Aizaya 38:1-22
38 Evaọ edẹ yena, ẹyao o te kie Hẹzikaya te epanọ o ro te uwhu no.+ Aizaya ọruẹaro+ na, ọmọzae Emọz ọ tẹ nyaze, ọ tẹ ta kẹe nọ, “Enẹ Jihova ọ ta: ‘Vuẹ ahwo uwou ra oware nọ a re ru, keme who ti whu; ẹyao ra na o ti kpo ho.’”+
2 Nọ Hẹzikaya o yo ẹme yena, ọ tẹ rẹriẹ ovao riẹ ku ugbẹhẹ, o te mu Jihova họ ẹlẹ se, inọ:
3 “Mẹ lẹ owhẹ, O Jihova, ivie, kareghẹhọ+ epanọ mẹ rọ udu mẹ kpobi+ nya avọ oruọzewọ evaọ aro ra, me te je ru oware nọ u woma evaọ aro ra.” Hẹzikaya o te muhọ ẹviẹ whrowhrowhro.
4 Kẹsena ẹme Jihova o te bru Aizaya ze, inọ:
5 “Zihe re whọ ta kẹ Hẹzikaya+ nọ, ‘Enẹ Jihova Ọghẹnẹ Devidi ọsẹ-esẹ ra ọ ta: “Me yo olẹ ra no.+ Mẹ ruẹ irui-oviẹ ra no.+ Rri, me bi fi ikpe ikpegbisoi ba uzuazọ* ra,+
6 me ti siwi owhẹ gbe okpẹwho nana no obọ ovie Asiria, yọ mẹ te thọ okpẹwho nana.+
7 Onana họ oka nọ u no obọ Jihova ze re u dhesẹ kẹ owhẹ nọ Jihova o ti ru ẹme nọ ọ ta na gba:+
8 Me ti ru uwoho nọ u kpobọ otọ no evaọ ehru istẹpo* Ehaz na re o nya istẹpo ikpe zihe kpemu.”’”+ Fikiere ọre na ọ tẹ nya istẹpo ikpe zihe kpemu evaọ ehru istẹpo nọ o nyavrẹ kpobọ otọ no vẹre na.
9 Eme nọ Hẹzikaya ovie Juda o kere okenọ o kie ẹyao nọ ẹyao na o kpo no.
10 Mẹ ta nọ: “Evaọ udevie uzuazọ mẹMẹ te siọ eva inuethẹ Uki* ba ẹruọ họ.
A te kẹ omẹ uvẹ rria ikpe mẹ nọ i kiọkọ họ.”
11 Mẹ ta nọ: “Mẹ te ruẹ Jah* ha, Jah nọ ọ rrọ ẹkwotọ enọ e rrọ uzuazọ na.+
Me gbe ti rri ahwo-akpọ họNọ mẹ tẹ rrọ kugbe ahwo nọ a rrọ oria nọ uzuazọ o rrọ họ.
12 A wolo oria nọ mẹ be rria no jẹ wọe vrẹ no+Wọhọ uwou-udhu othuru-igodẹ.
Me kpiri uzuazọ mẹ no wọhọ epanọ ohwo nọ o re fi ilulu họ ekpọ ro zuo ehọ o re kpiri ohọ;O bru omẹ kufiẹ no wọhọ ilulu nọ e nya uthethei ohọ nọ a bru no ohọ nọ a zuo re no.
No oke uvo rite oke aso whọ be rehọ omẹ ziọ ekuhọ.+
13 Mẹ fọ rirẹ rite ohiohiẹ.
O bi wiri igbenwa mẹ wọhọ okpohrokpo;No oke uvo rite oke aso whọ be rehọ omẹ ziọ ekuhọ.+
14 Me bi ru edo wọhọ ọmọvra owisẹ hayo ọmọka;*+Me bi dimẹ wọhọ erueruẹ.+
Ibiaro mẹ e be rọ udugaga rri obọ ehru na:+
‘O Jihova, idhọvẹ egaga e rrọ omẹ oma;Jọ ọthuke mẹ!’*+
15 Eme mẹ rẹ sae ta?
Ọ ta ẹme kẹ omẹ je ru oware jọ no.
Mẹ te romakpotọ nya evaọ ikpe uzuazọ mẹ kpobiFiki idhọvẹ egaga mẹ.
16 ‘O Jihova, ẹkwoma eware nana* ohwo kpobi ọ rọ rrọ uzuazọ,Yọ eye i ru ẹzi mẹ rrọ uzuazọ.
Who ti ru omẹ wariẹ wo omokpokpọ jẹ sẹro uzuazọ mẹ.+
17 Rri! Idhọvẹ egaga e jọ omẹ oma viukpọ udhedhẹ;Rekọ fiki evawere nọ who wo kpahe omẹ,*Who siwi omẹ no ọgọdọ ọraha ze.+
Who gbolo izieraha mẹ kpobi fihọ obemu ra no.*+
18 Keme Uki* o rẹ sae kẹ owhẹ orro ho,+Uwhu o rẹ sai jiri owhẹ hẹ.+
Enọ i bi kpobọ ọgọdọ na e rẹ sai rẹro ọtẹruo ra ha.+
19 Enọ e rrọ uzuazọ, enọ e rrọ uzuazọ họ enọ e rẹ sai jiri owhẹ,Nwane wọhọ epanọ mẹ rẹ sai ru nẹnẹ na.
Ọsẹ ọ rẹ sai wuhrẹ emezae riẹ kpahe ọtẹruo ra.+
20 O Jihova, siwi omẹ,Ma vẹ te rehọ ekpata-ifi kporo ile mẹ+Evaọ edẹ uzuazọ mai kpobi evaọ uwou Jihova.’”+
21 Kẹsena Aizaya ọ tẹ ta nọ: “Wha rehọ ifigi eyaya nọ a nware kugbe ze re wha rehọ iẹe tu ẹruẹso na, re ẹyao riẹ na o ruẹsi kpo.”+
22 Hẹzikaya ọ nọ no vẹre, inọ: “Eme họ oka nọ u dhesẹ nọ me ti kpobọ uwou Jihova?”+
