Aizaya 59:1-21
59 Rri! Obọ Jihova o kpẹre hrọ họ nọ ọ gbẹ sai ro siwi hi,+Yọ ezọ riẹ i di hi* nọ ọ gbẹ sai ro yo ẹme he.+
2 Vievie, iruthọ obọrai e hẹriẹ owhai no Ọghẹnẹ rai.+
Izieraha rai i ru rie si ovao riẹ dhere no owhai,Ọ gbẹ rọwo nọ ọ rẹ gaviezọ kẹ owhai hi.+
3 Keme azẹ o gbe evabọ rai ku,+Yọ oruthọ o gbe iziabọ rai ku.
Igbenu rai e be ta erue,+ yọ ẹrọo rai ọ be rọ imimẹ ta eme nọ i kiẹrẹe he.
4 Ohwo ọvo o bi bo rọkẹ ẹrẹreokie he,+Yọ ohwo ọvo o bi kpohọ okọto nyae ta uzẹme he.
A fievahọ oware nọ u muẹro ho,*+ jẹ be ta oware nọ u fioka ha.
A re dieva uye họ a ve yẹ oware nọ o rẹ wha enwoma ze.+
5 A rẹ sa ike araomuomu nọ o wo obi,Yọ a re zuo olulu aruẹ.+
Ohwo kpobi nọ ọ be re ike rai o re whu,Yọ ọriwhẹ o re no eke nọ a kpe ze.
6 Olulu aruẹ rai na ọ te sae jọ wọhọ ewu kẹ ae he,Yọ a te sae rehọ oware nọ a ru ro wowo ho.+
Iruo rai e rẹ wha enwoma ze,Yọ iruẹru ozighi e rrọ abọ rai.+
7 Awọ rai ọ rẹ dhẹ nyai ru umuomu,Yọ a re siawọ nyai kpe azẹ ekueku.+
Iroro iyoma a re roro;Ọraha avọ uye e rrọ idhere rai.+
8 A re riẹ edhere udhedhẹ hẹ,Yọ uvioziẹ o rrọ imidhere owotọ rai hi.+
A ru idhere rai gẹgẹle;Ohwo ọvo ọ rẹ nya ae vrẹ avọ udhedhẹ hẹ.+
9 Oyejabọ nọ uvioziẹ u ro thabọ no omai na,Yọ ẹrẹreokie ọ be karo kẹ omai hi.
Ma bi rẹro elo, rekọ rri! ebi ma be ruẹ;Ma bi rẹro elo ọnwranwra, rekọ evaọ ẹgho ma be jọ nya.+
10 Ma be rọ abọ rara ugbẹhẹ nya wọhọ ahwo nọ a tuaro;Ma be rọ abọ rara wọhọ ahwo nọ a wo ibiaro ho.+
Ma bi zoruẹ evaọ uvo kekeke wọhọ ebi aso;Ma rrọ wọhọ ahwo owhuowhu evaọ udevie egba.
11 Mai kpobi ma be go wọhọ edakaJe bi ru edo uweri wọhọ irueruẹ.
Ma bi rẹro uvioziẹ, rekọ ma ruẹ ọvuọvo ho;Ma bi rẹro esiwo, rekọ u thabọ no omai.
12 Keme ọkparesuọ mai ọ rrọ buobu evaọ aro ra;+Izieraha mai ọvuọvo u bi se isẹri kpe omai.+
Keme ọkparesuọ mai ọ rrọ kugbe omai;Ma riẹ iruthọ mai ziezi.+
13 Ma raha uzi no jẹ vro Jihova no;Ma kiuke mai ku Ọghẹnẹ mai no.
Ma ta kpahe okienyẹ gbe ọkparesuọ no;+Ma jọ udu mai roro kpahe erue jẹ ta eme nọ e rrọ uzẹme he.+
14 A le uvioziẹ zihe no,+Yọ ẹrẹreokie o dikihẹ ugbothabọ;+Keme uzẹme* u zoruẹ no evaọ oko-ore,Yọ oware nọ u kiete o be sae ruọ eva ha.
15 Uzẹme* o rayẹ no,+Yọ a be kwa eware ohwo kpobi nọ ọ siọ eyoma ba eru rehọ.
Nọ Jihova ọ ruẹ onana, eva e tẹ dhae,*Keme uvioziẹ o jariẹ hẹ.+
16 Ọ ruẹ nọ ohwo ọvo ọ jariẹ hẹ,Yọ u gbe rie unu nọ uvumọ ohwo ọ lẹ rọkẹ ae he,Fikiere ugbobọ obọriẹ o tẹ wha esiwo ze,*Ẹrẹreokie obọriẹ ọ tẹ thae uke.
17 Kẹsena o te ku ẹrẹreokie họ oma wọhọ ewu-ẹmo,O te je ku etu-ọgaga esiwo* họ uzou riẹ.+
Iwu orukele o ku họ oma rọ gọ ẹgọ+Jẹ rehọ ọwhọ variẹ omariẹ wọhọ otogbo.*
18 Ọ te hwosa eware nọ a ru kẹ ae:+
Ofu ọgaga rọkẹ ewegrẹ riẹ, orukele rọkẹ ewegrẹ riẹ.+
Yọ ọ te hwosa ẹkẹ nọ u te ikoliko na kẹ ae.
19 Ahwo nọ a rrọ obọ ukiediwo-ọre a te dhozọ odẹ JihovaYọ enọ e rrọ obọ ovatha-ọre a te dhozọ oruaro riẹ,Keme ọ te nyaze wọhọ ethẹ nọ o bi kporo ẹkẹre,Onọ ẹzi Jihova ọ be wọ dhẹ.
20 “Ọnọ ọ rẹ dẹ zihe ze+ na ọ te nyaze Zayọn,+Ọ te nyabru enọ e rrọ Jekọp nọ i kurẹriẹ no uzioraha,”+ ere Jihova ọ ta.
21 “Rọkẹ omẹ, onana họ ọvọ nọ mẹ re kugbe ai,”+ ere Jihova ọ ta. “Ẹzi mẹ nọ ọ rrọ owhẹ oma gbe eme mẹ nọ me fihọ unu ra no na—a ti si ai no unu ra ha, no unu emọ* ra ha, hayo no unu emọ-iruọmọ* ra ha, no enẹna vrẹ rite ebẹdẹ bẹdẹ,” ere Jihova ọ ta.
Eme-Obotọ
^ Evaọ Hibru, “e gbẹdẹ hẹ.”
^ Hayo “oware nọ o rrọ ofofe.”
^ Hayo “oruọzewọ.”
^ Hayo “Oruọzewọ.”
^ Evaọ Hibru, “o tẹ jọ yoyoma evaọ aro riẹ.”
^ Hayo “obokparọ sei.”
^ Hayo “otogbo nọ o wo abọ họ.”
^ Hayo “obokparọ.”
^ Evaọ Hibru, “ubi.”
^ Evaọ Hibru, “ubi ubi ra.”
