Mɔ kpléɖókpɔ́ ɖaxó e sɛkpɔ́ we é ɖé

Vɔ̌nu wɛ è ná wá tɛn ɔ mɛ • Agbǎnmɛkwɛ́ ɖě ɖe ǎ

 Nǔ tají lɛ́

Axɔ́súzángbe: Video ɖěbɔdóɖěwú ɖé lɛ́ ná d’alɔ we bɔ a ná mɔ lěe gbɛ cí ɖo fí e Jezu nɔ lɛ́ é kpó fí e é ɖɔ mawuxó gbɔn lɛ́ é kpó é.

Síbígbe: A ná mɔ lěe sinsɛnzɔ́ Jezu tɔn bló bɔ nǔ e è ɖɔ ɖ’ayǐ xwe kanweko mɔ̌kpán jɛ nukɔn lɛ́ é jɛnu gbɔn é.

Aklúnɔzángbe: Ðo xóɖiɖɔ “A ka tuun nǔ e sɛn wɛ a ɖe é a?” mɛ ɔ, a ná kplɔ́n nǔ e wú nǔ e mǐ ɖi nǔ ná lɛ́ é ɖo tají é kpó lěe è sixú mɔ nǔgbó ɔ gbɔn é kpó.

Nǔkpínkpɔ́n-dó-kplɔ́n-nǔ

Sinsɛnzɔ́ Jezu tɔn sín tan: Mǐmámɛ 2gɔ́ kpó 3gɔ́ kpó

Hwenu e Jezu bló batɛ́mu é ɔ, é húzú Mɛsíya ɔ, alǒ Klísu ɔ. Ðo sun e bɔ d’é wú lɛ́ é mɛ ɔ, Awǒvi tɛ́n ɛ kpɔ́n, é jɛ ahwanvú tɔn lɛ́ xo kplé jí, bo bló nǔjíwǔ tɔn nukɔntɔn lɛ́. Kpɔ́n nǔwiwa énɛ́ lɛ́ kpó ɖěvo lɛ́ kpó ɖo mǐmámɛ ɖěɖěe è ná xlɛ́ ɖo kpléɖókpɔ́ ɖaxó ɔ sín azǎn ɖokpó ɖokpó jí lɛ́ é mɛ.

Yi jw.org jí bá mɔ tuto ɔ blěbú bo lɛ́ kpɔ́n video élɔ́ lɛ́:

Nɛ̌ nǔ lɛ́ ka nɔ yi gbɔn ɖo kpléɖókpɔ́ ɖaxó mǐtɔn lɛ́ jí?

Kpɔ́n nǔ e a sixú ɖó nukún ɖo kpléɖókpɔ́ ɖaxó Kúnnuɖetɔ́ Jexóva tɔn lɛ́ tɔn jí é.

Kpléɖókpɔ́ ɖaxó 2025 tɔn Kúnnuɖetɔ́ Jexóva tɔn lɛ́ tɔn: “Mawusinsɛn nǔgbó ɔ”

Kpɔ́n kpléɖókpɔ́ ɖaxó xwe élɔ́ mɛ tɔn sín sinsɛxwená kléwún ɖé.

Nǔkpínkpɔ́n-dó-kplɔ́n-nǔ sín sinsɛxwená: Sinsɛnzɔ́ Jezu tɔn sín tan

Jezu Klísu bɛ́ sinsɛnzɔ́ tɔn tlóló é ɔ, gbɛtɔ́ lɛ́, Satáan kpó awǒvi lɛ́ kpó klán gbe xá ɛ. Jezu ka gɔn gbejí nɔ nú Mawu wɛ a?