An Ikaduha nga Surat ni Pedro 3:1-18

  • Mga paratamay nagbabalewaray ha tiarabot nga kabungkagan (1-7)

  • Hi Jehova diri mahinay (8-10)

  • Hunahunaa kon ano nga klase hin pagkatawo an angay ha iyo (11-16)

    • Bag-o nga mga langit ngan bag-o nga tuna (13)

  • Magbantay nga diri maisimang (17, 18)

3  Mga hinigugma, ini yana an ikaduha nga surat nga akon iginsusurat ha iyo, nga sugad han akon siyahan nga surat, ginpupukaw ko an iyo abilidad ha paghunahuna hin matin-aw pinaagi hin pahinumdom,+  basi hinumdoman niyo an mga ginsiring hadto* han baraan nga mga propeta ngan an sugo han Ginoo ngan Paratalwas pinaagi han iyo mga apostol.  Una ha ngatanan, hibaroi niyo ini nga ha kataposan nga mga adlaw maabot an mga paratamay nga magtatamay han maopay, nga magpapadayon ha pagbuhat uyon ha ira mismo mga hingyap+  ngan nasiring: “Hain na ini nga iginsaad nga iya presensya?+ Kay tikang ha adlaw nga an aton mga kaapoy-apoyan nangaturog ha kamatayon, an ngatanan nga butang nagpapadayon nga amo la gihapon tikang pa ha tinikangan han paglarang.”+  Kay tinuyo nga ginbalewaray nira ini nga kamatuoran, nga hadto may mga langit ngan tuna nga natindog hin marig-on ha bawbaw han katubigan ngan ha butnga han katubigan pinaagi han pulong han Dios;+  ngan pinaagi hito an kalibotan hito nga panahon nabungkag han ginbahaan ito hin tubig.+  Pero pinaagi han amo gihapon nga pulong, an mga langit ngan an tuna nga naeksister yana nakareserba ha kalayo ngan gintitipigan tubtob ha adlaw han paghukom ngan han kabungkagan han diri diosnon nga katawohan.+  Kondi mga hinigugma, ayaw niyo ini hingalimti, nga an usa ka adlaw kan Jehova* sugad hin 1,000 ka tuig ngan an 1,000 ka tuig sugad hin usa ka adlaw.+  Hi Jehova* diri mahinay may kalabotan han iya saad,+ sugad han ginhuhunahuna han iba nga mga tawo nga pagkamahinay, pero nagpapailob hiya ha iyo kay diri niya karuyag nga mabungkag an bisan hin-o, lugod karuyag niya nga magbasol an ngatanan.+ 10  Pero an adlaw ni Jehova*+ maabot sugad hin kawatan,+ nga hito nga panahon an mga langit mawawara+ nga may makusog nga aringasa,* kondi an mga elemento matutunaw tungod han sobra nga kapaso, ngan an tuna ngan an mga buhat dida hito mabubuhayhag.+ 11  Tungod kay ini ngatanan nga butang matutunaw hini nga paagi, hunahunaa kon ano nga klase hin pagkatawo an angay ha iyo ha baraan nga panggawi ngan ha mga buhat han debosyon ha Dios, 12  samtang iyo ginhuhulat ngan ginhuhunahuna pirme* an presensya han adlaw ni Jehova,*+ nga pinaagi hito an mga langit mabubungkag+ ha kalayo ngan an mga elemento matutunaw tungod han sobra nga kapaso! 13  Kondi may bag-o nga mga langit ngan bag-o nga tuna nga aton ginpapamulat uyon ha iya saad,+ ngan dida hini maukoy an katadongan.+ 14  Salit mga hinigugma, tungod kay naghihinulat kamo hini nga mga butang, buhata an iyo bug-os nga mahihimo basi ha kataposan makita niya kamo nga waray buring ngan waray hugaw ngan may kamurayawan.+ 15  Dugang pa, hunahunaa an pagpailob han aton Ginoo sugad nga katalwasan, sugad han iginsurat liwat ha iyo han aton hinigugma nga bugto nga hi Pablo uyon ha kinaadman nga iginhatag ha iya,+ 16  nga nag-iistorya mahitungod hini nga mga butang sugad han iya ginbubuhat ha ngatanan niya nga surat. Kondi may pipira dida hito nga makuri masabtan, ngan ini nga mga butang ginbabaliko han mga ignorante* ngan mga diri magrig-on, sugad han ira liwat ginbubuhat ha iba pa nga bahin han Kasuratan, nga magriresulta ha ira mismo kabungkagan. 17  Salit kamo mga hinigugma, tungod kay iyo na ini hinbaroan nga daan, magbantay kamo basi diri kamo maisimang kaupod nira pinaagi han kasaypanan han matinalapason nga mga tawo ngan mawara an iyo mismo karig-on.+ 18  Diri, lugod padayon nga mag-uswag kamo ha diri matupngan nga pagkabuotan ngan kahibaro mahitungod ha aton Ginoo ngan Paratalwas nga hi Jesu-Kristo. Iya an himaya yana ngan ha adlaw nga waray kataposan. Amen.

Mga footnote

O “an mga butang nga igintagna.”
Kitaa an Ap. A5.
Kitaa an Ap. A5.
Kitaa an Ap. A5.
O “naghahaganas nga tunog.”
O “ginhihingyap gud.” Lit., “ginpapadagmit.”
Kitaa an Ap. A5.
O “waray matutdui.”