Aizaya 15:1-9
-
Owhowhovia ẹdhoguo kpahe Moab (1-9)
15 Owhowhovia ẹdhoguo kpahe Moab:+
A ru ẹwho Ar+ ọrọ Moab fọ rirẹ no,Fikinọ a raha e riẹ no evaọ aso.
A ru ẹwho Kiẹ+ ọrọ Moab fọ rirẹ no,Fikinọ a raha e riẹ no evaọ aso.
2 Ọ nya kpobọ Uwou* na je kpobọ Daebọn no,+Kpohọ eria ikpehru na re ọ nyae viẹ.
Moab o bi kuenu oviẹ fiki Nibo+ jegbe fiki Mẹdeba.+
A fọrọ uzou kpobi fihọ rioriorio+ no, yọ a nware etuagba kpobi no.+
3 A ku ehọ-ekpa* họ evaọ iyẹrẹ riẹ.
Aikpobi a bi kuenu oviẹ evaọ ehru iwou rai gbe iko-ore rai;A bi kpo obotọ avọ oviẹ.+
4 Hẹshbọn avọ Ẹliyela+ a bi bo;A bi yo edo uvou rai evaọ ugbo obọ Jehaz.+
Oyejabọ nọ egbaẹmo Moab a bi ro bo na.
O* bi nuhu.
5 Udu mẹ o be viẹ fiki Moab.
Ahwo riẹ nọ a be dhẹ, a dhẹ te ugbo obọ Zoa+ gbe Ẹglat-shelaeshiya+ no.
A be viẹ nọ a be nya evaọ edhere-ukpehru Luhit na;A be viẹ fiki okpẹtu na nọ a rrọ edhere bi kpohọ Horoneyẹm na.+
6 Keme ame Nimrim ọ kpọ yamu no;Ẹbe ọrọrọ na o whu no,Ẹbe na o whu re no, ẹbe ọrọrọ ọvo o gbe kiọkọ họ.
7 Oyejabọ nọ a be rọ wọ eware rai nọ a kokohọ gbe efe rai nọ i kiọkọ vrẹ na;A be fa ukiekpotọ* ire pọpla vrẹ.
8 Edo oviẹ na ọ rua ruọ ẹkwotọ Moab+ soso no.
Enu oviẹ na o bi do te obọ Ẹgleyẹm;Enu oviẹ na o bi do te obọ Biẹ-ilim.
9 Keme ame Daemọn ọ vọ avọ azẹ,Yọ me gbe wo eware efa nọ me ti ru Daemọn:
Okpohrokpo o ti kpe ahwo Moab nọ e vabọGbe enọ i kiọkọ ẹkwotọ na.+