Mezali 6:1-35
6 Mwana wangu, kama umeahidi kulipia jirani yako mukopo,+Kama umepatiana mukono na mugeni,*+
2 Kama umenaswa na ahadi yako,Kama umekamatwa na maneno ya kinywa chako,+
3 Mwana wangu, fanya hivi na ujiokoe,Kwa maana umeanguka katika mukono wa jirani yako:
Uende na ujinyenyekeze mwenyewe na kumulilia haraka jirani yako.+
4 Usiruhusu macho yako yapate usingizi,Wala kope zako kusinzia.
5 Ujiokoe kama swala kutoka katika mukono wa muwindaji,Kama ndege kutoka katika mukono wa muwindaji wa ndege.
6 Uende kwa siafu, wewe muvivu;+Chunguza njia zake na ukuwe na hekima.
7 Hata kama hana kamanda, ofisa, wala mutawala,
8 Anatayarisha chakula chake wakati wa kipindi cha joto,+Na kukusanya chakula chake wakati wa mavuno.
9 Wewe muvivu, utaendelea kulala pale mupaka wakati gani?
Utaamuka wakati gani katika usingizi wako?
10 Kulala kidogo, kusinzia kidogo,Kukunja mikono kidogo ili kupumuzika,+
11 Na umaskini wako utakuja kama munyanganyi,Na uhitaji wako kama mwanaume mwenye silaha.+
12 Mutu muovu mwenye hana mafaa yoyote anazunguka-zunguka akisema maneno yenye kupotoka;+
13 Anafinya jicho lake,+ anafanya alama kwa muguu wake, na kufanya alama kwa vidole vyake.
14 Kwa moyo wenye kupotoka,Anafanya sikuzote mipango ya uovu+ na kueneza ugomvi.+
15 Kwa hiyo, musiba wake utakuja bila kutazamia;Atavunjwa kwa kushitukia na hataweza kupona.+
16 Kuko vitu sita (6) vyenye Yehova anachukia;Ndiyo, vitu saba (7) vyenye anachukia* sana:
17 Macho yenye majivuno,+ ulimi wa uongo,+ na mikono yenye kumwanga damu yenye haina kosa,+
18 Moyo wenye kufanya mipango ya uovu,+ na miguu yenye kukimbilia haraka kwenye uovu,
19 Shahidi wa uongo mwenye kusema uongo kila wakati anapumua,+Na mutu yeyote mwenye kupanda ugomvi kati ya ndugu.+
20 Mwana wangu, shika amri ya baba yako,Na usiache mafundisho* ya mama yako.+
21 Uvifunge sikuzote kuzunguka moyo wako;Uvifunge kuzunguka shingo yako.
22 Wakati utatembea huku na huku, itakuongoza;Wakati utalala, itakulinda;Na wakati utaamuka, itasema na wewe.*
23 Kwa maana amri hiyo ni taa,+Na sheria ni mwangaza,+Na makaripio ya nizamu ni njia ya uzima.+
24 Yatakulinda na mwanamuke mubaya,+Yatakulinda na ulimi wenye kushawishi wa mwanamuke mwasherati.*+
25 Usitamani uzuri wake katika moyo wako+Wala kukubali akuvute kupitia macho yake yenye kuvutia,
26 Kwa maana kahaba anafanya mutu abakie na kipande kimoja tu cha mukate,+Lakini bibi ya mwanaume mwingine anawinda uzima wenye* samani.
27 Je, mutu anaweza kukusanya moto kwenye kifua chake na nguo zake zisiungue?+
28 Ao je, mutu anaweza kutembea juu ya makaa yenye kuwaka moto na miguu yake isiungue?
29 Ni vile kuhusu mutu yeyote mwenye analala na bibi ya jirani yake;Hakuna mutu yeyote mwenye kugusa bibi huyo mwenye atakosa kupewa azabu.+
30 Watu hawamuzarau mwiziKama anaiba ili ajishibishe* wakati anasikia njaa.
31 Lakini, akipatikana, atalipa mara saba (7);Atatoa vitu vyote vya maana vya nyumba yake.+
32 Mutu yeyote mwenye kufanya uzinifu na mwanamuke hana akili ya muzuri;*Ule mwenye kufanya vile analeta uharibifu juu yake mwenyewe.+
33 Atapata tu vidonda na hataheshimiwa,+Na haya yake haitafutwa.+
34 Kwa maana wivu unafanya bwana akasirike sana;Hataonyesha huruma wakati atalipiza kisasi.+
35 Hatakubali malipo yoyote;*Hatatulizwa, hata ukimupatia zawadi kubwa kadiri gani.
Maelezo ya Chini
^ Ni kusema, wakati unaahidi kumulipia mukopo.
^ Ao “vyenye nafsi yake inachukia.”
^ Ao “sheria.”
^ Ao “itakufundisha.”
^ Ao “nafsi yenye.”
^ Ao “ajaze nafsi yake.”
^ Tnn., “iko katika ukosefu wa moyo.”
^ Ao “bei yoyote ya ukombozi.”
