Yobu 29:1-25
29 Yobu za hemen a kwaghôron na,* a kaa ér:
2 “Bee er ma m hidi ma m lu er yange m vande lunKen iwer i i kar ken ijime,Sha ayange a Aôndo nengen sha a mo la yô,
3 Zum u er imenger na tam iwanger sha ityo,Shighe u tsarem iwanger er m lu zenden ken ime la,+
4 Sha ayange a gbong gbong wam u gumor,Shighe u ikyar i m ya vea Aôndo va a iveren sha tenti wam la,+
5 Zum u Uhembanagee Cii lu a mo,Shi mbayev av* cii lu vea mo her la,
6 Shighe u m ôôn angahar shin atumba a kôrough,Shi mkurem duen ken avande kpishi sha ci wam la.+
7 Zum u m duen m zaan sha hundagar+Shi m za teman hen tembe la,+
8 Yange agumaior aa nenge a mo yô a ta gbenda,*Mbaganden je kpaa ve mough ve tile sha.+
9 Utyombaiorov kpa ve huan ayôôso;Ve wa uwegh zwa.
10 Ashagbaaior a huan ving;Nombor u var ve sha ikyughô.
11 Hanma or u yange nana ungwa iliam yam yô, nan wuese mo,Shi mba vea nenge a mo kpaa, ve ta ikyaa a mo.
12 Gadia yange m yima icanor u nan lu keren iwasen la,+Kua wan u a lu a ter ga, man hanma or u nan lu a or u wasen nan ga cii.+
13 Or u yange nan lu ken kwaghtseren la yange nan verem doo doo+Yange m na ishima i kwasecôghol iember.+
14 Yange m haa perapera iyol er ka ikyondo nahan;Ieren yam i mimi lu er ka riga man tsar u kangen sha ityo* nahan.
15 M hingir ashe a orapirasheMan angahar a or u sombon.
16 M lu ter u mbaatsanev;+M tôv sha ijir i or u m fe nan ga yô.+
17 Yange m hembe iferor azegher+M tsue nan inyam sha anyi kera.
18 Yange m kaan mer, ‘Me kpe hen ya wam,*+Ayange a am aa ngee er waarawa nahan.
19 Amise a am aa samber a za ar shin mnger,Agbaa a am aa tsa a avure.
20 Icivir yam ia lu hegh her gbem,Ada u ken uwegh agh kpa una zer keren avaan.’
21 Yange i doo ior u ungwan a mo,Ve keghen a kegh je, ve huan ving ve keghen kwaghwan wam.+
22 Yange mea lam a bee yô, ve kera lu a kwagh u seer ga;Kwaghôron wam a kundu ve ken ato.
23 Yange ve keghen mo er ka ura nahan;Ve aver zwa ve keghen er mba keghen urahe yô.+
24 Yange mea kenger ve mea se mur mur yô, i kpiligh ve iyol;Mea lu ishigh sha a ve saan saan nahan, ishima i taver ve.*
25 M lu orhemen ve, m ôron ve kwagh u vea er yô,M lu er ka tor a akumautya a na nahan,+Man er ka or u surun mbazungwen asema yô.+
