Amos 5:1-27

  • Israel pariho hin natumba nga birhen (1-3)

  • Pamilnga an Dios, ngan padayon nga mabuhi (4-17)

    • Kangalasi an maraot, ngan higugmaa an maopay (15)

  • Adlaw ni Jehova, usa nga adlaw han kasisidman (18-27)

    • Mga halad han Israel iginsalikway (22)

5  “Pamati hini nga pulong nga akon iginyayakan kontra ha iyo sugad hin kanta nga masurub-on,* O panimalay ni Israel:   ‘An birhen, nga amo an Israel, natumba;Diri hiya nakakabuhát utro. Ginbayaan hiya ha iya mismo tuna;Waray bisan usa nga nagbabangon ha iya.’  “Kay ini an siring ni Jehova nga Soberano nga Ginoo: ‘An syudad nga may usa ka yukot nga nagmamartsa usa ka gatos na la an mahisasalin;Ngan an usa nga nagawas upod an usa ka gatos napulo na la an mahisasalin, para ha panimalay ni Israel.’+  “Kay ini an siring ni Jehova ha panimalay ni Israel: ‘Pamilnga ako ngan padayon nga mabuhi.+   Ayaw pamilnga an Bethel,+Ayaw pagkadto ha Gilgal+ o pag-agi ha Beer-sheba,+Kay an Gilgal sigurado nga madidistyero,+Ngan an Bethel mawawara.*   Pamilnga hi Jehova, ngan padayon nga mabuhi,+Basi diri hiya tigda nga gumawas pariho hin kalayo ha panimalay ni Jose,Nga gin-uugtang an Bethel, nga waray bisan hin-o nga nakakaparong hito.   Ginhihimo niyo an hustisya nga mapait nga tanom,*Ngan iyo ginlalabog ha tuna an katadongan.+   Hiya nga naghimo han Kima nga konstelasyon* ngan han Kesil nga konstelasyon,*+Hiya nga nagpapahinabo han duro nga kasirom nga magin aga,Hiya nga naghihimo han adlaw nga sugad kasirom han gab-i,+Hiya nga nagtitirok han tubig ha dagat Basi ighuwad ito ha bawbaw han tuna+—Jehova an iya ngaran.   Pahihinaboon niya an tigda nga kabungkagan kontra ha makusog,Bubungkagon an pinader nga mga lugar. 10  Nangangalas hira ha mga nagsasaway dida ha ganghaan han syudad,Ngan nadiri gud hira ha mga nagyayakan hin kamatuoran.+ 11  Tungod kay ginsusuktan niyo an pobre hin plete han uma* Ngan iyo ginkukuha an iya lugas sugad nga bayad,*+Diri kamo magpapadayon pag-ukoy ha mga balay nga iyo gintukod nga hinimo ha tinabas nga bato+Diri liwat kamo makakainom hin bino tikang ha mag-opay gud nga mga urubasan nga iyo igintanom.+ 12  Kay maaram ako han kadamu han iyo pagrebelde* Ngan han kadaku han iyo mga sala —Iyo gin-aatake an matadong,Nakarawat kamo hin mga hukip,Ngan ginbabalewaray niyo an mga katungod han pobre dida ha ganghaan han syudad.+ 13  Salit an mga may hilarom nga pagsabot magpapabilin nga hilom hito nga panahon,Kay magigin panahon ito han duro nga kakurian.+ 14  Pamilnga an maopay, ngan diri an maraot,+Basi padayon kamo nga mabuhi.+ Ngan hi Jehova nga Dios han mga hugpo maupod ha iyo,Sugad han iyo ginsisiring nga hiya upod niyo.+ 15  Kangalasi an maraot, ngan higugmaa an maopay,+Ipadapat an hustisya dida ha ganghaan han syudad.+ Kay bangin man la hi Jehova nga Dios han mga hugpo Magpakita hin kalooy ha mga nahisalin han katulinan ni Jose.’+ 16  “Salit hi Jehova nga Dios han mga hugpo, hi Jehova, nasiring: ‘Ha ngatanan nga plasa magkakaada hin pannguyngoy,Ngan ha ngatanan nga kalye masiring hira, “Abaadaw, abaadaw!” Tatawagon nira an mga parag-uma basi magtaguminatay Ngan an mga paranguyngoy nga ginsusuholan basi magnguyngoy.’ 17  ‘Ha tagsa nga urubasan magkakaada hin pannguyngoy;+Kay maagi ako ha butnga niyo,’ nasiring hi Jehova. 18  ‘Kairo han mga naghihingyap han adlaw ni Jehova!+ Kon sugad, ano an iyo lalaoman nga mahitatabo ha adlaw ni Jehova?+ Magigin kasisidman ito, ngan diri kalamrag.+ 19  Magigin pariho ito hin tawo nga napalagiw tikang ha leon ngan iginkatapo hin oso,Ngan pagsulod niya ha iya balay ngan pagkapot niya ha bungbong, gintukob hiya hin halas. 20  Diri ba an adlaw ni Jehova magigin kasisidman, ngan diri kalamrag;Diri ba ito magigin madulom, ngan diri mapawa? 21  Nangangalas ako, nadiri gud ako ha iyo mga piyesta,+Ngan diri ako nalilipay ha hamot han iyo espesyal nga mga katirok. 22  Bisan pa kamo maghalad ha akon hin bug-os nga mga halad nga sinunog ngan hin mga halad sugad nga regalo,Diri ako malilipay hito;+Ngan diri ko kakarawaton an iyo mga halad nga ginsasarosaroan nga pinatambok nga mga hayop.+ 23  Ipahirayo ha akon an aringasa han iyo mga kanta;Ngan ayaw ako pabatia han mga musika han iyo mga instrumento nga may kwerdas.+ 24  Paawasa an hustisya pariho han tubig,+Ngan an katadongan pariho han sapa nga padayon nga naawas. 25  Gindad-an ba niyo ako hin mga halad ngan hin mga halad sugad nga regalo Ha sulod hin 40 ka tuig ha kamingawan, O panimalay ni Israel?+ 26  Yana dadad-on niyo hi Sakut nga iyo hadi ngan hi Kaiwan,*An iyo mga imahen, an bitoon han iyo dios, nga iyo ginhimo para ha iyo, 27  Ngan akon kamo ididistyero lahos pa ha Damasco,’+ nasiring hiya nga an ngaran hi Jehova nga Dios han mga hugpo.”+

Mga footnote

O “kanta han pagtaguminatay.”
O posible nga “magigin maraot.”
O “kapaitan.”
Posible nga an Pleiades nga mga bitoon ha Taurus nga konstelasyon.
Posible nga an Orion nga konstelasyon.
O “buhis han tuna.”
O “tributo.” Kitaa an Glossary.
O “mga krimen.”
Ini nga mga dios bangin pariho nagtutudlok ha planeta nga Saturn, nga ginsingba sugad nga dios.