Ġob 8:1-22
8 Imbagħad Bildad is-Suħi wieġbu:
2 “Kemm se ddum titkellem hekk?
Kliemek hu biss kliem fil-vojt!
3 Sejjer Alla ma jagħmilx ġustizzja?
Jew sejjer Dak li Jistaʼ Kollox imur kontra dak li hu sewwa?
4 Jekk it-tfal tiegħek dinbu kontrih,Hu ħalliehom jiġu kkastigati għal dak li għamlu.*
5 Imma jekk tfittex lil AllaU titlob lil Dak li Jistaʼ Kollox biex jurik ħniena,
6 U jekk int veru ġust u sewwa,Hu se jisimgħek*U jerġaʼ jagħtik il-post li jixraqlek.
7 Għalkemm issa m’intix importanti,Se jkollok futur mill-aqwa.
8 Jekk jogħġbok, staqsi lil dawk taʼ qabilna,U agħti kas dak li saru jafu missirijiethom.
9 Aħna bla esperjenza u ma nafu xejn,U ħajjitna hi bħal dell.
10 Huma se jgħallmukU jgħidulek dak li jafu.*
11 Tistaʼ pjanta tal-papiru tikber jekk ma tkunx f’għadira?
Tistaʼ qasba tikber mingħajr ilma?
12 Waqt li jkunu għadhom qed jarmu u ma jkunux ġew maqtugħin,Huma jinxfu qabel kull pjanta oħra.
13 Hekk jiġrilu* kull min jinsa lil Alla,Għax min jirribella* ma jkollux tama.
14 L-affarijiet li jafda fihom mhumiex taʼ min joqgħod fuqhom.
Huma fraġli bħal għanqbuta.
15 Hu se jistrieħ fuq l-għanqbuta, imma din iċċedi;Hu jipprova jżomm magħha, imma titqaċċat.
16 Hu bħal pjanta li għandha l-ilma u x-xemx,U l-friegħi tiegħu jinfirxu mal-ġnien kollu.
17 Hu jniżżel l-għeruq tiegħu fejn hemm ħafna ġebel;U jfittex dar qalb il-ġebel.*
18 Imma meta jiġi maqlugħ minn postu,Dan il-post ma jaċċettahx lura u jgħidlu, ‘Qatt ma rajtek.’
19 Għalhekk jisparixxi;U pjanti oħra jiħdulu postu.
20 Alla żgur mhux se jabbanduna lil min hu bla ħtija;*U mhux se jappoġġa lil* min hu ħażin.
21 Hu se jġiegħlek terġaʼ tkun ferħanU tgħajjat bil-ferħ.
22 Dawk li jobogħduk se jkollhom jistħu,U t-tinda tal-ħżiena ma tibqax teżisti.”
Noti taʼ taħt
^ Letteralment “irħiehom f’id ir-rewwixta tagħhom.”
^ Jew “se jagħmel xi ħaġa għalik.”
^ Letteralment “joħorġu l-kliem minn qalbhom.”
^ Letteralment “Hekk huma t-triqat taʼ.”
^ Jew “min ikun apostat.”
^ Jew “iħares lejn dar tal-ġebel.”
^ Jew “leali lejh.”
^ Letteralment “jaqbad l-id taʼ.”
