Ġob 12:1-25

  • It-tweġiba taʼ Ġob (1-25)

    • “M’għandi xejn inqas minnkom” (3)

    • “Sħabi jgħaddu ż-żmien bija” (4)

    • “Alla hu għaref” (13)

    • Alla hu fuq l-imħallfin u r-rejiet (17, 18)

12  Imbagħad Ġob wieġeb:   “Żgur li intom għorrief ħafna! Meta tmutu ma jibqaʼ ħadd iktar għaref!   Imma anki jien għandi ħafna għarfien.* M’għandi xejn inqas minnkom. Min ma jafhomx dawn l-affarijiet li għedtu?   Sħabi jgħaddu ż-żmien bija,Għax nitlob lil Alla u nistenna tweġiba mingħandu. Huma jgħaddu ż-żmien b’xi ħadd tajjeb u bla ħtija bħali.   Min m’għandux inkwiet jaħseb li mhu se jiġrilu xejn. Hu jaħseb li affarijiet ħżiena jiġru biss lil dawk li diġà għandhom il-problemi.*   Il-ħallelin jgħixu fil-paċi fid-djar tagħhom,U dawk li jirrabjaw lil Alla huma moħħhom mistrieħBħal dawk li jġorru l-allat tagħhom f’idejhom.   Issa jekk jogħġbok, staqsi lill-annimali, u jgħallmuk;Staqsi lill-għasafar, u jgħidulek.   Osserva* l-ħlejjaq tal-art, u dawn jgħallmuk;Osserva l-ħut u juruk il-verità.   Min fost dawn kollha ma jafxLi ġie maħluq minn Ġeħova? 10  Il-ħajja taʼ kull ħaġa* hi f’idejhU anki n-nifs* taʼ kull bniedem. 11  Il-widna teżamina l-kliemBħalma l-ilsien itiegħem l-ikel. 12  Dawk li huma kbar fl-età huma għorrief,U dawk li għexu ħajja twila kapaċi jifhmu. 13  Alla hu għaref u b’saħħtu;Hu kapaċi jifhem u se jagħmel dak li jrid hu. 14  Meta jwaqqaʼ xi ħaġa, ma tistax terġaʼ tinbena;Dak li jagħlaq hu, ħadd ma jistaʼ jiftħu. 15  Meta jwaqqaf ix-xita, kollox jinxef;Meta jħalliha tinżel, tgħerreq kulm’hemm. 16  Hu b’saħħtu u għaref;Għandu awtorità fuq min jiġi mqarraq u fuq min iqarraq; 17  Hu jumilja* lill-għorrief,U jwaqqaʼ għaċ-ċajt lill-imħallfin. 18  Lir-rejiet jiħdilhom l-awtorità,U jlibbishom ħwejjeġ taʼ lsiera. 19  Hu jumilja lill-qassisin,U lil dawk fl-awtorità jneħħihom mill-pożizzjoni tagħhom. 20  Hu jagħlaq ħalq dawk fdati li jagħtu l-pariri,Ineħħi l-għerf taʼ dawk kbar fl-età.* 21  Hu jumilja lill-mexxejja,U jdgħajjef lil dawk li għandhom il-qawwa.* 22  Hu jikxef l-affarijiet moħbijin fid-dlam,U jitfaʼ d-dawl fuq postijiet mudlama. 23  Ikabbar il-popli biex imbagħad jeqridhom;Iħallihom isiru b’saħħithom biex b’hekk jagħmilhom ilsiera. 24  Lill-mexxejja tan-nies jiħdilhom l-abbiltà li jifhmu*U jġegħelhom iduru u jagħqdu fid-deżert. 25  Huma jduru u jagħqdu qishom qed ifittxu xi ħaġa fid-dlam;Hu jġegħelhom iduru ’l hemm u ’l hawn qishom fis-sakra.

Noti taʼ taħt

Letteralment “qalb.”
Letteralment “dawk li saqajhom mhumiex sodi.”
Jew forsi “Kellem.”
Jew “Ir-ruħ tal-ħajjin kollha.”
Letteralment “l-ispirtu.”
Jew “Hu jiħdilhom kull ħaġa li għandhom.”
Jew “tal-anzjani.” Ara Termini tal-Bibbja Spjegati.
Letteralment “iħoll iċ-ċinturin taʼ dawk b’saħħithom.”
Letteralment “qalbhom.”