Itaia 28:1-29
28 Ke e reke kain aia baunuea* ae kantara* taani koro ni manging aika tibun Eberaim,+Ao te uee ae e a tabe n rai ae tamaroani karineana,Ae toka i aon atun aia mwarua ae maiureirei te koraki ake a taonakinako n te wain!
2 Noria! Iai iroun Iehova te aomata ae aintoa ma ni korakora.
E na karenakoa te baunuea arei nako aon te aba n te aro ae korakora,N ai aron rebwen te baa ma te karau ae te aiti, ae te ukeukennanti ae urubwai,N ai aron rebwerebwen te baa n te ieka ae korakora.
3 A na toutouaki i aan te waeAia baunuea aika kantara* taani koro ni manging aika tibun Eberaim.+
4 Ao te uee are e a tabe n rai ae tamaroani karineana,Ae e toka i aon atun te mwarua ae maiureirei,E na riki bwa kaanga moan uaan te biiku imwain tain te kabuebue.
Ngkana e noria temanna ao e a kabwautia naba, n te tai are e mena naba ngkekei i nanoni baina.
5 N te bong anne ao e na riki Iehova ae Atuaia taanga ni buaka* bwa te baunuea ae mimitong ao te bau ae tamaroa nakoia te koraki ake nikiraia ana aomata.+
6 Ao e na kairiia taani motikitaeka bwa a na motikitaeka n te aro ae riai,* ao e na riki bwa nibwani korakoraia te koraki ake a kaaitaraia taani kairiribai ake a ninia mataroan te oo.+
7 Ao a na bebei naba te koraki aei ibukin te wain.
E na karangarangaia nimaia ae te kamanging.
E bebei te ibonga* ma te burabeti ibukin te kamanging,E kaminoi aia iango te wain,Ao a a rangaranga man nimaia te kamanging.
E a kairiia aia taratara bwa a na bebeiAo a a tibanako n aia motikitaeka.+
8 Bwa a onrake aia taibora n te mumuta ae kamwara,Ao akea te tabo ae akea iai.
9 Antai ae e na anganaki te atatai iroun teuaei,Ao antai ae e na kabwarabwaraaki te rongorongo nakoina iroun teuaei?
Nakoia te koraki ake a a tibwa kakoriraki man te rannimamma,Ake te koraki ake a a tibwa uotakinako man te mamma?
10 Bwa bon “te tua imwin te tua, te tua imwin te tua,Te kaetieti i aon te kaetieti, te kaetieti i aon te kaetieti,*+Teutana ikai ao teutana ikanne.”
11 Mangaia are e na taetae nakoia aomata aikai rinanoia te koraki ake a baebae neweia* ngkana a taetaenikawai, ao rinanon te taetae ae ianena.+
12 E tuangia ngkoa ni kangai: “Aio te tabo ni motirawa. Ke e motirawa ane e rangi ni kua, aio te tabo ni karekea te ang ae boou,” ma a rawa n ongo.+
13 Ai ngaia are irouia naakai ao e na kangai ana taeka Iehova:
“Te tua imwin te tua, te tua imwin te tua,Te kaetieti i aon te kaetieti, te kaetieti i aon te kaetieti,*+Teutana ikai ao teutana ikanne,”Ngaia are ngkana a nakonako,Ao a na tatanako ma ni bwaka ni botararake,Ao a na mwaoto, ao a na kamwaneaki, ao a na mwane.+
14 Mangaia ae kam na ongora n ana taeka Iehova, ngkami aika taani kamoamoa,Ngkami aika taan tautaekania aomata aikai i Ierutarem,
15 Bwa kam kangai:
“Ti a tia ni karaoa te berita ma te Mate,+Ao ti a tia ni karaoa te boraraoi* ma te Ruanimate.*
Ngkana e a raanga te ieka ae korakora,Ao e na aki roko irouraBwa ti a tia ni karaoa te kewe bwa ara tabo ni kamanomano,Ao ti a tia ni karabaira n te kewekewe.”+
16 Mangaia ae e kangai ana taeka te Uea ae Moan te Rietata ae Iehova:
“Akea bwa I a kawenea te atibu ae e a tia ni kataaki bwa aan Tion,+
Ae atibun te maninganinga ae rangi ni kakawaki+ ae aan te kateitei ni koaua.+
Akea ae e onimaki ae e na buannano.+
17 Ao N na karaoa te kaetitaeka ae riai bwa te kora ni baire+Ao te raoiroi bwa te bwai ni kaboraoi.*+
E na uotaanako te tabo ni kamanomano ae te kewe te karau ae te aiti,Ao e na iekaki te tabo ni karaba n te ran.
18 E na kamaunaaki ami berita ma te Mate,Ao e na aki teimatoa ami boraraoi ma te Ruanimate.*+
Ngkana e a raanga te ieka ae korakora,Ao kam na taonakinako iai.
19 Ni katoatai are e raanga iaiAo e na uotiingkami nako,+Bwa e na raanganako n te ingabong teuana ma teuana,N te ngaina ao n te bong.
Tii te maaku ae kona ni kamataataia n te rongorongo.”*
20 Bwa e a rangi n uarereke te nne ni wene are e na aroria iai temanna,Ao e a rangi n reme te rabuna are e na niria iai.
21 Bwa e na teirake Iehova n aron are n te Maunga ae Beratim,E na teirake n aron are n te tabo ae aoraoi* i rarikini Kibeon,+Bwa e aonga ni karaoa ana mwakuri ae ana mwakuri ae kamimi,Ao e aonga ni waakinaanako ana mwakuri ae ana mwakuri ae kaokoro.+
22 Ao tai kakaniko,+Bwa a aonga n aki koo riki kabaeami,Bwa I a tia n ongo mairoun te Uea ae Moan te Rietata ae Iehova ae Atuaia taanga ni buaka,Bwa e a tia ni baireaki kamaunaan te aba ni kabutaa.*+
23 Aanga taningami ao ongora ni bwanaau.
Kakauongo ao ongora n te bwai ae I taekinna.
24 E na teimatoa ni kamarautano ni kabongnga teuare kamarautano imwain ae e uniki koraa?
E na teimatoa ni kena ana tano ma ni kamtea?+
25 Ngkana e a tia ni kaboraoa aontano te aomata,Ao tiaki e na kamaenakoa te kumin* ae roroo ma n unika te kumin,Ao tiaki e na unika te uita, te mirete,* ao te baare n aia tabo nakoAo te aeka ni uita* riki teuana+ ni katobibia te mataniwi?
26 Bwa E reireinna* te aro ae eti,E reireinna Atuana.+
27 Bwa e aki kakamantintaki te kumin ae roroo n te bwai ni kaaki kun ni uita ae katikitikaki,+Ao e aki kakabutaki wiran te kaa i aon te kumin.
Ma e ikaki te kumin ae roroo n te okoAo te kumin n te kai.
28 E kamantinta te koraa te aomata ibukin te kariki?
Tiaki ngaia anne, e aki kaaki kunna n aki toki,+Ao ngkana e kabuta wiran ana kaa i aona ma ana aoti,Ao e aki kamantintia.+
29 E roko aei naba mairoun Iehova ae Atuaia taanga ni buaka,Ae teuare e tamaroa ana reirei ni kairiri,*Ao a rangi n raoiroi baika e kakororaoi.*+
Taiani Kabwarabwara Mai Nano
^ N taraana e kaineti nakon Tamaria ae kautun te aba.
^ Ke, “kainikatonga; kamoamoa.”
^ Ke, “kainikatonga; kamoamoa.”
^ Ke, “Tabaota.” Nora Nanon Taeka.
^ Ke, “E na riki bwa te taamnei ae kairiri nakoia taani motikitaeka.”
^ Nora Nanon Taeka.
^ Ebera, “te kora ni baire i aon te kora ni baire, te kora ni baire i aon te kora ni baire.”
^ Ebera, “riaia.”
^ Ebera, “te kora ni baire i aon te kora ni baire, te kora ni baire i aon te kora ni baire.”
^ Ke tao, “karaoa te miitara.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “te kora ni kaeti.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke tao, “Ngkana a mataata, ao a na namakina te maaku ae korakora.”
^ Ke, “te tabo ae aoraoi ae mena n te mwarua.”
^ Ke, “te aonnaba ni kabutaa.”
^ Te aroka ae rangi n ataaki riki ibukini koraana ae boiarara, ae kakabonganaaki n aaba ake i mainiku ao aaba riki tabeua bwa renganan te kariki, taiani keeke, te tuubu n irikomaiu, ao ai moi aika kamanging.
^ Te aeka n aroka ae a rangi n uarereke koraana ae a kakabonganaaki ibukini karaoan te kariki.
^ Te taeka n Ebera ae kaineti ma te aeka ni uita teuana ae ribanaaki i Aikubita rimoa, ma e raoiroi riki are bon te uita.
^ Ke, “reireinna ni kaetia; katuuaaea.”
^ Ke, “kantaninga.”
^ Ke, “Ao ae e kakannato wanawanana ae manena.”