Yobu 2:1-13
2 Akaa ne nga karen kera yô, sha iyange igen la shi ônov mba Aôndo u mimi*+ nyôr va tile sha ishigh ki Yehova,+ maa Satan kpa nyôr a ve imôngo, va tile sha ishigh ki Yehova.+
2 Tsô Yehova pine Satan ér: “Ka han u dughu?” Satan gema kaa a Yehova ér: “Ka ken zende wam u ningir shin tar hurugh hurugh, man u zenden shin u wue wue.”+
3 Yehova maa pine Satan ér: “U fa* kwagh u wanakiriki wam Yobu tsembelee kpa? Or môm shin tar kuma sha a na ga. Ka or u perapera u a eren kwagh sha mimi,*+ a cian Aôndo shi a palegh kwaghbo yô. A kôr mimi na her gbang,+ shin er u lu nôngon wer ishima i vihim a na,+ m tim un* a ityôkyaa shio nahan kpaa.”
4 Kpa Satan gema kaa a Yehova ér: “Kwavyolough sha kwavyolough. Hanma kwagh u or nan lu a mi cii nana na sha ci u uma u nan.
5 Kpa naregh ase uwegh ough bende a kuhe na man inyam na, tsô u nenge er una tuhwa u sha ishigh you je yô.”+
6 Tsô Yehova kaa a Satan ér: “Nenge! Ngu sha ikyev you, ka uma na tseegh de benden ave ga ye!”
7 Satan maa kar sha ishigh ki Yehova kera, za haa Yobu avav* a nyoon kpishi,+ hii shin akevangahar zan zan due sha ihyaghtyo.
8 Nahan Yobu tôô agbatsenge gba aan iyol a mi, a tema shin mtuhwe.+
9 Ken masejime yô kwase na kaa a na ér: “U ngu di kôron mimi wou her gbang tsôô? Tuhwa Aôndo kpe kera!”
10 Kpa a kaa a na ér: “U ngu ôron kwagh er ka ibumekwase nahan. Ka kwagh u dedoo tseegh se ngohol hen Aôndo u mimi la yee? U bo yô se kera ngohol gaa?”+ Ken akaa ne cii, Yobu er isholibo sha zwa na ga.+
11 Tsô azende* a Yobu atar ungwa akaa a vihin a a er un la, nahan ve mough sha ajiir a ve, ve va—ka Elifasa+ Orteman man Bildadi+ Orshua+ kua Sofar+ Ornaamati. Ve lumun u kohol imôngo za zungwen a Yobu shi surun un ishima.
12 Zum u ve ta ashe ve nenge a na ken ica yô, ve kera kav un ga. Maa ve gba vaan genger genger. Ve ande akondo a ve, ve gba tsendan vuulevu sha, u lu hiden haan ve shin ityo.+
13 Maa ve shar hen inya, ve lu her vea na ayange ataankarahar, tugh man atetan cii. Or ve môm ôr kwagh a na ga, sha ci u ve nenge mnyoon u lu ker kpishi la.+
