Yobu 28:1-28
28 “Ijiir ngi i dughun azurufaShi ijiir ngi sha ci u zanaria u sôron kpaa;+
2 Ka i dugh iyôgh shin inya,Shi i sough vande i dugh* togula.+
3 Orumace ka nan bee a ime kera;Nan za hen ijiir i wan ime mgbigh mgbigh,Sha u za keren akaainjaa.*
4 Ka nan time ihyungwa ica a ape ior ve tem yô,Hen ajiir a i hungur a a, a lu ica a ape ior ve zenden yô;Ior mbagen ve sen shimi, ve zungur.
5 Kwaghyan ka a mende sha tareghnyaagh;Kpa shin atô yô, i hingir shimi gbugh gbu gbugh er ka usu nahan.*
6 Safir ngu ken awen shimi,Shi vuulevu ngu a zanaria.
7 Inyon i yaren ikyôr i môm fa gbenda u zan her ga;Ishe i tsoghor kpa ngi a nenge a mi ga.
8 Inyamkyume i môm ngi a zende sha u ga;Gumbegha kpa ngu a kar sha u ga.
9 Orumace ka nan gbidye kwagh sha vande u taver;Nan môugh iwo shin itine je.
10 Ka nan ongor igbendamnger+ ken vande;Ashe a nan ka a nenge a hanma kwagh u injaa cii.
11 Ka nan yua ambor a uifiShi nan due a kwagh u i yer la ken iwanger.*
12 Kpa kwaghfan yô, ka han a zua a mini?+
Man ka han mkav a dugh?+
13 Or môm nan kav mluainja na ga,+Shi a fatyô u zuan a mi ken tar u mbaumav kpaa ga.
14 Ivmnger kaa ér, ‘Ngu shin a mo ga!’
Shi zegemnger kpa kaa ér, ‘Ngu hen a mo ga!’+
15 A fatyô u yamen un sha zanaria u wang ga;Shi a fatyô u karen myohom ma azurufa kimbin sha mi kpaa ga.+
16 Zanaria u Ofir kpa kuma u yamen un a mi ga+Oniki u a ze iban la kua safir kpaa ga.
17 A fatyô u tôôn zanaria man gelase karen sha a na ga;Shi ikyagh ki i er ki sha zanaria u wang kpaa,A fatyô u tôôn musan un a mi ga.+
18 Iwen i korali man krista kpa kuma u teren sha kwagh na ga,+Gadia ibya i kwaghfan hemba ngin a inja a ibya i utagbede.
19 A fatyô u karen topashi+ u ken Kushi sha mi ga;Zanaria u wang je kpa a fatyô u yamen un a mi ga.
20 Kpa ka hen an kwaghfan a dughu?
Man ka han mkav a ve?+
21 Ngu myer sha ashe a hanma kwagh u uma cii,+I yisa un sha er inyon i sha kpa ia nenge a mi ga yô.
22 Mtim man ku kaa ér:
‘Ato a ase ungwa a ungwa kwagh na tseegh.’
23 Ka Aôndo a kav gbenda u zuan a na ye;Shi ka un tseegh a fe ijiir i a tem kpaa ye,+
24 Gadia nengen ka aren sha akighir a tar je,Ka a nenge a hanma kwagh u a lu shin tar cii.+
25 Zum u yange ver tahav mbu* ahumbe+Shi kar mngerem la,+
26 Zum u yange wa ura tindi+Shi er gbenda u ibyeenegh ki van a ijeverahumbe ki karen sha mi la,+
27 A nenge a kwaghfan, shi a pase kwagh u a lu kwaghfan yô;A ver un, shi a kar un kpaa.
28 A gema a kaa a or ér:
‘Nenge! Mcie u cian Yehova—ka un a lu kwaghfan ye,+U geman ijime a kwaghbo kpaa ka mkav.’”+
