Aizaya 64:1-12
64 Dodokọ whọ bẹre idhiwu na je nwrotọ zeRe igbehru na i nuhu fiki ra,
2 Wọhọ epaọ okenọ erae i re ru eghraghra-ire muhọ ẹto,Erae na i ve ru ame họrọ na,Kẹsena ewegrẹ ra e vẹ te riẹ odẹ ra,Erẹwho na i ve nuhu evaọ aro ra!
3 Okenọ who ru eware nọ i re mu ọwhewhe nọ ma tube rẹro rai vievie he,+Whọ ziọ otọ, igbehru na i te nuhu fiki ra.+
4 No anwae ze, ohwo ọvo o ri yo hayo gaviezọ họ,Yọ ubiẹro ovo o re ruẹ Ọghẹnẹ nọ ọ wọhọ owhẹ hẹ,Ọnọ o re fiobọhọ kẹ enọ i gbe bi rẹro riẹ.*+
5 Whọ nyabru enọ e be rọ oghọghọ ru oware nọ u kiehọ+ ze no,Enọ e be kareghẹhọ owhẹ je bi lele idhere ra.
Rri! Eva e dha owhẹ okenọ ma gbẹ jẹ raha uzi,+Ma ru ere oke krẹkri.
Kọ u fo nọ a re siwi omai enẹna?
6 Mai kpobi ma wọhọ ohwo nọ ọ fo ho no,Yọ iruẹru ẹrẹreokie mai kpobi e wọhọ ohọ aye nọ ọ rrọ oke riẹ.*+
Mai kpobi ma ti lo no wọhọ obe ure,Yọ iruthọ mai e te wọ omai kufiẹ wọhọ ofou.
7 Ohwo ọvo ọ riẹ nọ o bi se odẹ ra ha,Ohwo ọvo o bi nuhu oma re o kru owhẹ hẹ,Keme whọ kuọ ovao ra dhere omai no,+Who te je bi ru omai dọ* fiki* oruthọ mai.
8 Rekọ enẹna, O Jihova, whẹ họ Ọsẹ mai.+
Mai họ ọviẹ na, yọ whẹ họ Ọmebẹ mai;*+Mai kpobi yọ iruo nọ whọ rọ obọ ra ru.
9 O Jihova, jọ eva e dha owhẹ ga hrọ họ,+Whọ kareghẹhọ oruthọ mai bẹdẹ bẹdẹ gbe he.
Ivie, rri omai, keme mai kpobi yọ ahwo ra.
10 Ikpewho ọrẹri ra i zihe ruọ udhude no.
Zayọn o zihe ruọ udhude no,Jerusalẹm kọ otọ nọ o raha no.+
11 A rehọ erae mahe+Uwou* mai nọ o rrọ ọrẹri je wo oruaro* na no,Oria nọ esẹ-esẹ mai e jẹ jọ jiri owhẹ,Yọ eware kpobi nọ ma rri ghaghae e raha kuotọ no.
12 Nọ o rrọ enẹ na, kọ whọ te gbẹ nyẹ omara, O Jihova?
Kọ whọ te gbẹ fọ rirẹ jẹ kuvẹ re a gboja kẹ omai vrẹta?+
