Yobu 7:1-21
7 “Uma u or shin tar ne ngu er ka tom u kighir or a mi nahan gaa,Man ayange a nan yô nga er a or u i tee nan ijodo nahan ga ha?+
2 Mure ngu a sar nan kpishi er kpan nahan,Shi nan keghen injar i nan er or u i tee nan ijodo yô.+
3 Kape mo kpa i kar kwar i nem iwer i gbilinigh laShi i verem aime a ican kpaa.+
4 Ka mea yav inya yô m pine mer, ‘Ka hanma shighe me mough sha?’+
Kpa tugh mbua nguren zan yô, m zer zômon iyol gbem sev mbu kar aven.*
5 Inyam yam iv a azôô man akpoghor a inyaagh;+Akembe man ihyelegh* cirim sha kwavyolough.+
6 Ayange a am ka a kar kera fele i hemba akusha* u ortumenakondo,+Shi ka a kure a ishimaverenkeghen shio.+
7 Umbur wer uma wam ka ahumbe,+Shi ashe am kpa aa kera nenge a msaanyol* mayange ga.
8 Ishe i i nengen a mo hegen la ia kera nenge a mo ga;Ashe ou aa kerem, kpa me kera lu ga.+
9 Er ibyeenegh ka ki sambe shi ki ndiir kera nahan,Kape or u nan senen shin Uwar* la kpaa nan hiden ga je la.+
10 Nana kera hide hen ya u nan ga,Ijiir i nan kpaa ia kera fa nan ga.+
11 Sha nahan yô, me kusu zwa wam ga.
Me lam er ishima i lu vihin mo ker ne;Me toghor iyol sha ican i m lu yan kpishi ne!*+
12 M ngu zegemnger shin inyam i cieryol i shin zegemnger,Ve u ver or u kuran mo yee?
13 Ka mea kaa mer, ‘Ikyagh yagh ki yaven sha mi kia surum ishima;Gambe wam kpaa una na a yôhôr mo iyol sha ican yam’ yô,
14 U gema u tam mciem iyol sha mnyam ma cienU cier mo sha mbampase,
15 Je yô i lu u me kaa mer guda i wam ihyamber ikyer,Een, gudam ku a iyol yam ne.*+
16 Uma wam ndôhôr mo ishima;+ m kera soo u lun uma ga.
Dem m lu kwagh wam, gadia ayange am nga di er ka humbe tsô.+
17 Or ngu di nyi ve kwagh a gbe u sha kwagh u nanShi u veren ishima* sha kwagh u nana?+
18 Er nan u tôvon nan use useShi u karen nan hanma shighee?+
19 U tôô ashe sha mo kera,U shi de anshighe a wa karen wer mo m mena ijer tsô kpaa gaa?+
20 Aluer m er isholibo je kpa, m bula u nena, we Or u Hônon Ashe sha uumace?+
Er nena u anem vangeraa?
M hingir we ikyavaa?
21 Er nena u dem isholibo yamU gbe den mo mbamtsum av tsô ga?
Gadia ica a gba ga tsô me yav shin vuulevu,+U kerem, kpa me kera lu ga.”
Ngeren mba shin kpe
^ Shin “zan zan sha use.”
^ Shin “ijumbu.”
^ Akusha ne ka ankon u mbatumenakondo ka ve kamber mou sha mi ve tumban ve hiden keen man keen yô.
^ Zwa Heberu, “kwagh u dedoo.”
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “ican i uma wam a lu yan tsung ne.”
^ Zwa Heberu, “a akuhe a am ne.”
^ Zwa Heberu, “u penda ishima.”
