Aizaya 8:1-22
8 Jihova ọ tẹ ta kẹ omẹ nọ: “Rehọ ẹwẹ-akpala ọkẹkẹe+ re whọ rehọ ugbẹ gheghe* ro kere ‘Mehar-shalal-hash-baz’* fihọ iẹe.
2 Yọ mẹ gwọlọ nọ isisẹri uzẹme, Uraya+ ozerẹ na gbe Zẹkaraya ọmọzae Jebẹrakaya, a kere nọ a ruẹ e riẹ okenọ a kere iei.”*
3 Kẹsena me te lele* ọruẹaro-aye na* wezẹ, o te dihọ, o te ti yẹ ọmọzae.+ Jihova ọ tẹ ta kẹ omẹ nọ: “Sei Mehar-shalal-hash-baz,
4 keme taure ọmọzae na ọ tẹ te riẹ epanọ a re se, ‘Ọsẹ mẹ!’ gbe ‘Oni mẹ!,’ a te kwa eware Damaskọs gbe egbo-ẹmo Sameria vrẹ ziọ aro ovie Asiria.”+
5 Jihova ọ tẹ wariẹ ta ẹme kẹ omẹ, inọ:
6 “Fikinọ ahwo nana a siọ ame Shailoa*+ nọ o bi su ẹmẹrera na,A tẹ be ghọghọ fiki Rizin gbe ọmọzae Rẹmalaya,+
7 Rri! Jihova ọ te rehọAme Ethẹ* na nọ ọ rrọ buobu jẹ rrọ kẹkẹe na rọ wọso ae,Koyehọ ovie Asiria+ avọ oruaro riẹ kpobi.
Ọ te wọ ze ruru otọ iko-ame riẹ kpobiỌ vẹ te vọ ruọ okpa riẹ kpobi
8 O ve su ruọ Juda soso.
Ọ te wọhọ owhe, o ve ti ku omariẹ soso, rite obọ uriohọ riẹ;+Ibekpe riẹ nọ ọ rriẹ fihọ e te rehọ okẹkẹe ẹkwotọ ra,O Imanuẹl!”*+
9 Wha nwa ae oma, whai ahwo, rekọ a te whọlọ owhai ehehẹhẹ.
Wha gaviezọ, whai kpobi nọ i no eria ithethabọ otọakpọ na ze!
Wha ruẹrẹ oma kpahe kẹ ẹmo-ofio, rekọ a te whọlọ owhai ehehẹhẹ!+
Wha ruẹrẹ oma kpahe kẹ ẹmo-ofio, rekọ a te whọlọ owhai ehehẹhẹ!
10 Wha ma omaa, rekọ a te raha iẹe!
Wha ta ẹme kpobi nọ u je owhai, rekọ o te via ha,Keme Ọghẹnẹ ọ rrọ kugbe omai!*+
11 Avọ obọ ogaga riẹ nọ ọ rọ kpahe omẹ, enẹ Jihova ọ ta kẹ omẹ rọ vẹvẹ omẹ unu re mẹ siọ edhere ahwo nana ba ẹnya inọ:
12 “Oware nọ ahwo nana a se ẹgwae omuomu nọ a lẹlẹ gba, wha du sei ẹgwae omuomu nọ a lẹlẹ gba ha!
Wha dhozọ oware nọ a be dhozọ riẹ hẹ;Wha nuhu fiki riẹ hẹ.
13 Jihova olori egbaẹmo họ Ọnọ wha re rri nọ ọ rrọ ọrẹri,+Ọye họ Ọnọ wha rẹ dhozọ riẹ,Yọ ọye họ Ọnọ ọ rẹ lẹliẹ owhai nuhu.”+
14 Ọ te jọ wọhọ aruẹri,Rekọ ọ te jọ wọhọ utho nọ a re kpe owọ họJẹ wọhọ utho nọ u re ru ohwo zoruẹ,+Rọkẹ iwou ivẹ Izrẹl na,Wọhọ ẹta gbe agbefẹRọkẹ ahwo nọ a be rria Jerusalẹm.
15 Ibuobu rai i ti zoruẹ je kie, a vẹ nwoma;A te kpahe ẹta kẹ ae, a ve mu ai.
16 Kpiri obe nọ a kere ovuẹ na fihọ na;*Gba uzi* na di evaọ udevie ilele mẹ!
17 Me ti gbe rẹro* Jihova,+ ọnọ ọ be kuọ ovao riẹ dhere no uwou Jekọp,+ yọ me ti fi ẹruore mẹ họ iẹe.
18 Rri, Mẹ avọ emọ nọ Jihova ọ kẹ omẹ na+ yọ eware oka+ gbe iruo igbunu evaọ Izrẹl nọ i no obọ Jihova olori egbaẹmo na ze, ọnọ ọ be rria ehru Ugbehru Zayọn.
19 Yọ otẹrọnọ a ta kẹ owhẹ nọ: “Nekpẹ mi ahwo nọ a re lele izi ta ẹme hayo egbẹva nọ e rẹ va jẹ ta ẹme imimẹ,” kọ ogbẹrọnọ Ọghẹnẹ rai u fo nọ ahwo a rẹ nekpẹ mi? Kọ enọ i whu no a rẹ nekpẹ mi kẹ enọ e rrọ uzuazọ?+
20 Ukpoye, jọ a nekpẹ mi uzi na gbe obe nọ a kere ovuẹ na fihọ na!*
Nọ a gbẹ ta ẹme nọ ọ rọwokugbe ẹme nana ha, a ti wo elo ho.*+
21 Yọ omomọvo ọ te jọ ẹkwotọ na nya avọ oja nọ ọ be re gbe ohọo;+ yọ fikinọ ohọo u bi kpei, o te je bi mu ofu, ọ te la ovie riẹ avọ Ọghẹnẹ riẹ eka nọ o bi rri obọ ehru na.
22 Kẹsena o ve ti rri otọakpọ na, ọ vẹ ruẹ idhọvẹ avọ ebi ọvo, eware nọ e rrọ bizi bizi gbe oke obẹbẹ, oke nọ u si di, yọ elo ọ riẹ hẹ.
Eme-Obotọ
^ O sae jọ nọ otofa riẹ họ “O bi Siawọ Bru Egbo-Ẹmo Na, Be Nyaze Vẹrẹ Vẹrẹ Bru Eware nọ A Kwa Na.”
^ Evaọ Hibru, “rehọ ugbẹ ohwo-akpọ.”
^ Hayo “se isẹri kpahe iẹe.”
^ Evaọ Hibru, “mẹ tẹ nya kẹle.”
^ Koyehọ, aye Aizaya.
^ Shailoa na yọ unu nọ ame ọ jẹ hai ro su vrẹ.
^ Koyehọ, Yufretis.
^ Hayo “obe nọ o kẹ imuẹro na.”
^ Hayo “uthubro.”
^ Hayo “Mẹ te rọ ọwhọ hẹrẹ.”
^ Hayo “obe nọ o kẹ imuẹro na.”
^ Evaọ Hibru, “oke o te ke kẹ ae he.”
