Methali 24:1-34
24 Usiwaonee wivu waovu,Wala usitamani kushirikiana nao,+
2 Kwa maana moyo wao hutafakari ukatili,Na midomo yao huongea kuhusu kuwataabisha wengine.
3 Nyumba* hujengwa kwa hekima,+Na kwa utambuzi hufanywa iwe salama.
4 Kwa ujuzi vyumba hujazwaKila aina ya hazina zenye thamani na zinazopendeza.+
5 Mtu mwenye hekima ana nguvu,+Na kwa ujuzi mtu huzidisha nguvu zake.
6 Kwa mwelekezo stadi* utapigana vita vyako,+Na kupitia washauri wengi kuna ushindi.*+
7 Mjinga hawezi kupata hekima ya kweli;+Hana lolote la kusema katika lango la jiji.
8 Yeyote anayepanga njama ya uovuAtaitwa stadi wa kupanga hila.+
9 Njama za upumbavu* ni dhambi,Na watu humchukia mwenye dhihaka.+
10 Ukivunjika moyo siku ya taabu,*Nguvu zako zitakuwa chache.
11 Waokoe wale wanaopelekwa kwenye kifo,Na uwazuie wale wanaopepesuka wakielekea kuchinjwa.+
12 Ukisema: “Lakini hatukujua jambo hili,”
Je, Yule anayeichunguza mioyo* hatatambua hilo?+
Naam, Yule anayekutazama atajuaNaye atamlipa kila mwanadamu kulingana na matendo yake.+
13 Mwanangu, kula asali, kwa sababu ni njema;Asali ya sega ni tamu kinywani.
14 Vivyo hivyo, jua kwamba hekima ina manufaa kwako.*+
Ukiipata, utakuwa na wakati ujaoNa tumaini lako halitafutiliwa mbali.+
15 Usivizie kwa uovu karibu na makao ya mtu mwadilifu;Usiharibu mahali pake pa kupumzikia.
16 Kwa maana mwadilifu anaweza kuanguka mara saba, lakini atainuka tena,+Lakini waovu watakwazwa na msiba.+
17 Adui yako akianguka, usishangilie,Na akijikwaa, usiruhusu moyo wako uwe na shangwe;+
18 La sivyo, Yehova ataona jambo hilo naye hatafurahi,Naye ataiondoa hasira yake kumwelekea.*+
19 Usifadhaike* kwa sababu ya waovu;Usiwaonee wivu watu waovu,
20 Kwa maana mtu yeyote mwovu hana wakati ujao;+Taa ya waovu itazimwa.+
21 Mwanangu, mwogope Yehova na mfalme.+
Nawe usishirikiane na waasi,*+
22 Kwa maana msiba wao utatokea ghafla.+
Ni nani anayejua jinsi wote wawili* watakavyowaangamiza?+
23 Haya pia ni maneno ya wenye hekima:
Kuonyesha upendeleo katika hukumu si jambo zuri.+
24 Yeyote anayemwambia mtu mwovu, “Wewe ni mwadilifu,”+
Atalaaniwa na watu na kushutumiwa na mataifa.
25 Lakini mambo yatawaendea vema wale wanaomkaripia;+Watapata baraka ya vitu vyema.+
26 Watu wataibusu midomo ya mtu anayejibu kwa unyoofu.*+
27 Tayarisha kazi yako ya nje, na utayarishe kila kitu shambani;Kisha uijenge nyumba* yako.
28 Usitoe ushahidi dhidi ya jirani yako pasipo msingi.+
Usiitumie midomo yako kuwadanganya wengine.+
29 Usiseme: “Nitamtendea kama tu alivyonitendea;Nitamlipiza kwa sababu ya mambo aliyonitendea.”*+
30 Nilipita karibu na shamba la mtu mvivu,+Karibu na shamba la mizabibu la mtu asiye na busara.*
31 Niliona limejaa magugu;Ardhi ilifunikwa na miiba,Na ukuta wake wa mawe ulikuwa umebomoka.+
32 Nilitazama hilo na kulitia moyoni;Nililiona na kujifunza somo hili:*
33 Lala kidogo, sinzia kidogo,Kunja mikono kidogo ili upumzike,
34 Na umaskini wako utakuja kama jambazi,Na uhitaji wako kama mwanamume mwenye silaha.+
Maelezo ya Chini
^ Au “Familia.”
^ Au “mwongozo wenye hekima.”
^ Au “wokovu.”
^ Au “Njama za mpumbavu.”
^ Au “nyakati za taabu.”
^ Au “anayechunguza nia.”
^ Au “ni tamu kwa nafsi yako.”
^ Yaani, yule adui.
^ Au “Usiwake hasira.”
^ Au “wale wanaotaka mabadiliko.”
^ Yaani, Yehova na mfalme.
^ Au labda, “Kujibu kwa unyoofu ni kama kumbusu mtu.”
^ Au “familia.”
^ Au “Nitamlipa sawasawa na matendo yake.”
^ Tnn., “aliyepungukiwa moyoni.”
^ Tnn., “Nilipokea nidhamu.”
