Yobu 9:1-35
9 Tsô Yobu kaa ér:
2 “M fa kape i lu je la.
Kpa a er nan oruma nana zua kwagh vea Aôndo ve nana lu a ishô?+
3 Aluer sar or ape nyiman kwagh a na*+ je kpa,Una pine nan mbampin dubu, man môm kpa nana fatyô u nan ikyar sha mi ga.
4 Ngu a kwaghfan shi ngu a tahav kpaa.+
Ka an nana hendan kwagh a na ve nana vihi iyol ga sha wono?+
5 Ka a mough a iwo* kera, or fa kwagh sha mi ga;Ka a yôhôr i sha ishimavihin na la.
6 Ka a mgbegha tar hen ijiir i u kera,Nahan mtôm ma u ma tenger.+
7 Ka a kaa a iyange ér i de te iwanger gaShi a cir iwanger i asan kpaa;+
8 A samber usha un tswen,+Shi ka a zenden sha agôndo a zegemnger.+
9 A er ijukuasan i Ashi* man i Kesil* man i Kima*+Kua azukuasan a sha kwavaôndo vegher u ken imbusutariyan la.*
10 A er akaa a vesen a a gande u tôvon fan yô,+Kua akaa a kpilighyol a a fatyô u ôron iyenge ga yô.+
11 A kar ikyua a mo, kpa m fatyô u nengen a na ga;A va a va karem, kpa m kav un ga.
12 Aluer a tsue kwagh kera yô, ka an nana hendan a na?
Ka an nana pine un ér, ‘Ka nyi u erene?’+
13 Aôndo una hide a iyugh na ijime ga;+Mba wasen Rahabi*+ je kpaa vea gure un inya.
14 Man hide mo ve shighe u m lu ôron kwagh* a na veMe kera tsua mkaanem ma kperan ishô a na sha inja ga yee?
15 Mea lu a ishô je kpaa, me fatyô u bughun zwa sha kwagh u a ôr la ga.+
Saa di u zamber a orjir wam* mer a zungwem mhôônom tsô.
16 Aluer m yila un yô, una vengese?
M na jighjigh mer una ungwa imo yam ga,
17 Gadia ka a njighem sha ijeverahumbeShi a seer mo avav a ityôkyaa shio.+
18 Iôôn tsô kpa ka a lumun ér m ôô ga;Ka a zer ivin mo a akaa a yuan.
19 Hide sha vegher u utaha kpa, ka un a taver agee ye.+
Hide sha vegher u ijirôron kpaa, ka a kaa ér:
‘Ka an nana pinem kwagha?’*
20 Mea lu shami je kpa zwa wam ua nam ishô ga;Mea kusu mimi wam her gbang je kpa,* una nam ibo.*
21 Mea kusu mimi wam her gbang je kpa,* m na iyol yam jighjigh ga;M venda* uma wam ne.
22 Kwagh môm kaha ga. Ka nahan ve m kaa mer,‘Ka a tim mbaishôôv* a mbaaferev imôngo’ ye.
23 Aluer mngerem va sar avenge kwa môm man ma wua or kpoo yô,Una naha mbaishôôv mba ve ye ican la tar.
24 I gema tar i wa sha ikyev i mbaaferev;+Ka a kange mbaajiriv mba u ishighAluer ka un ga yô shi ka ana?
25 Ayange a am ka a kar fele i hemba or u gban ayem;+Ka a yevese a yem a u nengen a kwagh u dedoo shio.
26 Ka a kar fele er ka tso u i er sha ikyenaikya nahan,Man er uigyuve mba senen fugh va kôron inyam nahan.
27 Aluer m kaa mer, ‘Me hungur a ijirgban yam,Me kera vihi ishigh sha ga, me lu saan saan’ kpaa,
28 A lu cier mo iyol her sha ci u mnyoon wam ne cii,+Shi m fa u zuam a isho ga.
29 A zuam a ibo*Nahan a er nan me gbaa nyoon iyol gbilin tsôô?+
30 Aluer m ôô iyol sha mngerem man senou u a sough,Shi m ôô ave am sha icahur* kpa,+
31 U mirim shin ihyungwa i uihyôugh,Nahan akondo a am je kpa me ndôhôr a ishima.
32 Gadia ngu or er mo nahan u una ôr kwagh me bugh zwa a na,Shin se za hen ijir imôngo kpaa ga.+
33 Or ngu u kuren se ayôôso* u nana lu orjir wase ga.*
34 Aluer ka u una de u gbidyen mo*Shi una de ér mciem nam ma gbam iyol ga yô,+
35 Me lam a na a mciem shio,Gadia mo m lamen sha mcie ga.
Ngeren mba shin kpe
^ Shin “zan a na ken ijir.”
^ Shin “a dugh iwo.”
^ A fatyô u lun ijukuasan i i yer ér Great Bear (Ursa Major) la.
^ Zwa Heberu, “ayou a ken atô a ken imbusutariyan la.”
^ A fatyô u lun asan a i yer ér Pleiades, a a lu ken ijukuasan i Taurus la.
^ A fatyô u lun ijukuasan i i yer ér Orion la.
^ A fatyô u lun inyam i cieryol i shin zegemnger.
^ Shin “m lu bughun zwa.”
^ Shin a fatyô u kaan ér, “or u ijir i zoughom a na la.”
^ Zwa Heberu, “Ka an nana yilama?”
^ Shin “Mea lu a ishô je kpa.”
^ Zwa Heberu, “una kaa ér mo m ngu iferor.”
^ Shin “Mea lu a ishô je kpa.”
^ Shin “M laha.”
^ Shin “mba ve kusu mimi ve her la.”
^ Zwa Heberu, “A nenge ér m ngu iferor.”
^ Shin “icahur mtse.”
^ Shin “himen se.”
^ Zwa Heberu, “nana penda uwegh sha a vese ga.”
^ Zwa Heberu, “una tôô akpa na sha a mo kera.”
