elo ọre na nọ o bi mu oria,Wọhọ igrigri nọ i bi kie evaọ oke ivuẹvu nọ ẹrrorro ọ rrọ.
5 Keme taure ivuẹvu na i te ti te,Nọ ivo na e tẹ whẹhọ re no, yọ ododo na o zihe ruọ ubi nọ o ware no,A te rehọ ibrẹbe bru egha eboba na noYọ a te kpare imigbe na no, a ve ku ai fiẹ.
6 A te nyasiọ aikpobi ba kẹ evra obọ igbehru nọ i re kpe eraoJẹ rọkẹ erao ẹwọ otọakpọ na.
Evra nọ i re kpe erao na e te jọ ehru rai evaọ ezi ivo,Yọ erao ẹwọ kpobi nọ e rrọ otọakpọ na e te jọ ehru rai evaọ oke ivuẹvu.
7 Evaọ oke yena, a te rehọ okẹ se Jihova olori egbaẹmo,U ti no obọ orẹwho nọ o rrọ thethei je wo oma oriẹriẹ* ze,No obọ enọ ahwo a be dhozọ rai evaọ oria kpobi ze,No obọ orẹwho ogaga nọ u bi fi kparobọ* ze,Ọnọ ithẹ i su ẹkwotọ riẹ kufiẹ no,Kpohọ oria nọ a be rehọ odẹ Jihova olori egbaẹmo se, koyehọ Ugbehru Zayọn.”+
Eme-Obotọ
^ Evaọ Hibru, “orẹwho nọ a si fihọ thethei jẹ fọrọ fihọ riẹriẹriẹ.”
^ Hayo “orẹwho nọ o rrọ suẹsu thikpa nọ u re thihi eware nyaotọ.”
^ Hayo “ọkpọ oka.”
^ Hayo o sae jọ nọ, “me ve rri no oria mẹ nọ mẹ ruẹrẹhọ no ze.”
^ Evaọ Hibru, “orẹwho nọ a si fihọ thethei jẹ fọrọ fihọ riẹriẹriẹ.”
^ Hayo “orẹwho nọ o rrọ suẹsu thikpa nọ u re thihi eware nyaotọ.”