TITIRAKI 5
Tera te Rongorongo ae Mena n te Baibara?
“N na karekea te kairiribai i marenam ma te aine ao i marenani kanoam ma kanoana. E na kamanatuaa atum ao ngkoe ko na kaikoaka bukini waena.”
“A na boni bane natannaomata n te aonnaba ni karekei kakabwaiaaia rinanoni kanoam, ibukina bwa ko ongo ni bwanaau.”
“E bia roko am Tautaeka n Uea. E na kakororaoaki nanom i karawa ao n te aonnaba naba.”
“E a kaan ana tai te Atua are anganga te rau, ni kamanatuaa Tatan i aani waemi.”
“Ngkana a a tia ni kaakaki i aana bwaai ni kabane, ao e na kairia i bon irouna te Nati bwa e na aantaeka iroun Teuare kaaki bwaai ni kabane i aan te Nati, bwa e aonga n riki te Atua bwa bwaninin bwaai ni kabane nakoia aomata nako.”
“A atongaki berita nakon Aberaam ma kanoana . . . , ae Kristo. Ma ngkana ana bwai Kristo ngkami, ao boni kanoan Aberaam ngkami.”
“E a riki te tautaeka n uea ae tautaekania kaain te aonnaba, bwa ana Tautaeka n Uea ara Uea ma ana Kristo, ao e na tautaeka bwa te uea n aki totoki.”
“Mangaia are e a tewenakoaki te rakon are korakora, are te naeta nikawai, are arana te Riaboro ao Tatan, are e burebureiia kaain te aonnaba ni kabutaa. E tewenakoaki nakon te aonnaba, ao a tewenakoaki naba ana anera ma ngaia.”
“E taua te rakon are te naeta nikawai, are te Riaboro ao Tatan, ao e kabaea i nanon 1,000 te ririki.”
