Ezekiel 48:1-35
48 “Him tea kullanchim nanvam zaun asat, jim utʼtorechea ponta thaun suru zatat: Danacho bhag Hethlonachea vattentlean, Lebohamath* tem Hazarenan poriant, ani Hamathachea kuxik, Damaskachea ximechea utʼtore vatte poriant asa. Danacho bhag udentechea xime thaun ostomechea xime poriant asa.
2 Asheracho bhag Danachea ximer asa. To udentechea xime thaun ostomechea xime poriant asa.
3 Naftalicho bhag Asherachea ximer asa. To udentechea xime thaun ostomechea xime poriant asa.
4 Manasecho bhag Naftalichea ximer asa. To udentechea xime thaun ostomechea xime poriant asa.
5 Efraimacho bhag Manasechea ximer asa. To udentechea xime thaun ostomechea xime poriant asa.
6 Rubenacho bhag Efraimachea ximer asa. To udentechea xime thaun ostomechea xime poriant asa.
7 Judacho bhag Rubenachea ximer asa. To udentechea xime thaun ostomechea xime poriant asa.
8 Judachea ximer, udentechea xime thaun ostomechea xime poriant, tumi kuxin kaddun dovrunk zai ti denngi 25,000 hat* rund ani udenteche xime thaun ostomechea xime poriant, dusrea kullank mellʼllolea bhagam itlich lamb asonk zai. Povitr zago hachea modem astolo.
9 “Tumi Jehova pasot kuxin kaddun dovortolim ti denngi 25,000 hat lamb ani 10,000 hat rund astoli.
10 Hi iadnikam pasot povitr denngi zatoli. Tim utʼtore vatten 25,000 hat, ostome vatten 10,000 hat, udente vatten 10,000 hat ani dokxinne vatten 25,000 hat astolim. Jehovacho povitr zago hachea modem astolo.
11 Hi denngi, Zadokachea putanchea povitr kelʼlea iadnikam pasot astoli. Karonn Izraelitkar ani Levit mhojea thaun pois gele tednam, te mhojea thaun koddsoron vochonk nant, punn tannim mhojea babtint asloleo ap-apleo zobabdareo samballʼlleo.
12 Tumi denngi mhunn dilolea zomnicho zo bhag bhov povitr mhunn kuxin kaddla, tantuntlo ek bhag tankam mellttolo. To bhag Levitanchea ximer astolo.
13 “Iadnikanchea vattarachea kuxikuch, 25,000 hat lamb ani 10,000 hat rund aslolo ek bhag Levitank mellttolo. (Tachi akʼkhi lambai 25,000 hat ani rundai 10,000 hat astoli.)
14 Tannim to vikcho nhoi, tachea zagear dusro zago gheuncho nhoi, vo tachea modlo khoinchoch boreantlo-boro bhag dusreachea nanvar korcho nhoi. Karonn to Jehovak povitr zaun asa.
15 “5,000 hat rund zomnicho urlolo bhag, zo 25,000 hat lamb aslolea ximek tenkon aslo, to xarant aslolea sogleamnim, ravonk ani chorvachem moll mhunn uzar korunk astolo. Xar tachea modem astolem.
16 Xarachem zokh oxem asa: Utʼtorechi xim 4,500 hat, dokxinnechi xim 4,500 hat, udentechi xim 4,500 hat ani ostomechi xim 4,500 hat.
17 Xaracho chorvacho mollo utʼtore vatten 250 hat, dokxinne vatten 250 hat, udente vatten 250 hat ani ostome vatte 250 hat astolo.
18 “Urlolea bhagachi lambai povitr dennge itlich astoli, udente vatten 10,000 hat ani ostome vatten 10,000 hat. To tea povitr bhaga itloch astolo, ani xarachi seva kortoleank jevonn utpon kortolo.
19 Izraelantlea soglea kullantle je konn xarachi seva kortat te ti zomin kostole.
20 “Akʼkhi denngi 25,000 hat choukoni asa. Tumi xarachea daizacho vantto mhunn kuxin kaddun dovortat tachea sangata hi povitr denngi tumi kuxin kaddun dovrunk zai.
21 “Xarachea daizachea vantteachea ani povitr denngechea donui vatten zo bhag urta to mukheleacho zatolo. Denngeche udente ani ostome vatten aslolea 25,000 hat lambaiechea ximek tenkon to astolo. Ho bhonvtonnchea donui kullanchea bhaga itlo astolo, ani to mukhelea pasot astolo. Povitr denngi ani Devmondiracho povitr zago tachea modem astolo.
22 “Levitanchea daizacho vantto ani xarachea daizacho vantto mukheleachea bhaga modem astolo. Mukheleacho vattar, Judachea xime modem ani Benjaminachea xime modem astolo.
23 “Urlolea kullanchea zomnichea vantteam vixim sangchem zalear, Benjaminacho bhag udenteche xime thaun ostomechea xime poriant asa.
24 Simeonacho bhag Benjaminachea ximek tenkon asa. To udenteche xime thaun ostomechea xime poriant asa.
25 Isakaracho bhag Simeonachea ximek tenkon asa. To udenteche xime thaun ostomechea xime poriant asa.
26 Zebulunacho bhag Isakarachea ximek tenkon asa. To udenteche xime thaun ostomechea xime poriant asa.
27 Gadacho bhag Zebulunachea ximek tenkon asa. To udenteche xime thaun ostomechea xime poriant asa.
28 Gadachea ximek tenkon asloli dokxinnechi xim, Tamara thaun Meribath-kadeshachea udkam poriant tem Wadi* ani Vhoddlea Doria* poriant astoli.
29 “Ho toch des zaun asa zo tunvem Izraelachea kullank daiz mhunn vanttunk zai, ani he tanche bhag astole,” oxem Akʼkhea Vixvacho Dhoni Jehova mhunntta.
30 “Heo xarachea bhair sorcheo vatto astoleo: Utʼtorecho bhag 4,500 hat astolo.
31 “Xarachea darvontteank Izraelachea kullam pormonnem nanvam dilʼlim astolim. Utʼtorechea tin darvontteam modlo ek darvontto Rubena pasot, ek darvontto Juda pasot ani ek darvontto Levi pasot asa.
32 “Udentecho bhag 4,500 hat lamb astolo, ani thoim tin darvontte astole: ek darvontto Juze pasot, ek darvontto Benjamina pasot ani ek darvontto Dana pasot astolo.
33 “Dokxinnecho bhag 4,500 hat astolo, ani thoim tin darvontte astole: ek darvontto Simeona pasot, ek darvontto Isakara pasot ani ek darvontto Zebuluna pasot astolo.
34 “Ostomecho bhag 4,500 hat lamb astolo, ani thoim tin darvontte astole: ek darvontto Gada pasot, ek darvontto Ashera pasot ani ek darvontto Naftali pasot astolo.
35 “Xarachea bhonvtonnchi xim 18,000 hat astoli. Ani tea disa thaun tea xarachem nanv, Jehova Thoim Asa oxem astolem.”
Footnotes
^ Vo “Hamathachi bhitor sorchi vatt.”
^ Hem lamb hatachea mapak suchit korta. Mahiti B14 polloi.
^ Mhunnche, Ejipttachi Wadi.
^ Mhunnche, Mediteranean Doria.
