Mezali 20:1-30
20 Divai ni muzihaki,+ pombe inamufanya mutu kuwa kichwa-nguvu;+Kila mutu mwenye anapotoshwa navyo hana hekima.+
2 Kuogopesha sana kwa mufalme ni kama mungurumo wa simba;*+Kila mutu mwenye anaamusha kasirani yake anatia uzima wake mwenyewe katika hatari.+
3 Ni heshima kwa mutu kujiepusha na mabishano,+Lakini kila mupumbavu atajiingiza ndani.+
4 Muvivu halime wakati wa kipindi cha baridi,Kwa hiyo atakuwa anaomba-omba katika kipindi cha mavuno wakati hatakuwa na kitu.*+
5 Mawazo* ya moyo wa mutu ni kama maji yenye kuenda chini sana,Lakini mutu mwenye utambuzi anayashota.
6 Watu wengi wanatangaza upendo wao mushikamanifu,Lakini ni nani anaweza kupata mutu muaminifu?
7 Mwenye haki anatembea katika uaminifu-mushikamanifu wake.+
Watoto* wake wenye kuja kisha yeye watakuwa na furaha.+
8 Wakati mufalme anakaa kwenye kiti cha ufalme ili kuhukumu,+Anayungulula uovu wote kwa macho yake.+
9 Ni nani anaweza kusema: “Nimesafisha moyo wangu;+Niko safi kutokana na zambi yangu”?+
10 Vipimo vya udanganyifu na mizani* za uongo*—Vyote viwili ni chukizo kwa Yehova.+
11 Hata mutoto* anajulikana kwa matendo yake,Kama tabia yake ni safi na yenye kufaa.+
12 Sikio lenye linasikia na jicho lenye linaona—Yehova ameumba vyote viwili.+
13 Usipende usingizi, ukiupenda utakuwa maskini.+
Fungua macho yako, na utashiba mukate.+
14 “Haiko kizuri, haiko kizuri!” ni vile mwenye kununua anasema;Kisha anaenda zake na kujisifu.+
15 Kuko zahabu, kuko pia marijani* kwa wingi,Lakini midomo ya ujuzi ni kitu chenye samani.+
16 Kamata nguo ya mutu ikiwa ameahidi kulipia mugeni mukopo;+Umunyanganye kitu chenye aliwekesha kwa ajili ya mukopo ikiwa alifanya vile kwa ajili ya mwanamuke mugeni.*+
17 Mukate wenye ulipatikana kwa udanganyifu ni mutamu kwa mutu,Lakini kisha, kinywa chake kitajaa majiwe ya kidogo-kidogo.+
18 Mipango itafanikiwa* wakati kuko kupatiana mawazo,*+Na upigane vita yako kwa ufundi wa kuongoza.*+
19 Muchongezi anaenda huku na huku akifunua mazungumuzo ya siri;+Usishirikiane na mutu mwenye anapenda kupiga porojo.*
20 Kila mutu mwenye analaani baba yake na mama yake,Taa yake itazimwa wakati giza litaingia.+
21 Uriti wenye unapatikana kwanza kwa pupaMwishowe hautakuwa baraka.+
22 Usiseme: “Nitalipiza uovu!”+
Tumainia Yehova,+ naye atakuokoa.+
23 Vipimo vya udanganyifu* ni chukizo kwa Yehova,Na mizani* za uongo haziko muzuri.
24 Hatua za mutu zinaongozwa na Yehova;+Namna gani mwanadamu anaweza kuelewa njia yake mwenyewe?*
25 Ni mutego kwa mutu kutangaza haraka-haraka, “Ni kitakatifu!”+
Na kisha tu wakati fulani anachunguza kile aliwekea naziri.+
26 Mufalme mwenye hekima anayungulula waovu+Na kupitisha gurudumu* la kupiga-piga nafaka juu yao.+
27 Pumuzi ya mutu ni taa ya Yehova,Inachunguza kabisa utu wake wa ndani sana.
28 Upendo mushikamanifu na uaminifu vinamulinda mufalme;+Kwa upendo mushikamanifu anafanya kiti chake cha ufalme kikuwe imara.+
29 Utukufu wa vijana ni nguvu zao,+Na uzuri wa wazee ni imvi zao.+
30 Michubuko na vidonda vinaondoa kabisa* uovu,+Na mapigo yanasafisha utu wa ndani sana wa mutu.
Maelezo ya Chini
^ Ao “mwana-simba mwenye manyoya ya murefu kwenye shingo.”
^ Ao pengine, “Ataangalia wakati wa mavuno lakini hatapata kitu.”
^ Ao “Nia.” Tnn., “Shauri.”
^ Tnn., “Wana.”
^ Ao “kilo.”
^ Ao “Majiwe mbili ya kupimia yenye kuwa tofauti na pia vyombo mbili vya kupimia vyenye kuwa tofauti.”
^ Ao “kijana mwanaume.”
^ Angalia Maana ya Maneno.
^ Ao “mugeni.”
^ Ao “itafanywa kuwa imara.”
^ Ao “shauri.”
^ Ao “muongozo wenye hekima.”
^ Ao “mwenye anashawishi kwa midomo yake.”
^ Ao “Majiwe mbili ya kupimia yenye kuwa tofauti.”
^ Ao “kilo.”
^ Ao “njia ya kufuata.”
^ Ao “mupeto; pneu.”
^ Ao “vinasugua na kuondoa.”
