Ġob 30:1-31
30 “Imma issa rġiel iżgħar minni jidħqu bija,Irġiel li missirijiethom lanqas għal mal-klieb li jgħassuli l-merħlaMa kont narahom tajbin.
2 Dawn iż-żgħażagħ m’użawx is-saħħa tagħhom biex jgħinuni.
L-enerġija tagħhom ġiet fix-xejn.
3 Huma spiċċaw bla saħħa minħabba l-ġuħ kbir li għandhom.
Jomogħdu dak li jsibu f’art niexfa,Li diġà kienet saret ħerba u nqerdet.
4 Dawn jiġbru weraq mielaħ minn ġos-siġarU għeruq morri biex jikluhom.
5 Huma jitkeċċew mill-bliet;In-nies jgħajtu magħhom bħalma jgħajtu maʼ ħalliel.
6 Huma jgħixu fl-irdumijiet,*Ġo ħofor fl-art, u fil-blat.
7 Jgħajtu minn qalb is-siġarU jinġabru flimkien qalb il-ħurrieq.
8 Huma tkeċċew* mill-artBħan-nies boloh u li ma jiswew għal xejn.
9 Imma issa jwaqqgħuni għaċ-ċajt anki fil-kant tagħhom;Huma jidħqu bija.
10 Huma jobogħduni u jżommu ’l bogħod minni;Ma jiddejqux jobżquli f’wiċċi.
11 Peress li Alla għamilni dgħajjef* u umiljani,Ħaduha kontrija mingħajr ma ħasbuha darbtejn.
12 Huma jqumu kontrija biex jattakkawni mil-lemin;Iġegħluni naħrab u jagħlquli t-triq biex jeqirduni.
13 Huma jkissruli t-triqU jiggravaw il-problemi tiegħi,U ħadd ma jwaqqafhom.*
14 Huma jiġu bħallikieku minn ġo fetħa wiesgħa f’ħajt;Jiġu waqt li nkun f’sitwazzjoni gravi.
15 Taqbadni biżaʼ kbira;Id-dinjità tiegħi tittajjar mar-riħ bħat-trab,U t-tama tiegħi għall-għajnuna tisparixxi bħal sħaba.
16 Issa jien* se mmut;Qed inbati kuljum.
17 Billejl jaqbadni wġigħ kbir fl-għadam;*L-uġigħ ma jieqaf qatt.
18 Il-ħwejjeġ* tiegħi jinġibdu bis-saħħa;*Bħal għonq issikkat, jifgawni.
19 Alla tefagħni fil-ħama;Sirt trab u rmied.
20 Alla tiegħi, jien nitolbok għall-għajnuna, imma ma twiġibnix;Jien noqgħod quddiemek, imma int tibqaʼ tħares lejja.
21 Int ħadtha kontrija bi ħdura;Int tattakkani bil-qawwa kollha tiegħek.
22 Terfagħni u tkaxkarni mar-riħ;Imbagħad tħallini nixxejjer fil-maltempata.*
23 Għax jien naf li int se ġġegħelni mmut,U mmur fil-post fejn se jmur kulħadd.
24 Imma ħadd ma jeqred għalkollox lil raġel li ma jistaʼ jagħmel xejnHekk kif jgħajjat għall-għajnuna fi żmien taʼ niket.
25 Ma bkejtx jien għal min kien għaddej minn żmien diffiċli?*
Ma ddispjaċinix jien* għal min hu fqir?
26 Jien xtaqt inkun ferħan, imma batejt ħafna;Stennejt li se nara d-dawl, imma esperjenzajt id-dlam.
27 Jien inbati kuljum;Jien ansjuż u inkwetat ħafna.
28 Nimxi ’l hemm u ’l hawn b’qalbi sewda; inħossni ddisprat.
Inqum fil-folla u ngħajjat għall-għajnuna.
29 Il-klieb slavaġ saru qishom ħuti,U n-ngħam* saru l-ħbieb tiegħi.
30 Il-ġilda tiegħi swiedet u waqgħet;L-għadam tiegħi sar jaħraq bis-sħana.*
31 L-arpa tiegħi tintuża biss għaż-żmien taʼ dwejjaq,U l-flawt tiegħi jintuża biss mal-ħoss tal-biki.
Noti taʼ taħt
^ Jew “fil-widien.”
^ Jew “tkeċċew bis-swat.”
^ Letteralment “ħall il-korda tal-qaws tiegħi.”
^ Jew forsi “U ħadd ma jgħinhom.”
^ Jew “ruħi.”
^ Letteralment “l-għadam tiegħi jittaqqab minn naħa s’oħra.”
^ Dan jistaʼ jirreferi għall-ġilda.
^ Jew forsi “It-tbatija tiegħi tant hi gravi li tisfigurani.”
^ Jew forsi “ġġibni fix-xejn b’tisbita.”
^ Jew “min ikollu ġurnata iebsa?”
^ Jew “ruħi.”
^ Jiġifieri ostriches.
^ Jew forsi “bid-deni.”
