Amos 3:1-15
3 “Pamati hini nga pulong nga iginyakan ni Jehova may kalabotan ha iyo, O katawohan han Israel, may kalabotan ha bug-os nga pamilya nga akon igin-gawas ha tuna han Ehipto:
2 ‘Kamo la an akon ginkikilala ha ngatanan nga pamilya ha tuna.+
Ito an hinungdan nga sisirotan ko kamo tungod han ngatanan niyo nga sayop.+
3 Magbubunyog ba paglakat an duha labot la kon nagsabot hira nga magkita?
4 Mauwang ba an leon ha kagurangan kon waray ito nadakop?
Mangurob ba an bata pa nga leon tikang ha ginluluk-an hito kon waray ito nadakop?
5 Madadakop ba an tamsi ngada ha lit-ag ha tuna kon waray bitik para hito?*
Malabtik ba an lit-ag tikang ha tuna kon waray ito nadakop?
6 Kon huypan an usa nga sungay ha syudad, diri ba nangungurog an mga tawo?
Kon may kadaot nga mahitabo ha syudad, diri ba hi Jehova an nagpahinabo hito?
7 Kay hi Jehova nga Soberano nga Ginoo diri magbubuhat hin usa nga butang
Labot la kon iginpahayag na niya an iya kompidensyal nga butang* ha iya mga surugoon, an mga propeta.+
8 Inuwang an leon!+ Hin-o an diri mahahadlok?
Nagyakan hi Jehova nga Soberano nga Ginoo! Hin-o an diri magtatagna?’+
9 ‘Ipasamwak ito ha magrig-on nga mga torre han Asdod
Ngan ha magrig-on nga mga torre ha tuna han Ehipto.
Siring: “Pagtirok kamo kontra ha kabukiran han Samaria;+Kitaa an kasamok ha butnga hito
Ngan an panlimbong ha sulod hito.+
10 Kay diri hira maaram ha pagbuhat hin husto,” nasiring hi Jehova,“An mga nagtitirok hin kamadarahog ngan kabungkagan dida ha ira magrig-on nga mga torre.”’
11 Salit ini an siring ni Jehova nga Soberano nga Ginoo,‘Papalibotan hin kaaway an tuna,+Kukuhaon niya an imo kusog,Ngan an imo magrig-on nga mga torre pangunguhaan hin mga butang sugad nga dinag-an.’+
12 Ini an siring ni Jehova,‘Sugad la nga an paraataman hin panon nag-aagaw han duha nga tiil* o usa nga talinga tikang ha baba han leon,Ha sugad hito nga paagi aagawon an katawohan han Israel,An mga nanlilingkod yana ha Samaria ha makaruruyag nga mga katre ngan ha mag-opay nga mga higdaan.’*+
13 ‘Pamati ngan pahamangnoi an* panimalay ni Jacob,’ nasiring hi Jehova nga Soberano nga Ginoo, an Dios han mga hugpo.
14 ‘Kay ha adlaw nga akon sirotan an Israel tungod han ngatanan nga iya pagrebelde,*+
Sisirotan ko liwat an mga halaran han Bethel;+An mga sungay ha halaran pag-uutdon ngan mahuhulog ha tuna.+
15 Bubungkagon ko an balay ha kathagkot upod an balay ha katpaso.’
‘An mga balay nga marpil* mawawara,+Ngan an dagku* nga mga balay matatapos,’+ nasiring hi Jehova.”
Mga footnote
^ O posible nga “kon waray ito paon?”
^ O “an iya sekreto.”
^ O “mga higdaan tikang ha Damasco.”
^ Ha iba nga lugar, “siki.”
^ O “pagtestigo kontra ha.”
^ O “mga krimen.”
^ O posible nga “Ngan an damu.”
