Aizaya 61:1-11
61 Ẹzi Jihova Olori nọ Ọ Mai Kpehru na ọ rrọ omẹ oma,+Keme Jihova o wholo omẹ re me whowho usi uwoma kẹ enọ e be romakpotọ.+
O vi omẹ re mẹ gba emela enọ e rrọ ọkora,Re me woro obusino kẹ enọ a muJe woro nọ a rovie aro enọ e rrọ uwou-odi,+
2 Re me whowho ukpe aruoriwo* JihovaGbe ẹdẹ orukele Ọghẹnẹ mai,+Re mẹ sasa enọ e rrọ uweri kpobi oma,+
3 Re mẹ kẹ enọ i bi weri fiki ZayọnEtu uzou viukpọ enwo,Jẹ kẹ ae ewhri oghọghọ viukpọ uweri,Ewu ujiro viukpọ ẹzi ọkora.
A ve ti se ai ire ilogbo ẹrẹreokie,Ekakọ Jihova, re e ruẹse kẹe orro.*+
4 A te wariẹ bọ eria oke anwae nọ e raha na;A te bọ eria nọ e jọ ifofe evaọ okenọ u kpemu,+Yọ a te wariẹ bọ ikpewho nọ a raha muotọ na,+Eria nọ e jọ ifofe no oge ruọ oge na.+
5 “Erara i ti dikihẹ, a vẹ rẹrote ithuru erao rai,Ahwo erẹwho efa+ a te jọ ewhẹrẹ rai gbe eruẹrẹ-ọgbọ rai.+
6 Rọkẹ owhai, a ti se owhai izerẹ Jihova;+A ti se owhai egbodibo Ọghẹnẹ mai.
Wha te re eware erẹwho na,+Yọ wha te rehọ oruaro* erẹwho na seha.
7 Wha ti wo eko ivẹ viukpọ omovuọ,A ti bo ubo oghọghọ fiki ẹkẹ nọ o te rai viukpenọ a re kpomovuọ họ ae oma.
Ẹhẹ, a ti wo eko ivẹ evaọ ẹkwotọ rai.+
A ti wo oghọghọ ebẹdẹ bẹdẹ.+
8 Keme mẹ Jihova, me you uvioziẹ;+Me mukpahe uji-utho gbe umuomu.+
Mẹ te kẹ ae osa rai gbagba,Yọ mẹ te re ọvọ ebẹdẹ bẹdẹ kugbe ai.+
9 A te riẹ emọ* rai evaọ udevie erẹwho na+Jẹ riẹ ahwo uyẹ rai evaọ udevie ahwo na.
Ahwo kpobi nọ a ruẹ e rai a ti vuhu ai,Inọ emọ* nọ Jihova ọ ghale no a rrọ.”+
10 Mẹ te wereva gaga fiki Jihova.
Oma mẹ kpobi* o te ghọghọ fiki Ọghẹnẹ mẹ.+
Keme o ku iwu esiwo họ omẹ no;Ọ rehọ ewu othethei* ẹrẹreokie variẹ omẹ no,+Nwane wọhọ ọva nọ o ku etu-udhọfọ nọ o wọhọ orọ ozerẹ họ,+Jẹ wọhọ ọmọtibobo nọ ọ rehọ eware osẹ riẹ whẹ erru họ omariẹ.
11 Keme wọhọ epanọ otọakpọ na u re ru eware dhẹ ze naGbe epanọ ọgbọ o re ru oware nọ a kọ fihọ iẹe dhẹ ze na,Ere Jihova Olori nọ Ọ Mai Kpehru naO ti ru ẹrẹreokie+ gbe ujiro romavia+ evaọ aro erẹwho na kpobi.
Eme-Obotọ
^ Hayo “emamọ eva.”
^ Hayo “erru.”
^ Hayo “efe.”
^ Evaọ Hibru, “ubi.”
^ Evaọ Hibru, “ubi.”
^ Hayo “otogbo nọ o wo abọ họ.”
