Yobu 11:1-20
11 Tsô Sofar+ Ornaamati la gema kaa ér:
2 “A gba ungwan ato sha akaaôron ne cii tsôô?
Shin ka sha u lamen kpishi la man or* nan zough a ishô?
3 Agbilin a iliam a ou la aa na ior a cir zwaa?
Or a kera kôôm we sha akaaôron a ou a sha tarnahan la gaa?+
4 Gadia ka u kaa wer, ‘Ityesen yam ngi wang,+M ngu wang sha ishigh you.’+
5 Kpa Aôndo ma a ôr kwagh a we,Ma a bugh ase zwa a we!+
6 Nahan ma a pase u akaamyer a kwaghfan,Gadia kwaghfan ngu a avegher kpishi.
Nahan ma u kav er Aôndo a de ér aferakaa a ou agen a hungur yô.
7 U fatyô u kaven akaa a zan shimi a Aôndo kpa?
Shin u fatyô u fan kwagh u* Uhembanagee Cii beene?
8 A tav a kar usha je. Ka nyi u fatyô u erene?
A za shimi hemba Uwar.* Ka nyi u fatyô u fana?
9 A kehe hemba tarA gbanger hemba zegemnger kpaa.
10 Aluer ngu karen man a kôr or a wuhe shi a lôhô ijir yô
Ka an je nana hendan a naa?
11 Gadia ior ka vea eren aie yô a fa.
Zum u a nenge a iferkwagh yô una kera fa gaa?
12 Kpa ibumeor yô nana kav gaSaa jakitoho ia mar or di je.
13 Ma u sôr ishima youShi ma u naregh ave a ou hen a na.
14 Aluer uwegh ough ku eren kwagh u shami ga yô, ver ku ica,De lumun wer iferkwagh i tema ken utenti ou ga.
15 Gadia ka nahan man u kende ishigh sha a acôghor shio ye;U tile dông a mciem shio.
16 Gadia hen shighe la u hungur a zayol wou;U umbur un er mngerem ma ma kua ma kar hen a we kera nahan.
17 Uma wou una wanger a hemba iwanger i iyange sha tembe;Ime na je kpaa, ia lu er pepe yô.
18 U lu a vangertiôr sha ci u ishimaverenkeghen ngi,U yenge kera shi u yav inya a kwagh u zan we iyol shio.
19 U yav inya a or u tan we mciem iyol shio,Ior kpishi vea ker iwasen hen a we.
20 Kpa ashe a mbaaferev yô aa pir;Vea zua a ijiir i waren ga,Ishimaverenkeghen ve a mase shin ku tseegh.”+
Ngeren mba shin kpe
^ Shin “or u tan ihyagh.”
^ Shin “fan ikighir i.”
^ Shin “Sheol,” ka uwar u uumace je la. Nenge Ngeren u Pasen Asember.
