Aizaya 50:1-11

  • Izieraha Izrẹl e wha ebẹbẹ ze (1-3)

  • Odibo Jihova nọ o bi yoẹme (4-11)

    • Ẹrọo avọ ezọ enọ a wuhrẹ no (4)

50  Enẹ Jihova ọ ta: “Obe-udu orọo-ofa+ nọ me ro le oni rai vrẹ o rrọ? Hayo kọ ono mẹ reosa riẹ nọ mẹ zẹ owhai kẹ? Rri! Fiki iruthọ+ obọrai a rọ zẹ owhai,Yọ fiki izieraha obọrai a ro le oni rai vrẹ.+   Kọ fikieme ohwo ọvo ọ gbẹ jọ etenẹ hẹ okenọ mẹ nyaze? Fikieme ohwo ọvo ọ gbẹ kpunu hu okenọ me se?+ Kọ obọ mẹ o kpẹre hrọ nọ mẹ gbẹ sai ro siwi hi,Hayo kọ me wo ogaga nọ mẹ sai ro siwi hi?+ Rri! Mẹ rẹ rehọ ọwhọkuo mẹ ru abade kpọ;+Me re zihe ithẹ ruọ udhude.+ Iyei nọ e rrọ eva rai i ve gbo no fiki ame nọ ọ riẹ hẹ,Je whu fiki uruame.   Mẹ rẹ rehọ ebi zuo idhiwu na,+Jẹ rehọ ehọ-ekpa* wowo iei.”   Jihova Olori nọ Ọ Mai Kpehru na ọ kẹ omẹ ẹrọo enọ a wuhrẹ* no,+Re mẹ ruẹse riẹ epanọ mẹ rẹ rọ kpahe ẹme nọ o kiehọ kẹ ọnọ oma o rrọ no.*+ Ọ rẹ rọwo omẹ ze kohiohiẹ kohiohiẹ;Ọ rẹ rọwo ezọ mẹ ze re mẹ gaviezọ wọhọ enọ a wuhrẹ.+   Jihova Olori nọ Ọ Mai Kpehru na o rovie ezọ mẹ no,Yọ me je veghe uzou hu.+ Me kuomarẹriẹ rri abọdekọ họ.+   Mẹ rehọ uke mẹ kẹ ahwo nọ a be fa omẹJẹ rehọ egba mẹ kẹ ahwo nọ a sawo eto no ai no. Mẹ kuọ ovao mẹ dhere no eware nọ e rẹ wha omovuọ ze he hayo no eya nọ a re nwo ku omẹ hẹ.+   Rekọ Jihova Olori nọ Ọ Mai Kpehru na o ti fiobọhọ kẹ omẹ.+ Oyejabọ nọ oma o te rọ vuọ omẹ hẹ na. Oyejabọ nọ me ro ru ovao mẹ wọhọ utho ọgaga,+Yọ mẹ riẹ nọ a ti ru oma vuọ omẹ hẹ.   Ọnọ ọ ta nọ me kiẹrẹe ọ rrọ kẹle omẹ. Ono ọ rẹ sae bọwo omẹ ota?*+ Joma gbẹ kpama dikihẹ.* Ono o wo ẹdhọ kugbe omẹ? Jọ ọ nya kẹle omẹ.   Rri! Jihova Olori nọ Ọ Mai Kpehru na o ti fiobọhọ kẹ omẹ. Ono ọ rẹ ta nọ mẹ reabe? Rri! Aikpobi a te hiẹ no wọhọ ohọ. Amara ọ te re ai no. 10  Ono evaọ usu rai ọ be dhozọ JihovaJẹ be gaviezọ kẹ urru odibo riẹ?+ Ono ọ jọ evaọ ebi ọlala nya no, ababọ uvumọ elo? Jọ o fievahọ odẹ Jihova jẹ rehọ omariẹ rẹrẹ* Ọghẹnẹ riẹ. 11  “Rri! Whai kpobi nọ i bi koko erae họ na,Nọ i bi ru nọ erae e be rọ la,Wha rehọ elo erae rai rọ nya,Evaọ udevie erae nọ e be la nọ wha kokohọ na. Onana họ oware nọ wha ti wo no obọ mẹ ze: Wha ti kiẹzẹ avọ edada egaga.

Eme-Obotọ

Hayo “ehọ-ẹkporo.”
Hayo o sae jọ nọ, “bọ ọnọ oma o rrọ no ga.”
Hayo “ẹrọo nọ a wuhrẹ ziezi.”
Hayo “sai lele omẹ si ikẹ.”
Hayo “rẹriẹ ovao dhe ohwohwo.”
Hayo “rẹroso.”