Yobu 3:1-26
3 Ken masejime yô, Yobu gba ôron kwagh, wan iyange i i mar un la* ifyan.+
2 Yobu kaa ér:
3 “Iyange i i marem la i saa ishe,+Kua tugh mbu i kaa ér: ‘I jire nomsoor!’ la kpaa.
4 Iyange la i lu ime.
Kwagh a de gbe Aôndo u sha a i ga;Iwanger kpaa i de te sha i ga.
5 Ime i mgbigh mgbigh i* ngohol i.
Ibyeenegh ki uragh ki cir i.
Nyityôkwagh i i ne iyange i we ime cii, i ta i mciem iyol.
6 Angôghime a kôr tugh mbura;+Mbu de ember a ayange a ken inyom imôngo ga,Mbu de nyer ken ingyegh ki iweregh kpaa ga.
7 Jim je yô, ikyôm i kôr tugh mbura;*Imo i iemberegh kpaa, i de ongo ken mbu ga.
8 Mba ve we sev ifyan la ve wa mbu ifyan,Ve mba ve fetyô u nderen Leviatan*+ la.
9 Asan a mbu a sha use la a wa ime;Mbu kegh sev, kpa i saa mbu dang,Shi mbu de nengen a iwanger i sha use kpaa ga.
10 Gadia yange mbu wuhe ihinda i* sagh u ngôm ga;+Shi mbu yer ashe am a ican ga.
11 Er nena yange m kpe shighe u i marem la* ga?
Er nena yange m tim zum u m due ken uya la ga?+
12 Er nan man anu lu a a pendam sha miKua atumba a me ma?
13 Hegen nahan ma m yav inya a kwagh u zan mo iyol shio;+Ma m lu yaven memen+
14 Vea ator a tar ne, man mba wan ve kwagh imôngo,Ve mba yange ve maa ajiir sha ci ve, a a hingir ice* hegen la,
15 Shin vea ator a lun a zanaria,A uya vev yange iv a azurufa la.
16 Gayô ma m lu er iyav mbu mbu vihi i fe ga,Man er ônov mba ve nenge a iwanger ga la nahan.
17 Heela yô mbaaferev je kpa mba kumbur ga;Mba i tum ve iyol kpaa mba memen.+
18 Her yô mba ve lu ken purusu kpa mba memen imôngo;Mba ongo ikyenge i or u kighir ve a tom ga.
19 Mbakiriki man mbavesen cii mba kwaghmôm her,+Kpan kpaa i pase un sha ikyev i orvesen na kera.
20 Er nena ve ka a na mba ve yan ican la iwanger,Man mba ve zungwen tsung* la kpaa a ne ve uma?+
21 Er nan ka ve tôm ku kpa u va ga?+
Ka ve time, ve ker u i hemba akaainjaa a i yer a yô,
22 Ve mba ve ember tsung,Mba ka i saan ve iyol zum u ve zua a uwar la.
23 Er nan ve ka a na or u nan tsum gbenda la iwanger,Or u Aôndo a we igyar a kase nan laa?+
24 U ma m lu yan kwagh la yô, m ngu shirin ishima,+Mtoghor wam+ ngu haan er ka mngerem nahan.*
25 Gadia kwagh u a ne m gbidi ikyarkyase iyol la va kohol mo,Kwagh u m cie la gema tserem.
26 M ngu a bem ga, m ngu ving ga, m ngu a mmem kpaa ga,Ka di kwaghtseren kpii.”
Ngeren mba shin kpe
^ Zwa Heberu, “iyange na.”
^ Shin “Ime man mure u kuugh ve.”
^ Shin “tugh mbura mbu de lu a kwagh ker ga.”
^ I nenge ér mba ôron ka kwagh u ambe, shin zegeinyam i shin mnger igen i lun a tahav.
^ Shin “zwa u.”
^ Shin “m kpe sha ikya.”
^ Shin a fatyô u kaan ér “Mba ve maa ajiir a hingir ice sha ci ve.”
^ Shin “mba asema a vihi ve.”
^ Shin “M ngu kinen er ka a haan mngerem nahan.”
