Yobu 35:1-16
35 Elihu shi za hemen a kwaghôron, a kaa ér:
2 “U na jighjigh wer u ngu a ishô je yô u ngu kaan wer,‘M hemba ngun perapera a Aôndo’ zee?+
3 Gadia u kaa wer, ‘Kwagh gba u shami?*
Mea er kwaghbo yô ma i kahamaa?’+
4 Yô mo me ôr u kwaghWe vea akar a ou+ imôngo.
5 Kende ashe sha aôndo nenge,Kenger abeen+ a a tav sha a kar u la.
6 Aluer u er isholibo yô, za nyoon un nena?+
Man aluer asorabo a ou seer ngeen a ngee yô u er un nyi?+
7 Aluer u ngu perapera yô, ka nyi u ne unu?
Ka nyi a zough a mi hen a wee?+
8 Ka orumace er we nahan ifer you ia bula nan ye,Perapera wou kpaa ka wan u or u er a nan ye.
9 Ior ka ve vaa shighe u i kighir ve a ican i ngee i gande yô;Ka ve vaan ve keren ér i yima veSha ikyev i* mbaageev mba ve eren ve ican la.+
10 Kpa ma or pinen ér, ‘Aôndo, Orgban mo u Hemban Cii,+Un u a ne ér i wa atsam tugh la ngu hana?’ ga.+
11 Ka a tese se+ i hemba annyamev mba sha tar,+A er se se hemba fan kwagh a inyon i purugh sha aôndo.
12 Ior ka ve vaa, kpa a bugh zwa ga,+Sha ci u ihyagh i mbaaferev la.+
13 Mimi je, Aôndo ongo mliam ma gbilinigh ga;*+Uhembanagee Cii la veren ato sha ma kpaa ga.
14 Man hide we u u lu gban ijir wer u nenge a na ga ne ve una ungwa u yee!+
Ijir you ngi sha ishigh nagh, nahan kegh un.+
15 Gadia a pine u kwagh sha ishimavihin ga;Shi a ver ishima sha kwagh u u lu ôron dang de dang la kpaa ga.+
16 Yobu gbe bughun zwa na gbilin tsô;Ngu ôron akaa kpishi a mfe shio.”+
