Yobu 17:1-16
17 “Gande jijingi wam iyol, ayange a am kpa bee kera;Ka uwar u lu masen keghen mo ye.+
2 Mbanahantar kasem,+Ashe am zer kenger* ihyembeato ve.
3 Yô ma u lumun ibumun yam shi ma u lu a i.
Ka an ugen nana zua uwegh a mo shi nana bum sha ci wama?+
4 U cir asema a ve sha er ve de zuan a mkav ga yô;+Ka nahan u kende a ve sha ga ye.
5 Ka ve soo u nan azende a ve kwagh,Kpa ônov vev ve gema ve hungwa ashe ikyôr.
6 A gemam m hingir kwagh u ihyeenegh* hen ior,+M hingir or u ve te nan azer ken ishi yô.+
7 Ishima vihim m ngu nengen cing,+Alegh a iyolough am cii hingir er ka mure yô.
8 Mbaperapera kenger kwagh ne kpiligh ve iyol,Shi ishima vihi mbaishôôv a mba ve civir Aôndo ga la.*
9 Orperapera ka nan za hemen u eren perapera u nan her,+Shi or u ave a nan a lu wang kpaa ka nan seer taver.+
10 Nahan kpa, ne cii ne fatyô u va zan hemen a kwaghnyiman wen,Gadia m zua a orfankwagh môm hen atô wen ga.+
11 Ayange am bee;+Mbaawashima av man akaa a a sar ishima yam la cii saa ishe.+
12 Ka ve zer geman tugh hingir sev,Ve kaan ér, ‘A̱ shi nan kpa iwanger zurum, sha ci u ime wa.’
13 Me kegh anshighe kpuaa, nahan Uwar* ua hingir ya wam;+Me tar gambe wam ken ime.+
14 Me yila ihyungwa,*+ me kaa a i mer, ‘U ngu terem!’
Shi me kaa a ijôô mer, ‘U ngu ngôm man ingyôr yam!’
15 Nahan ishimaverenkeghen yam ngi hana?+
Ma or nenge ér m ngu a ishimaverenkeghenee?
16 Ia* sen shin uishindan mba Uwaregh*Zum u se cii se sen imôngo shin vuulevu la.”+
Ngeren mba shin kpe
^ Shin “bon sha.”
^ Zwa Heberu, “injakwagh; kwagh u kaan ishenge a mi.”
^ Shin “mba ve vende Aôndo la.”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “uwar.”
^ Ka ishimaverenkeghen i Yobu la je la.
^ Shin “Sheol,” ka uwar u uumace je la. Nenge Ngeren u Pasen Asember.
