Zonasi 2:1-10
2 Kɛ Zonasi o jue’n i klun lɔ’n, ɔ srɛli i Ɲanmiɛn Zoova.+
2 Ɔ seli kɛ:
“Kɛ ɲrɛnnɛn tɔli min su’n, n kpan flɛli Zoova, yɛ ɔ tɛli min su.+
Kɛ n wo Ndia’n* i klun lɔ’n, n kpan flɛli ɔ kɛ a de min.+
A tili min nɛn’n.
3 Kɛ a fali min yili bunman’n nun’n, jenvie’n i bo mmua kpa lɔ’n,nzue’n mɛnnin min.+
Kɛ a yoli maan nzue’n mɛnnin i wun su’n, ɔ katali min su kplu.+
4 N seli kɛ: ‘A kannin min bo ɔ ɲrun lɛ.
Ń yó sɛ naan m’an nian ɔ sua m’ɔ ti ɔ liɛ klonglo’n i ekun.’
5 Nzue’n mɛnnin min yɛ ɔ ka kan naan m’an wu,+jenvie’n katali min su kplu.
Ɲanman’m be blablali min ti’n i wun.
6 N mlɔn juli oka’m be bo’n i wun lɔ.
Asiɛ’n i anuan’m be ɲinnin min su mlɔnmlɔn.
Sanngɛ min Ɲanmiɛn Zoova, a yili min kunman dan sɔ’n nun fiteli.+
7 Kɛ n wieli wu mlɔnmlɔn’n, Zoova yɛ min wla kpɛnnin i su-ɔ.+
Kɛ a o ɔ sua m’ɔ ti ɔ liɛ klonglo’n nun lɔ’n, a tili min srɛlɛ’n.+
8 Be nga be fa be wla gua amuin mɔ be kwlá yoman like fi’n be su’n, be kaci be sin si sran m’ɔ klo be dan’n.*
9 Sanngɛ min liɛ’n, ń yí tɛ ń mán wɔ, yɛ ń mánmán wɔ.
Nda nga n tali’n, ń yíɛ i nuan.+
Zoova yɛ ɔ de sran-ɔn.”+
10 I sin’n, Zoova yoli maan jue’n wa fili Zonasi yili i asiɛ ba’n su.
Ja ngua lɔ ndɛ mun
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Be kwla se ekun kɛ “be seiin nantilɛ’n.”
