Yobu 24:1-25
24 “Er nan ve Uhembanagee Cii a ver shighe ga?+
Er nan mba ve fe un la ve nenge a iyange na ga?*
2 Ior ka ve kporom a ikyav i paven tar;+Ve ngohol ior akumauile a hingir ilev vev.
3 Ka ve kôr jaki i ônov mba ve lu a ter ga laShi ve ngohol kwasecôghol bua* sha injô i nan lu ve a mi la.+
4 Ka ve mgbegha mbaibanave sha gbenda kera;Atsanaior a sha tar ka a yeren ve.+
5 Mbaatsanev ka ve ker kwaghyanEr ujaki mba ken toho+ mba lun ken taaikyôngo nahan;Ka ve ker kwaghyan ken desereti sha ci u ônov vev.
6 Ka i gba u vea sunda ken sule u orgen*Shi vea yar twar hen sule u wain u mbaaferev.
7 Ka ve yav tugh idyelegh a ikyondo shio;+Mba a kwagh u cirin wuhe ga.
8 Ura u sha uwo ka u heen ve iyol,Ka ve var ken avande sha ci u mba a ape yeren ga.
9 I tsua wan u a lu a ter ga la zwa sha ityumba kera;+Shi i ngohol ikyondo i mbaatsanev sha injô i ve ye la,+
10 Nahan ve fa kwagh u vea er ga, mba zenden idyelegh a ikyondo iyol shio,Shi ve tôô aileuyia a ijen uya.
11 Ka ve er tom ken oo hen uigyar mba sha awen;*Ka ve shoghor wain, kpa imura i kôron ve.+
12 Mbanôngonku mba kinen ken gar;Mba i vihi ve iyol kehelee la* mba vaan keren iwasen,+Kpa Aôndo nenge a kwaghbo sha kwagh ne ga.*
13 Mbaaferev ka ve hendan a iwanger;+Ve fa igbenda i i ga,Shi mba dondon igbenda i i kpaa ga.
14 Orwuanor ka nan mough sha use;Nan za wua mbaibanave kua mbaatsanev,+Tugh mbua ilen yô nan yem iv.
15 Ishe i idyaor ka i keghen aôndoaimegh,+Nan kaan ér, ‘Or a nenge a mo ga!’+
Ka nan cir ishigh ki nan.
16 Ime ka ia wa yô, ve nyôron ior ken ayou;*Sev a va aven yô, ve nyôr ve lu ken ayou a ve.
Ve hoghor a iwanger ga.+
17 Pepe ngu ve er ka angôghime nahan;Ve hoghor a mcieryol u angôghime.
18 Kpa mngerem ka ma kua a ve kera fese.*
A wa utsa vev ifyan.+
Vea hide hen ishule ve i wain kpaa ga.
19 Er icegh man mtsee ka ve bee a senou u soughon kera nahan,Kape Uwar* ka u bee a mba eren asorabo kera la!+
20 Ngô u nan* una hungur a nan.
A kera umbur nan mayange ga.+
A kever iferkwagh er ka kon nahan.
21 Ka nan ya mtsera sha ikyômkwase,Shi nan nzughul a kwasecôghol.
22 Aôndo una kar a mbaageev kera sha tahav nav;Vea mough sha kpaa, vea fa mwar ve ga.
23 Aôndo ka a de ve ve lu a vangertiôr, ve tema bem bem,+Kpa ashe a na nga sha hanma kwagh u ve lu eren cii.*+
24 Ka i kende a ve sha sha anshighe kpuaa, maa ve kera lu ga.+
Ka i sen a ve,+ i kar a ve kera er hanma orgen cii nahan;Ka i tôndo ve er asagher a uiyia yô.
25 Aluer ka nahan ga yô, or a tese ase ér m ngu oraieShin nana tuna kwagh u m ôr ne.”*
Ngeren mba shin kpe
^ Ka iyange i ijirigh na je la.
^ Shin “ve kôr kwasecôghol kwar sha bua.”
^ Shin a fatyô u kaan ér, “vea sunda toho ken ityev.”
^ Shin a fatyô u kaan ér, “Ve shoghor mkurem hen uigyar mba sha awen.”
^ Shin “uuma mba mba i vihi ve iyol la.”
^ Shin a fatyô u kaan ér, “Aôndo na or ibo ga.”
^ Zwa Heberu, “ve peven ior ayou.”
^ Zwa Heberu, “Ngu kpa kpe kpa sha zarmnger.”
^ Shin “Sheol,” ka uwar u uumace je la. Nenge Ngeren u Pasen Asember.
^ Zwa Heberu, “Sagh.”
^ Zwa Heberu, “sha igbenda ve.”
^ Shin “nana tume nguhar sha kwagh u m ôr ne.”
