Mǐ ylɔ́ we
Kú Jezu tɔn flínflín
Jeudi 2 avril 2026
Mǐ ylɔ́ we nú nǔwiwa vɔ̌nu we
Xóɖiɖɔ bǔnɔ
“Mɛ̌ ka ná jlá ayǐkúngban ɔ ɖó?”
Kplɔ́n nǔ dó sɔgúdo ɖaaɖagbe e ɖo te kpɔ́n ayǐkúngban ɔ kpó gbɛtɔ́ lɛ́ kpó é wú.
Kú Jezu tɔn flínflín
Ðo nǔwiwa tají énɛ́ domɛ ɔ, Kúnnuɖetɔ́ Jexóva tɔn lɛ́ nɔ flín kú Jezu tɔn, lěe é ɖe gbe tɔn gbɔn é.—Luki 22:19.
Nǔ e mɛ lɛ́ nɔ yá wǔ kanbyɔ́ lɛ́ é
Mɛ̌ ka sixú wá?
Mɛ bǐ sixú wá. A sixú kplá xwédo towe wá.
Táan nabí tuto lɛ́ ka ná ɖu?
Cɛ́jú 30 wɛ xóɖiɖɔ bǔnɔ ɔ ná bló. Énɛ́ gúdo ɔ, mɛ e wá lɛ́ é ná ɖɔ xó ɖó kpɔ́ dó xóta Biblu tɔn ɖé jí nú ganxixo ɖokpó.
Kú Jezu tɔn flínflín ɔ ná bló ganxixo ɖokpó mɔ̌.
Fítɛ́ lɛ́ è ka ná bló ɖe?
Nú a ná mɔ hǔn, zǐn “Ba fí e è ná flín kú Jezu tɔn ɖe é ɖé” alǒ “Ba fí e è ná xwlé xóɖiɖɔ bǔnɔ ɔ mɛ ɖe é ɖé” ɖo aga.
Nú un wá ɔ, un ná yí gbe bá nɔ wá kplé ɖěvo lɛ́ alǒ kplɔ́n Biblu xá Kúnnuɖetɔ́ lɛ́ wɛ a?
Éǒ.
È ná yí agbǎnmɛkwɛ́ wɛ a?
Éǒ. Mǐ nɔ yí agbǎnmɛkwɛ́ gbeɖé ɖo kplé mǐtɔn lɛ́ jí ǎ.—Matíe 10:8.
É ɖe lěe un ɖó ná sɔ́ nǔ gbɔn é wɛ a?
Éǒ. É ɖo mɔ̌ có, Kúnnuɖetɔ́ Jexóva tɔn lɛ́ nɔ dó gǎn bo nɔ sɔ́ nǔ ɖo jlɛ̌ mɛ kpó sísí kpó.
Nɛ̌ kú Jezu tɔn flínflín ɔ ka ná yi gbɔn?
Kplé ɔ nɔ bɛ́ bo nɔ lɛ́ fó kpó han kpó; gɔ́ ná ɔ, sinsɛnzɔ́watɔ́ Kúnnuɖetɔ́ Jexóva tɔn ɖé nɔ xo ɖɛ ɖo bǐbɛ́mɛ kpó vivɔnu kpó. Xóɖiɖɔ jínjɔ́n Biblu jí ɖé ná ɖɔ xó dó nǔ e wú kú Jezu tɔn ɖo tají é kpó lěe mǐ sixú ɖu nǔ e Mawu kpó Klísu kpó wa nú mǐ é sín le gbɔn é kpó jí.
Nú a ná ɖó mɔjɛmɛ gɔ́ ná hǔn, kpɔ́n xóta: “Étɛ́wú lěe Kúnnuɖetɔ́ Jexóva tɔn lɛ́ nɔ bló nǔwiwa Aklúnɔ sín nǔɖuɖu ɔ tɔn gbɔn é ka gbɔn vo nú lěe sinsɛn ɖěvo lɛ́ nɔ bló gbɔn é?”
Hwetɛ́nu è ka ná flín kú Jezu tɔn azɔn ɖěvo?
2026: Jeudi 2 avril
2027: Lundi 22 mars
2028: Dimanche 9 avril
Bó ná dó ɖó mɔjɛmɛ d’é jí hǔn, kpɔ́n video élɔ́ lɛ́.
Kpɔ́n lěe kú Jezu tɔn flínflín ɔ ná yi gbɔn é, bo lɛ́ kpɔ́n sɔgúdo ɖaaɖagbe e kú Jezu tɔn hun ali ná é sín sinsɛxwená.
A sixú ko nɔ se ɖɔ é kú dó hwɛ mǐtɔn lɛ́ tamɛ. Amɔ̌, vɔ̌sísá gbɛtɔ́ ɖokpó géé tɔn ka sixú hɛn le wá nú gbɛtɔ́ lǐvi mɔ̌kpán dóó a?
Nɛ̌ nǔ lɛ́ ka nɔ yi gbɔn ɖo kpléxɔ Axɔ́súɖuto ɔ tɔn ɖé mɛ?
Kpɔ́n lěe nǔ lɛ́ nɔ yi gbɔn é hwiɖésúnɔ.
Yǐ mɛylɔ́wéma élɔ́ ɔ ɖó alɔ vovo jí.