Zepanias 3:1-20
3 Kairo han rebelyoso, han mahugaw, han matalumpiguson nga syudad!+
2 Nadiri hiya pamati;+ waray hiya kumarawat hin disiplina.+
Waray hiya sumarig kan Jehova;+ waray hiya magpahirani ha iya Dios.+
3 An iya mga prinsipe ha iya sulod nangunguwang nga mga leon.+
An iya mga hukom mga lobo ha gab-i;Diri hira nagsasalin bisan tul-an nga kikitkiton tubtob ha aga.
4 An iya mga propeta mapahitas-on, malimbong nga mga tawo.+
Ginhuhugawan han iya mga saserdote an baraan;+Gintatalapas nira an balaud.+
5 Hi Jehova matadong ha butnga niya;+ diri hiya nagbubuhat hin sayop.
Kada aga iya iginpapahibaro an iya mga paghukom,+Diri ito napapakyas sugad han kapawa ha adlaw.
Pero an diri matadong diri naaawod.+
6 “Ginpanbungkag ko an mga nasud; an ira mga torre ha eskina nagin binayaan.
Ginpan-guba ko an ira mga kalye, salit waray na bisan usa nga naagi.
An ira mga syudad nagin mga kagubaan, waray tawo, waray umurukoy.+
7 Nagsiring ako, ‘Sigurado nga mahahadlok ka ha akon ngan makarawat hin disiplina,’*+Basi an iya urukyan diri mabungkag+—Pababaydon ko hiya tungod* hini ngatanan nga butang.
Pero mas karuyag lugod nira magbuhat hin maraot.+
8 ‘Salit padayon nga pamulata* ako niyo,’+ nasiring hi Jehova,‘Tubtob ha adlaw nga bumuhat ako ngan manguha han dinag-an,*Kay an akon hudisyal nga desisyon amo an pagtirok han mga nasud, an pagtirok han mga ginhadian,Basi ighuwad ha ira an akon kasina, an ngatanan ko nga naglalaga nga kasina;+Kay pinaagi han kalayo han akon kadasig masusunog an bug-os nga tuna.+
9 Hito nga panahon liliwanan ko an yinaknan han mga katawohan hin putli nga yinaknan,Basi hira ngatanan tumawag ha ngaran ni Jehova,Para magsingba ha iya nga nagkakaurosa.’+
10 Tikang ha rehiyon ha mga salog han Etiopia,An mga nanginginyupo ha akon, an anak nga babaye han akon nagsarang nga katawohan, magdadara hin regalo ha akon.+
11 Hito nga adlaw diri ka mahibubutang ha kaarawdan
Tungod han ngatanan nga imo ginbubuhat nga pinaagi hito nagrebelde ka ha akon,+Kay hito nga panahon kukuhaon ko an mapahitas-on nga mga hambog tikang ha imo;Ngan diri ka na gud utro magigin mapahitas-on ha akon baraan nga bukid.+
12 Tutugotan ko nga magpabilin ha butnga niyo an mapainubsanon ngan ubos nga katawohan,+Ngan maayop hira ha ngaran ni Jehova.
13 An mga mahisasalin han Israel+ diri magbubuhat hin diri matadong;+Diri hira magbubuwa, o magamit han ira dila basi manlimbong ha mga tawo;Mangangaon* hira ngan mahigda, ngan waray bisan hin-o nga makakapahadlok ha ira.”+
14 Singgit hin malipayon, O anak nga babaye han Zion!
Singgit tungod han kadaogan, O Israel!+
Pagkalipay ngan pagrayhak ha bug-os mo nga kasingkasing, O anak nga babaye han Jerusalem!+
15 Ginkuha ni Jehova an mga paghukom ha imo.+
Iya ginpaiwas an imo kaaway.+
An Hadi han Israel, hi Jehova, kaupod mo.+
Diri ka na mahahadlok ha kadaot.+
16 Hito nga adlaw, ini an igsisiring ha Jerusalem:
“Ayaw kahadlok, O Zion.+
Ayaw pagpaluyloya an imo mga kamot.
17 Hi Jehova nga imo Dios kaupod mo.+
Sugad nga maisog nga girriro, magtatalwas hiya.
Malilipay hiya tungod ha imo upod an duro nga kalipay.+
Maghihilom* hiya ha iya gugma.
Magrarayhak hiya tungod ha imo upod an mga singgit han kalipay.
18 Titirukon ko an mga nasusubo tungod kay waray hira ha imo mga piyesta;+Waray hira makakada ha imo tungod han pag-ilob han pakaalo tungod ha iya.+
19 Kitaa! Hito nga panahon magios ako kontra ha ngatanan nga nagtatalumpigos ha iyo;+Ngan akon tatalwason an nagkikiang-kiang,+Titirukon ko an mga nagpatlaag.+
Pahihinaboon ko nga hira magin darayawon ngan bantogan*
Ha ngatanan nga nasud diin ginpakaalohan hira.
20 Hito nga panahon dadad-on ko kamo ha sulod,Ha panahon nga tirukon ko kamo.
Kay pahihinaboon ko nga magin bantogan* ngan darayawon kamo+ dida ha ngatanan nga mga katawohan ha tuna,Kon tirukon ko utro an mga nabihag ha iyo dida ha iyo atubangan,” nasiring hi Jehova.+
Mga footnote
^ O “Sisirotan ko hiya tungod.”
^ O “pagsaway.”
^ O “mapailubon nga hulata.”
^ O posible nga “bumuhat ako sugad nga testigo.”
^ O “Mananabsab.”
^ O “Magmimingaw; Magigin murayaw; Magigin kontento.”
^ Lit., “usa nga ngaran.”
^ Lit., “usa nga ngaran.”
