Yobu 16:1-22
16 Tsô Yobu gema kaa ér:
2 “M vande ungwan ambaakaa ne nahan kpishi.
Ne cii ne mba mbasurunshima mba injaa ga!+
3 Akaaôron a gbilinigh nga a ikighir kpa?*
Ka nyi i ne ishima i tsue u ker u ôron kwagh nahana?
4 Mo kpa ma m fetyô u ôron kwagh er ne nahan.
Luun er ne mba sha ian i m lu sha mi ne yô,*Ma m fetyô u ôron akaa sha iyol yen a kuman ken ato,Shi kenger ne jingir ityough.+
5 Nahan kpa mo me er nahala ga. Luun ér ka mo yô, ma m ôr mkaanem ken zwa wam ma taver ne ishima,Shi msurshima u sha ityumbujôôgh yam ma a ne ishima ma i pever ne.+
6 Ka mea ôr kwagh kpa, mnyoon wam a pande ga,+Man aluer m huan ving yô, mnyoon wam a pande?
7 Nahan kpa hegen ne, a na tumem iyol;+A tim ya wam* vindi vindi.
8 Shi u kôrom, nahan kwagh ne hingir shiada,Je yô ikyande yam mough ngi nan mo ibo sha ishigh yagh je.
9 Ishimavihin na andem avur avur, a wa ishima bough a mo.+
Ngu nyiman tsumbu a mo.
Orhyom wam ngu kenger mo ishe i bo.+
10 Ve aver zwa ve sha a mo,+Ve laham, ve tam ishambe sha aase;Ve kohol kpishi ve maa sha a mo.+
11 Aôndo gemam wa sha ikyev i mbayevnomso,A gbihim sha ave a mbaaferev.+
12 Yange m lu a zayol ga, kpa a hembem avur avur;+A kôrom hen suamon, a njighem;Maa a de akaa cii a anem vanger.
13 Ior nav mba keren avaan kasem;+A pevem ahi+ a mhôônom ma zungwen shio;A haa mlem am inya.
14 A pevem ahula ahula;A usa van sha a mo er ka orutya nahan.
15 M kor ikyondo i zungwen sha u cirin kwavyolough wam,+M ii icivir yam* shin vuulevu.+
16 M vaa je ashe nyian,+Akurashee a am kpa gba mure u kuugh,
17 Shin er ave a am a er ma ifer gaShi msen wam a lu wang nahan kpaa.
18 We tar, de cirin awambe a am ga!+
Mliam am kpaa ma de zough a ijiir i memen ga!
19 Hegen je kpa, orshiada wam ngu sha usha;Un u una fatyô u eren mo shiada la ngu sha ajiir a taven.
20 Ahuraior a am nga lahan mo+Ishe yam ngi vaan a Aôndo.*+
21 Or a̱ kure kwagh hen atô u orumace vea Aôndo,Er or ka nan kure kwagh hen atô u orgen vea orgen nahan.+
22 Gadia anyom kera shi vese ga tsô,Me za sha gbenda u me kera hide ga yô.+
