Aizaya 62:1-12
-
Odẹ okpokpọ Zayọn (1-12)
62 Me ti fibo ho fiki Zayọn,+Yọ mẹ te fọ tou hu fiki Jerusalẹm,Bẹsenọ ẹrẹreokie riẹ o re lo wọhọ elo ọnwranwra,+Esiwo riẹ ọ vẹ jẹ ware wọhọ umure-erae.+
2 “O aye,+ erẹwho na e te ruẹ ẹrẹreokie ra,Ivie kpobi e vẹ te jẹ ruẹ oruaro ra.+
Yọ a te rehọ odẹ okpokpọ se owhẹ,+Onọ Jihova ọ te rọ unu obọriẹ fodẹ.
3 Who ti zihe ruọ etu-uvie erru evaọ obọ Jihova,Etu-udhọfọ uvie evaọ evabọ Ọghẹnẹ ra.
4 A gbe ti se owhẹ aye nọ a gbabọkẹ ofa ha,+Yọ a gbe ti se ẹkwotọ ra ọnọ ọ rrọ ofofe he.+
Rekọ a ti se owhẹ Omaweromẹ Mẹ O Rrọ Eva Riẹ,+A ve ti se ẹkwotọ ra Ọnọ Ọ Rọo No.
Keme oma ra o te were Jihova,Ẹkwotọ ra ọ vẹ te jọ wọhọ ọnọ ọ rọo no.
5 Keme nwane wọhọ epanọ uzoge ọmọzae ọ rẹ rehọ ọmọtẹ-kọkọ na,Ere emezae ra e te rehọ owhẹ.
Wọhọ epanọ ọva ọ rẹ ghọghọ fiki ọmọtibobo riẹ na,Ere Ọghẹnẹ ra ọ te ghọghọ fiki ra.+
6 O Jerusalẹm, me fi iroroke họ ehru igbẹhẹ ra no.
Evaọ ẹsikpobi, te aso te uvo, jọ a fibo ho.
Whai enọ e be fodẹ odẹ Jihova,Wha serihọ họ,
7 Yọ wha kẹe uvẹ re o serihọ họ bẹsenọ ọ rẹ rehọ Jerusalẹm dikihẹ gaga no,Ẹhẹ, bẹsenọ o re ru ei họ oria nọ a re jiri evaọ otọakpọ na no.”+
8 Jihova ọ kpare obọze riẹ, ugbobọ ogaga riẹ ro duwu iyei no, inọ:
“Mẹ gbẹ te rehọ ibi ekakọ ra kẹ ewegrẹ ra re a re he,Yọ ahwo erẹwho efa a gbẹ te da enwaene ọkpokpọ ra nọ whọ ruẹ uye fihọ họ.+
9 Rekọ enọ e be kwa ibi ekakọ na kokohọ a te re ibi na, a ve ti jiri Jihova;Yọ enọ e be jẹ udi na fihọ oria, a te da udi na evaọ ighẹ mẹ nọ e rrọ ọrẹri.”+
10 Wha nya, wha nya inuethẹ na vrẹ.
Wha ruẹrẹ edhere na kpahe kẹ ahwo na.+
Ru edhere, ru edhere ologbo na.
Si itho noi no.+
Kpare oware oka* kpehru rọkẹ ahwo na.+
11 Rri! Jihova o whowho kẹ oka avọ oka otọakpọ na no inọ:
“Wha ta kẹ ọmọtẹ Zayọn nọ,‘Rri! Esiwo ra ọ be tha.+
Rri! Osohwa riẹ o riẹe obọ,Yọ osa nọ ọ te hwa o rrọ aro riẹ.’”+
12 A re ti se ai ahwo ọrẹri, enọ Jihova ọ dẹ zihe ze,+Yọ a ti se owhẹ Ọnọ A Jẹ Gwọlọ, Okpẹwho nọ A Gbabọkẹ Hẹ.+
Eme-Obotọ
^ Hayo “ọkpọ oka.”
