Aizaya 45:1-25
45 Enẹ Jihova ọ ta kẹ Sairọs,+ ọnọ o wholo,Ọnọ me kru obọze riẹ+Re me fi erẹwho kparobọ kẹe,+Re me mi ivie ekwakwa ẹmo,*Re me rovie ethẹ ivẹ na fihọ evaọ aro riẹ,Re a siọ inuethẹ na ba ẹkare:
2 “Mẹ te karo kẹ owhẹ,+Yọ me ti kporo ikpehru na kuotọ.
Mẹ te bẹre ethẹ ekọpa na ehehẹhẹ,Yọ me ti bru ekpọ ayọno nọ a rẹ rọ kare ethẹ na fihọ otọ.+
3 Mẹ te rehọ ekwakwa-aghae nọ e rrọ ebi na kẹ owhẹJẹ rehọ ekwakwa-aghae nọ a si no họ eria nọ i siomano na kẹ owhẹ,+Re whọ ruẹse riẹ nọ mẹ họ Jihova,Ọghẹnẹ Izrẹl, ọnọ ọ be rehọ odẹ ra se owhẹ.+
4 Fiki Jekọp odibo mẹ jegbe fiki Izrẹl, ọnọ mẹ salọ na,Mẹ be rehọ odẹ ra se owhẹ.
Mẹ be kẹ owhẹ odẹ nọ u wo ọghọ, dede nọ whọ riẹ omẹ hẹ.
5 Mẹ họ Jihova, omọfa ọ rrọ họ.
Ọghẹnẹ ọfa ọ rrọ họ u te no omẹ no.+
Mẹ te kẹ owhẹ ẹgba,* dede nọ whọ riẹ omẹ hẹ,
6 Re ahwo a ruẹse riẹ,No obọ ovatha-ọre rite obọ ukiediwo-ọreInọ u te no omẹ no, omọfa ọ rrọ họ.+
Mẹ họ Jihova, omọfa ọ rrọ họ.+
7 Me re ru elo+ jẹ ma ebi,+Me re ru udhedhẹ+ jẹ ma okpẹtu;+Mẹ, Jihova, me bi ru eware nana kpobi.
8 Whai idhiwu, wha rrọ oso no obọ ehru ze;+Jọ ẹgho na ọ rrọ ẹrẹreokie ziọ otọ.
Jọ otọakpọ na u rovie re o mọ ibi esiwo,Jọ u ru ẹrẹreokie dhẹ no otọ ze evaọ oke ovona.+
Mẹ, Jihova, me ru rie no.”
9 Uye u te ọnọ o bi lele Ọnọ ọ ma riẹ vro avro,*Keme ohẹhẹ igbulẹvẹ gheghe ọ rrọEvaọ udevie ehẹhẹ igbulẹvẹ efa nọ e rrọ otọ!
Kọ u fo re ọviẹ ọ ta kẹ Ọmebẹ na* nọ: “Kinọ eme whọ be ma?”+
Hayo kọ u fo re iruo abọ ra e ta nọ: “O wo abọ họ”?*
10 Uye u te ọnọ ọ be ta kẹ ọsẹ nọ: “Didi oware whọ rrọ ọsẹ kẹ?”
Jẹ be ta kẹ aye nọ: “Didi oware who bi yẹ?”*
11 Enẹ Jihova, Ọrẹri Izrẹl,+ Ọnọ ọ ruẹrẹ e riẹ họ ọ ta:
“Kọ whọ rẹ nọ omẹ unu kpahe eware nọ e be thaJe jie uzi kẹ omẹ kpahe emezae mẹ+ gbe iruo abọ mẹ?
12 Mẹ ma otọakpọ na+ jẹ ma ohwo fihọ iẹe.+
Mẹ rehọ abọ mẹ rriẹ idhiwu na fihọ,+Yọ me re jie izi kẹ ogbaẹmo rai kpobi.”+
13 “Mẹ rehọ ohwo jọ mu no evaọ ẹrẹreokie,+Yọ me ti ru idhere riẹ kpobi jọ liọliọ.
Ọye họ ọnọ ọ te bọ okpẹwho mẹ+Je siobọno ahwo mẹ nọ a rrọ igbo+ ababọ osa hayo udi-oriọ,”+ ere Jihova olori egbaẹmo ọ ta.
14 Enẹ Jihova ọ ta:
“Erere* Ijipti avọ eware ekiọthuọ* Ẹtiopia gbe ahwo Sebia, enọ e rrọ thethei,I ti bru owhẹ ze je zihe ruọ era.
A te jọ obemu ra nya lele owhẹ avọ egbregba.
A te nyaze ti guzou kpotọ kẹ owhẹ.+
A te ta kpahe owhẹ evaọ olẹ inọ, ‘Ababọ avro, Ọghẹnẹ ọ rrọ kugbe owhẹ,+Yọ omọfa ọ rrọ họ; Ọghẹnẹ ọfa ọ rrọ họ.’”
15 Evaọ uzẹme, whẹ yọ Ọghẹnẹ nọ ọ rẹ ko iruẹru riẹ dhere,O Ọghẹnẹ Izrẹl, Osiwi na.+
16 A ti ru oma vuọ aikpobi je hrẹ ai kpotọ;Enọ i bi ru emedhọ kpobi e te nyavrẹ avọ omovuọ ogaga.+
17 Rekọ Jihova o ti siwi Izrẹl, o ti siwi ei bẹdẹ bẹdẹ.+
A ti ru oma vuọ owhai hi hayo kpomovuọ ogaga họ owhai oma bẹdẹ bẹdẹ hẹ.+
18 Keme enẹ Jihova ọ ta,Ọmemama nọ ọ ma idhiwu na,+ Ọghẹnẹ uzẹme na,Ọnọ ọ ruẹrẹ otọakpọ na họ, Ọnọ ọ ma riẹ, nọ o ru rie dikihẹ gaga,+Ọnọ ọ ma riẹ, orọnikọ ọ mae gheghe ababọ ẹjiroro ho,* rekọ ọ ruẹrẹ iẹe họ re a rriae:+
“Mẹ họ Jihova, yọ omọfa ọ rrọ họ.
19 Mẹ jọ oria nọ u siomano ta ẹme he,+ evaọ ẹkwotọ ebi;Mẹ ta kẹ ọmọ* Jekọp ho, inọ,‘Gwọlọ omẹ gheghe ababọ ẹjiroro.’*
Mẹ họ Jihova, ọnọ ọ rẹ ta ẹme nọ o kiẹrẹe je whowho oware nọ u kiete.+
20 Wha kokohọ re wha nyaze.
Wha kuomagbe nyaze, whai enọ e dhẹ vabọ no erẹwho na.+
A riẹ oware ovo ho, enọ e be wọ emema nọ a kare no oria ruọ oriaJẹ be lẹ se ọghẹnẹ nọ ọ rẹ sai siwi ai hi.+
21 Wha ta oware nọ wha gwọlọ ta, wha gu ẹkẹ unu rai.
Jọ a gba ẹgwae kugbe evaọ okugbe ọvo.
Ono ọ ta onana fihọ otọ no anwọ oke krẹkri nọ u kpemu zeJe whowho iei anwọ oke nọ o vrẹ?
Kọ ogbẹrọnọ omẹ Jihova?
Ọghẹnẹ ọfa ọ rrọ họ u te no omẹ no;Ọghẹnẹ nọ o kiẹrẹe jẹ rrọ Osiwi,+ u te no omẹ no omọfa ọ rrọ họ.+
22 Wha rẹriẹ bru omẹ ze re a siwi owhai,+ whai oka avọ oka otọakpọ na kpobi,Keme mẹ họ Ọghẹnẹ, yọ omọfa ọ rrọ họ.+
23 Mẹ rehọ omobọ mẹ duwu iyei no;Ẹme na o no unu mẹ vrẹ no evaọ ẹrẹreokie,Yọ o ti zihe he:+
Mẹ eghilowọ kpobi o ti kigwẹ kẹ,Ẹrọo kpobi o ti duwu iyei inọ ọ rẹ talamu omẹ+
24 Jẹ ta nọ, ‘Ababọ avro, Jihova o wo uvi ẹrẹreokie gbe ẹgba.
Enọ i bi mu ofu ọgaga kẹe kpobi a te nyaze aro riẹ avọ omovuọ.
25 Emọ* Izrẹl kpobi a te ruẹ nọ a riẹ ru+ nọ a rọ gọ Jihova,Yọ fiki riẹ a ti ro seha.’”
Eme-Obotọ
^ Evaọ Hibru, “Re mẹ ba eware no eku ivie.”
^ Evaọ Hibru, “Me ti mu eku ra ga ziezi.”
^ Hayo “si ikẹ.”
^ Hayo “Ọnọ ọ be rehọ iẹe ma oware.”
^ Hayo o sae jọ nọ, “Hayo kọ u fo re ọviẹ ọ ta nọ: ‘Oware nọ who ru u wo abọ họ’?”
^ Hayo “Eme ọ rrọ owhẹ eva nọ whọ be thuẹ othuẹ eyẹ riẹ?”
^ Hayo o sae jọ nọ, “Iruiruo.”
^ Hayo o sae jọ nọ, “egba-ihreki.”
^ Hayo o sae jọ nọ, “re o jọ ofofe he.”
^ Hayo “kufiẹ.”
^ Evaọ Hibru, “ubi.”
^ Evaọ Hibru, “Ubi.”
