Yobu 26:1-14
26 Tsô Yobu gema kaa ér:
2 “M nenge er u wase or u nan lu a agee ga la di je ve!
U yima di uwegh ku ku lu a agee ga la di je!+
3 U wa or u mfe a ban nan la kwagh mimi!*+
U tese kwaghfan* wou ken igbar!
4 Ka an jim u lamen a nana?
Man ka an nan we u kwagh ér we u ôr akaa la nahana?*
5 Mba ve yav gbedaa shin ku la ka ve gbidye akarkase iyol;Hemba mban shin inya hweng a mkur u uzegembamngerevMan akaa a a lu shin ve la;
6 Uwar* ngu idyelegh sha ishigh ki Aôndo,*+Ijiir i mtim* kpaa yav a kwagh u cirin shio.
7 A samber imbusutarimese sha iamegh,*+A har tar sha ma kwagh ga;
8 A kange mngerem ken abeen a na,+Sha gbenda u ma a yuhwa a gande abeen aa pav ga yô;
9 Ka a cir ikyônough nagh ki torough sha er a nenge a mi ga yô,A samber abeen a yisa ki.+
10 A kpela ahwa sha zarmnger;+A ver ikighir hen atô u iwanger man ime.
11 Mtôm ma usha je kpa ka ma tenger;Ka i kunda ma iyol shighe u a zehe yô.
12 Ka a gbuusu zegemnger sha tahav nav,+Shi a sombo inyamkyume i cieryol i shin zegemnger* vughô vughô, sha mkav na la.+
13 Ka a wanger kwavaôndo sha iôôn* na;Shi a kuma iyô i i lu yemen ayem la sha uwegh nagh.
14 Nenge! Akaa ne cii ka di anivur u igbenda na tsô;+I hila ungwa kwagh na cuku tseegh!
Nahan ka an nana kav idyuran na i sha utaha laa?”+
Ngeren mba shin kpe
^ Shin “mgbeghaa.”
^ Shin “mfe.”
^ Zwa Heberu, “Ka iôôn (jijingi) u an a duen ken a we?”
^ Shin “Sheol,” ka uwar u uumace je la. Nenge Ngeren u Pasen Asember.
^ Zwa Heberu, “ishigh nagh.”
^ Shin “Abadon.”
^ Zwa Heberu, “sha ian i gbilinigh.”
^ Zwa Heberu, “Rahabi.”
^ Shin “humbe.”
