Aizaya 16:1-14
-
Ovuẹ oware nọ o te via kẹ Moab o gbẹ nyaharo (1-14)
16 Wha vi egbo se osu ẹkwotọ na,Wha rehọ iẹe evaọ Sila, wha vẹ nya orọ udhude naKpobọ ugbehru ọmọtẹ Zayọn.
2 Emetẹ Moab e te jọ wọhọ ọvra nọ a le no uwou riẹ,+Evaọ eria ekpakpafua Anọn.+
3 “Kẹ ohrẹ, ru oware nọ a jiroro riẹ na.
Ru uwoho ra evaọ uvo kekeke jọ biebi wọhọ aso.
Ko ahwo nọ a vahabọ na dhere, yọ who vivie enọ e be dhẹ hẹ.
4 Jọ ahwo mẹ nọ a vahabọ a rria eva ra, O Moab.
Zihe ruọ oria nọ a re dhere kẹ ae fiki ọnọ ọ be raha ọraha na.+
Ọnọ o bi kienyẹ ahwo na ọ gbẹ te jọ họ,Ọraha na o ti kuhọ,Yọ ahwo nọ a bi thihi amọfa nyaotọ a ti whu no otọakpọ na.
5 Kẹsena ọ vẹ te rehọ agbara-uvie jọ dikihẹ gaga fiki uyoyou nọ o rẹ hiẹ hẹ.
Ọnọ ọ te keriae evaọ uwou-udhu Devidi ọ te jọ ọnọ a re fievahọ;+O ti bruoziẹ ababọ okienyẹ je ru oware nọ u kiẹrẹe ababọ oke oraha.”+
6 Ma yo kpahe omorro Moab no—o wo omorro gaga+—Omoya riẹ gbe omorro riẹ gbe ofu ọgaga riẹ;+Rekọ oware ovo u ti no eme ifofe riẹ ze he.
7 Fikiere Moab o ti kuenu oviẹ fiki okpẹtu riẹ;Aikpobi a ti kuenu oviẹ.+
Ahwo nọ a kpe a ti weri fiki ikeki resin obọ Kiẹ-haresẹt.+
8 Idhu ekakọ Hẹshbọn+ i lo no,Evaene Sibma,+Isu erẹwho na i thihi egha riẹ nọ emamọ ibi e rrọ* nyaotọ no;I te ugbo obọ Jeza+ no vẹre;E kẹre abọ ruọ obọ udhude na no vẹre.
Egha eboba riẹ e rro no je te ugbo obọ abade na no vẹre.
9 Oyejabọ nọ mẹ te rọ viẹ fiki evaene Sibma wọhọ epanọ mẹ be viẹ fiki Jeza na.
Mẹ te rọ irui-oviẹ mẹ ru oma ra vuavo, O Hẹshbọn avọ Ẹliyela,+Keme edo nọ a bi ru fiki ibi-ire ezi ivo ra gbe ivuẹvu ra o kuhọ no.*
10 A si oghọghọ gbe evawere no ọgbọ na no,Yọ a be jọ egbọ evaene so ile oghọghọ hayo ru edo ho.+
Ọnọ o re thihi ibi-ire na o gbe bi thihi ibi-ire ro ru enwaene evaọ eria udi-uruo na ha,Keme me ru edo na serihọ no.+
11 Oyejabọ nọ me bi ro nuhu evaọ obeva fiki Moab,+Wọhọ akpata nọ a bi kporo,Gbe evaọ obọ edidi eva mẹ fiki Kiẹ-haresẹt.+
12 Moab ọ tẹ maki ru otọ ru ehru kẹhẹ evaọ oria ukpehru na jẹ nyae lẹ evaọ oria aruẹri riẹ, o ti wo oware ovo tobọ họ.+
13 Onana họ ẹme nọ Jihova ọ ta kpahe Moab vẹre.
14 Enẹna Jihova ọ be ta nọ: “Evaọ oware ikpe esa, wọhọ unuikpe nọ a rẹ rehọ oruiruo,* a te rehọ oghẹrẹ ozighi ọgaga sa-sa kpomovuọ họ oruaro Moab, ahwo nọ a ti kiọkọ a te jọ kakao gaga, yọ a ti wo ogaga ha.”+
Eme-Obotọ
^ Hayo “egha riẹ nọ emamọ ibi i thuru vọ.”
^ Hayo o sae jọ nọ, “Fikinọ ubo ẹmo o bru ibi-ire ezi ivo ra gbe ivuẹvu ra ze no.”
^ Hayo “onọ a romatotọ kele wọhọ epanọ oruiruo o re ru”; koyehọ, ikpe esa gbagba.