Mezali 29:1-27
29 Mutu mwenye anafanya shingo yake ikuwe nguvu* kisha kukaripiwa mara nyingi+Atavunjwa bila kutazamia na hataweza kupona.+
2 Wakati wenye haki ni wengi, watu wanafurahi sana,Lakini wakati muovu anatawala, watu wanalia kwa maumivu.+
3 Mutu mwenye anapenda hekima anamufurahisha baba yake,+Lakini mwenye anashirikiana na makahaba anatumia mubaya mali yake.+
4 Kwa haki mufalme anafanya inchi ikuwe imara,+Lakini mutu mwenye kutafuta rushwa* anaiharibu.
5 Mutu mwenye anasifu-sifu jirani yakeAnatandika wavu wa* kunasa miguu yake.+
6 Kosa la mutu mubaya linamunasa yeye mwenyewe,+Lakini mwenye haki anapiga vigelegele vya shangwe na kufurahi sana.+
7 Mwenye haki anahangaikia haki za kisheria za maskini,+Lakini muovu hana hangaiko kama hilo.+
8 Watu wenye kujisifu wanawasha muji moto,+Lakini wenye hekima wanatuliza kasirani.+
9 Wakati mutu mwenye hekima anabishana na mupumbavu,Kutakuwa makelele na zihaka, lakini hawatatosheka.+
10 Watu wenye kiu ya damu wanachukia kila mutu mwenye hana kosa,*+Na wanatafuta kuondoa uzima wa* watu wanyoofu.*
11 Mutu mujinga anaonyesha hisia zake zote,*+Lakini mwenye hekima anazizuia kwa utulivu.+
12 Wakati mutawala anasikiliza uongo,Watumishi wake wote watakuwa waovu.+
13 Maskini na mukandamizaji wanafanana katika jambo hili:*
Yehova anapatia macho ya wote wawili mwangaza.*
14 Wakati mufalme anahukumu maskini kwa haki,+Kiti chake cha ufalme kitakuwa salama sikuzote.+
15 Fimbo* na karipio vinaleta hekima,+Lakini mutoto mwenye kuachiliwa analetea mama yake haya.
16 Wakati waovu wanaongezeka, makosa yanaongezeka,Lakini wenye haki wataona kuanguka kwao.+
17 Tia mwana wako nizamu naye atakupumuzisha;Na atakufurahisha sana.*+
18 Wakati hakuna maono,* watu wanafanya kile wanapenda,+Lakini wenye furaha ni wale wenye wanashika sheria.+
19 Mutumishi hatajiacha arekebishwe na maneno,Kwa maana hata kama anaelewa, hatii.+
20 Je, umemuona mutu mwenye kuwa haraka kusema?+
Kuko tumaini zaidi kwa mupumbavu kuliko yeye.+
21 Kama mutumishi anabembelezwa tangu ujana wake,Kisha wakati fulani atakuwa mutu mwenye hana shukrani.
22 Mutu mwenye kukasirika haraka anachochea ugomvi;+Kila mutu mwenye kukasirika-kasirika sana anafanya makosa mengi.+
23 Kiburi cha mutu kitamunyenyekeza,+Lakini kila mutu mwenye roho ya unyenyekevu atapata utukufu.+
24 Mwenye kushirikiana na mwizi anajichukia mwenyewe.*
Anaweza kusikia mwito wa kutoa ushahidi,* lakini hatoe habari yoyote.+
25 Kutetemeka mbele ya* wanadamu ni* mutego,+Lakini ule mwenye anamutegemea Yehova atalindwa.+
26 Watu wengi wanatafuta kukutana na* mutawala,Lakini mutu anapata haki kutoka kwa Yehova.+
27 Mutu mwenye hatende haki anachukiza mwenye haki,+Lakini ule mwenye njia yake imenyooka anachukiza muovu.+
Maelezo ya Chini
^ Ao “mwenye anaendelea kuwa kichwa-nguvu.”
^ Ao “kata-midomo.”
^ Ao “makila ya.”
^ Ao “mwenye hana lawama.”
^ Ao “nafsi ya.”
^ Ao pengine, “Lakini mutu munyoofu anatafuta kulinda uzima wake.”
^ Tnn., “roho yake yote.”
^ Tnn., “wanakutana pamoja.”
^ Ni kusema, Yeye anawapatia uzima.
^ Ao “Nizamu; Azabu.”
^ Ao “atafurahisha sana nafsi yako.”
^ Ao “maono ya unabii; ufunuo.”
^ Ao “anachukia nafsi yake mwenyewe.”
^ Ao “kiapo chenye laana.”
^ Ao “Kuogopa.”
^ Ao “kunatega.”
^ Ao pengine, “wanatafuta kukubaliwa na.” Tnn., “wanatafuta uso wa.”
