Aizaya 1:1-31
1 Eruẹaruẹ nọ Aizaya*+ ọmọzae Emọz ọ ruẹ kpahe Juda avọ Jerusalẹm evaọ edẹ Uzaya,+ Jotam,+ Ehaz,+ gbe Hẹzikaya+ ivie Juda:+
2 Whai idhiwu, wha yo, re whẹ otọakpọ+ whọ gaviezọ,Keme Jihova ọ ta ẹme no inọ:
“Me wo emezae nọ mẹ yọrọ no otọ ze nọ i te ahwo no,+Rekọ a kpareso omẹ.+
3 Eruẹ ọ riẹ ohwo nọ ọ dẹ riẹ,Yọ eketekete ọ riẹ oria emu erao nọ ohwo nọ o wo rie o re fi emu họ kẹe;Rekọ Izrẹl ọ riẹ omẹ* hẹ,+Ahwo obọmẹ a bi ru eware avọ otoriẹ hẹ.”
4 Uye u te orẹwho nọ o vọ avọ uzioraha na,+Ahwo nọ oruthọ ọ nyẹ nyaotọ,Ogbotu ahwo omuomu, emọ nọ e raha no!
A nyasiọ Jihova ba no;+A kẹ Ọrẹri Izrẹl na adhẹẹ hẹ;A kiuke rai ku ei no.
5 Diẹse o gbe kiọkọ oma rai nọ a rẹ tehe nọ wha bi fiba ọwọsuọ rai na?+
Uzou na soso o be mọ,Yọ ẹyao ọ vọ udu na soso.+
6 No evawọ rite uzou, uvumọ oria o rrọ ọkọkọ họ.
Emela, eria nọ i vre fihọ gbe ela nọ i rovie enu fihọ e rrọ oma na—A ri siwi ai hi* hayo gba ae he hayo rehọ ewhri wholo ai hi re e lọhọ.+
7 Ẹkwotọ rai ọ rrọ ofofe.
A rehọ erae mahe ikpewho rai no.
Ahwo erẹwho efa a be re eware ẹkwotọ rai no evaọ iraro rai.+
O wọhọ otọ nọ o raha no nọ ahwo orẹwho ọfa a fi kparobọ.+
8 A nyasiọ ọmọtẹ Zayọn ba wọhọ uwou-owhre nọ o rrọ ọgbọ evaene,Wọhọ umuwou nọ o rrọ udhu ikukumba,Wọhọ okpẹwho nọ a ko họ.+
9 Ogbẹrọnọ Jihova olori egbaẹmo ọ nyasiọ umutho ahwo jọ ba kẹ omai nọ a zọ họ,Ma hae te jọ wọhọ Sọdọm,Yọ ma hae te jọ wọhọ Gomora.+
10 Wha yo ẹme nọ Jihova ọ ta, whai isu egeva* Sọdọm.+
Wha gaviezọ kẹ uzi* Ọghẹnẹ mai, whai ahwo Gomora.+
11 Jihova ọ ta nọ, “Didi erere me bi wo no idheidhe ibuobu rai ze?+
Idhe emahọ nọ wha be rehọ igbo+ gbe iwhri erao epoporiẹ+ dhe e bẹ omẹ no,Yọ me wo evawere kpahe azẹ+ iruẹ+ avọ imigodẹ gbe ewe+ he.
12 Nọ wha be nyaze aro mẹ na,+Ono ọ ta nọ wha nyaze,Nọ wha bi ro thihi ighẹ sa-sa nọ e rrọ uwou mẹ raha na?+
13 Wha gbẹ rehọ idhe ibi ekakọ nọ i fioka ha ze ofa ha.
Insẹnse rai i bi tu omẹ oma.+
Ehaa ọvẹre ọkpokpọ,+ edijala,+ ikokohọ nọ wha bi se ahwo kokohọ kẹ+—Mẹ sai thihakọ ogaga emajiki+ nọ a re ro ru eware avọ okokohọ urirẹ rai hi.
14 Me* mukpahe ehaa ọvẹre ọkpokpọ rai gbe ehaa rai.
I zihe ruọ owha ogbẹgbẹdẹ kẹ omẹ no;E bẹ omẹ ẹwha no.
15 Nọ wha tẹ rriẹ abọ rai fihọ re wha lẹ,Mẹ rẹ ko ibiaro mẹ dhere owhai.+
Dede nọ wha be lẹ elẹ buobu,+Mẹ be gaviezọ họ;+Azẹ ọ vọ abọ rai.+
16 Wha họ omarai, wha ru omarai fo;+Wha si iruẹru imuomu rai no aro mẹ no;Wha siọ eyoma ba eru.+
17 Wha wuhrẹ epanọ a re ru oware uwoma, wha gwọlọ uvioziẹ+Wha kpọ ọnọ o re kienyẹ ahwo na vi,Wha thothọ ọmọ nọ o wo ọsẹ hẹ* evaọ eware nọ o wo udu rai,Wha thothọ aye-uku.”+
18 “Wha nyaze enẹna, re ma kpọ eware vi evaọ udevie mai,” ere Jihova ọ ta.+
“Dede nọ izieraha rai e rrọ wawae,A ti ru ai jọ fuafo wọhọ ekpalekpa-ame;+Dede nọ e rrọ wawae wọhọ ohọ owawae ogbagba,E te jọ fuafo wọhọ uvovo.
19 Otẹrọnọ wha rọ unevaze gaviezọ,Wha te re emamọ eware ẹkwotọ na.+
20 Rekọ otẹrọnọ wha gbẹ rọwo gaviezọ họ jẹ wọso,A te rehọ ọgbọdọ kpe owhai muotọ,+Keme unu Jihova o ta riẹ no.”
21 Rri epanọ okpẹwho nọ a re fievahọ+ na u zihe ruọ ogberẹ no!+
Uvioziẹ o da riẹ fia vẹre;+Ẹrẹreokie ọ jẹ hae rria eva riẹ,+Rekọ ijihẹ họ enọ e rrọ eva riẹ enẹna.+
22 Isiliva ra i zihe ruọ egbẹ nọ i no ayọno ze no,+Yọ a rọ ame gua udi ebiẹ* ra no.
23 Ikpahwo-esuo ra a wo udu ogaga je bi kuomagbe iji.+
Udi-oriọ o rẹ were aikpobi, yọ a rẹ dhẹ lele ekẹ.+
A re bru uvioziẹ kẹ enọ i wo esẹ hẹ hẹ,*Yọ a rẹ jọ oborai guẹdhọ aye-uku vievie he.+
24 Fikiere Olori uzẹme na, Jihova olori egbaẹmo,Ọnọ Ọ Rrọ Ọgba Izrẹl ọ ta nọ:
“U te no! Me ti si ewegrẹ mẹ no omamẹ,Me ve ti ru ewegrẹ mẹ kele.+
25 Mẹ te rẹriẹ obọ mẹ rọsuọ owhẹ,Mẹ te ghra ekagba ra kufiẹ wọhọ oware nọ a rehọ ame-ogo wozẹ,Me ti si egbegbe ra kpobi no.+
26 Me ti ru owhẹ wariẹ wo ibruoziẹ wọhọ epanọ o jọ evaọ oke emuhọJe ti ru owhẹ wo ekiroro wọhọ epanọ o jọ evaọ emuhọ.+
Kẹsena a ve ti se owhẹ Okpẹwho Ẹrẹreokie, Ẹwho Oruọzewọ.+
27 A te rọ ẹkwoma uvioziẹ ta Zayọn zihe ze,+Ahwo riẹ nọ a zihe ze kọ ẹkwoma ẹrẹreokie.
28 A ti wiri otu ọwọsuọ gbe erahaizi na kugbe,+Yọ enọ e be nyasiọ Jihova ba i ti whu no.+
29 Keme oma ire ilogbo nọ e were owhai na o te vuọ ae,+Yọ a ti kpomovuọ họ owhai oma fiki egbọ* nọ wha salọ.+
30 Keme wha te jọ wọhọ ure ulogbo nọ ebe riẹ i bi lo no,+Jẹ jọ wọhọ ọgbọ nọ ame ọ rrọ họ.
31 Ọzae ọgaga na o ti zihe ruọ ufi,*Iruo riẹ kọ ogẹgẹ-erae;Tei te iruo riẹ a te to kugbe,Ohwo ọvo ọ te jariẹ nọ o ti furie ae he.”
Eme-Obotọ
^ Otofa riẹ họ “Esiwo Jihova.”
^ Hayo “olori riẹ.”
^ Evaọ Hibru, “A ri mi ai hi.”
^ Hayo “isu.”
^ Hayo “uthubro.”
^ Hayo “ọmọ nọ o wo ọsẹgboni hi.”
^ Hayo “ebiẹ iwhiti.”
^ Hayo “emọ nọ i wo esẹgbini hi hi.”
^ O wọhọ nọ o be ta kpahe ire gbe egbọ nọ i wobọ kugbe ẹdhọgọ.
^ Nọ oghẹrẹ ufi jọ nọ o rẹ sai fru erae.
