Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Itaia 20:1-6

KABWARABWARAANI KANOANA

  • Te kanikina n ekaanako Aikubita ma Itiobia (1-6)

20  N te ririki are e kanakoa iai te Taretan* nako Atoto+ Tiarekon are Uean Aturia, ao e buakana Atoto ao e taua.+  N te tai anne ao e taetae Iehova rinanon Itaia+ are natin Amoti ni kangai: “Naako, ao kanakoa te raerobwa* mai bebeem ao buutii am kau mai waem.” Ao e boni karaoa anne teuaei, e nakonako n aki karabaanna* ao n aki kauniwaenna.  Ao e taku Iehova: “N aron au toro ae Itaia ngkai e nakonako n aki karabaanna ao n aki kauniwaenna i nanon ririki aika tenua, bwa te kanikina+ ma te bwai ae kamimi n ekaanako Aikubita+ ao Itiobia,+  ao ai aron naba uean Aturia bwa e na kairiia taenikai ake mai Aikubita+ ao taenikai ake mai Itiobia aika ataeinimwaane ma unimwaane, n akea karabaaia ao n aki kauniwaenia ao a na oti bukia, eng, e na kamaamaeaki Aikubita.  Ao a na maakunrang ma ni maamaa ibukin Itiobia are a kabotoi aia kantaninga i aona, ao ibukin Aikubita are aia bwai ni kamoamoa.*  N te bong anne ao a na kangai kaain te aba ae i rarikin taari aei, ‘Nora te bwai ae riki nakon te baere ti kabotoi ara kantaninga i aona, are ti birinako nakoina ibukini buokara ao kamaiuara mairoun uean Aturia! Ti nang kangaa ngkai ni birinako?’”

Taiani Kabwarabwara Mai Nano

Ke, “te mataniwi n te taanga ni buaka.”
Nora Nanon Taeka.
Ke, “n aki tau mwaitin ana kunnikai i aona.”
Ke, “are a mataaiakina tamaroana.”