Yobu 18:1-21
18 Tsô Bildadi+ Orshua gema kaa ér:
2 “Ka hanma shighe jim ne* de u lamen nahana?
Tese nen ner ne mba a an-mkav, sha er se kpa se lam yô.
3 Er nan ne lu nengen se er se mba annyamev+Shi ne tôô ner se mba abumeaioro?*
4 Aluer u ande iyol you* javer javer sha ishimavihin je kpa,A gema tar a ta kera sha ci wouwee?
Shin vande ua mough hen ape u lu la kera?
5 A pir iwanger i iferor kera,Shi nomborusu u nan kpa ua wanger ga.+
6 Iwanger i ken tenti u nan ia pir,Imenger i i har ken tenti u nan kpaa ia pir.
7 Zende u nan u sha kume la ua pande,Shi mbamhen mba nan vea na nana gba.+
8 Angahar a nan aa nyôr a nan ken kper,Nana cimin ken ikyar na.
9 Kwaghhônon una kôr nan ikishinguhar;Kwar ua kôr nan.+
10 I yer nan kor shin inya,Kwaghhônon ngu sha gbenda u nan.
11 Akaa a cieryol nga tan nan mciem iyol hanma vegher cii,+Nga zendan nan pera pe pera.
12 Agee a nan bee,Shi kwagh a tser nan,+ nana nôngo gbeev.*
13 Kwavyolough u nan hôô kera;Bouange u hemban vihin* vihi nan alegh a iyolough.
14 I tôô nan hen tenti u nan u nan tem her bem bem la kera+Nan za kpe ku u cieryol.
15 Ior mba a fe ve ga vea tema ken tenti na;*A haa sulfur sha ya na.+
16 Amise a na aa uma shin inya,Agbaa a na kpaa aa use sha.
17 A kera umbur un shin tar ga,Shi sha godobi kpaa, a fa iti na ga.*
18 A zenda un ken iwanger kera, una yem ken imeShi a zenda un shin tar kera.
19 Una lu a wan shin wan u wan hen atô u ior nav ga,Or na môm nana war hen ijiir i a lu la ga.*
20 Zum u iyange na ia va yô, a kpiligh ior mba shin ityôtar iyolIor mba sha ityoughkitaregh kpa vea gbidye akarkase iyol.
21 Ka kwagh u una er utenti mba orsholiboKua ijiir i or u nan fe Aôndo ga je ne.”
Ngeren mba shin kpe
^ A shi nan kpa ngu ôron ka kwagh u Yobu man mba lun er un nahan, shin mbazungwen a na.
^ Shin a fatyô u kaan ér, “mba lun wang ga?”
^ Shin “uma wou.”
^ Shin “nana keer.”
^ Zwa Heberu, “Waniunda u ku.”
^ Zwa Heberu, “Kwagh u a lu u na ga una tema ken tenti na.”
^ Zwa Heberu, “una lu a iti ga.”
^ Shin “hen ijiir i a tem twev la ga.”
