NǓKPƆ́NNÚMƐ 16
Dǒ Wusyɛn Lanmɛ nú Mɛ
Jɔbu 16:5
SIN SƐ̀ XWE NA: Sɔ́ ayi ɖó nǔ ɖěɖee na zɔ́n bɔ ninɔmɛ ɖé na kpɔ́n te lɛ é kpo nǔ ɖěɖee na dó wusyɛn lanmɛ nú tóɖówetɔ́ lɛ é kpo jí.
LEE È SIXU BLÓ GBƆN É:
-
Ðǒ linlin e sɔgbe é dó tóɖówetɔ́ lɛ wu. Ðeji ɖɔ nǔɖitɔ́ hatɔ́ towe lɛ jló na nyɔ́ Jehovah nukúnmɛ. Enyi a tlɛ ɖó na ɖè wě xá ye hǔn, nɔ kpa ye dó nǔjɔnǔ mɛ jɛ nukɔn, hweɖebǔnu e é nyɔ́ bló dó é.
-
Ðǒ dogbó nú nǔ e ma nyɔ́ ǎ lɛ é. Ma ɖɔ xó dó xóta ɖé sín akpáxwé nyanya lɛ jí ó, afi nú é byɔ ɖó mɔ̌ ɔ nɛ. Nǔxwlémɛ towe blebu ɖó na jinjɔn nǔ e sɔgbe lɛ é jí.
-
Zǎn Xó Mawu tɔn ganji. Dɔn ayi wá nǔ e Jehovah ko wà nú gbɛtɔ́ lɛ wá yì lɛ é, nǔ e wà nú ye wɛ é ɖè dìn lɛ é, kpo nǔ e é na wá wà nú ye lɛ é kpo jí. Dǒ wusyɛn lanmɛ nú tóɖówetɔ́ lɛ bo lɛ́ hɛn ye lidǒ.