Yobu 33:1-33
33 “Yô Yobu, wea lumun yô ver ato sha akaaôron a am;Kegh ato a hanma kwagh u me ôr cii.
2 Nenge! Gba u me bugh zwa wam;Gba u nombor wam ua* ôr kwagh.
3 Mkaanem am ma pasen er ishima yam i lu wang yô,+Ityumbujôôgh yam kpaa ngi ôron kwagh u m fe yô sha mimi.
4 Ka jijingi u Aôndo iyol na yange erem ye,+Shi lu iôôn i Uhembanagee Cii la iyol na i nam uma ye.+
5 Wea fatyô yô ôr kwagh a mo;Va a atôakyaa a ou sha ishigh yagh; wa iyol kegh a kegh.
6 Nenge! Sha ishigh ki Aôndo u mimi yô, mo kpa m ngu er we nahan;Lu sha inyatyuu mo kpa i maam ye.+
7 Nahan mciem am ma de te u iyol ga,Shi i de lun inja er m ngu kighir we kpaa ga.
8 Kpa m ungwa u ôr kwagh,M zer ungwan mkaanem man kwa kimbir kimbir, u lu kaan wer,
9 ‘M ngu wang, m per tindi ga;+M ngu wang, m er ma kwaghbo ga.+
10 Kpa Aôndo ngu keren atôakyaa a hendan a mo;A tôô ér mo m ngu orhyom na.+
11 A wam angahar ken agbe;A tôv igbenda yam cii.’+
12 Kpa u ôr nahan ka shami ga, yô me kaa u:
Aôndo hemba uumace ica je.+
13 Er nan u gbe ijir sha kwagh na?+
Ka sha ci u a bugh zwa sha akaaôron a ou cii ga yumuu?+
14 Gadia Aôndo ka a ôr kwagh shi a hide a kimbir,Kpa or môm nan ver ishima her ga,
15 Ken mnyam ma cien, ken mpase u utu,+Shighe u ior ka ve gba mnyam kpum kpumVe yaven sha ugambe vev la.
16 Maa a bugh ve ato+Shi a shiishi* akaawan a na ken asema a ve,
17 Sha er una yange or nana de u eren kwaghbo+Shi una kura or sha er nana de gengese iyol ga yô.+
18 Aôndo ka a yima uma u nan sha er una sen shin ihyungwa* ga yô,+Shi a war uma u nan, sha er i de timin un sha sanker* ga yô.
19 Mnyoonom ma or ma sha gambe u nan kpa ka ma kôôm nanKua mnyoon u a lun ken akuhe a nan hanma shighe la,
20 Zan zan je yô beredi a ndôhôr nan* ishima,Shi nan venda kwaghyan u dedoo je kpaa.+
21 Ka nan kande je inyam i nan i bee kera,Shi akuhe a nan a yange lu ken myer la kpaa a due ken igbar.*
22 Uma u nan ka a mgbôghom a ihyungwa;*Ka a zaan hen mbawuanior.
23 Aluer ortyom ngu u nana va nan a loho,Or môm ken iorov dubu u nana ta ikyaa a nan,Sha u nana ôr or kwagh u a lu u vough yô,
24 Aôndo a zungwe nan mhôônom a kaa ér,‘Yima nan, nana de senen shin ihyungwa* ga!+
M zua a ipaan!+
25 Iyol i nan i̱ hide i̱ hingir gbur gbur i hemba i wanye;*+Nana hide nana hingir er sha ayange a nan lu a gbong gbong u gumor la nahan.’+
26 Nana sôn Aôndo,+ un kpaa una lumun nan,Nana nenge a ishigh nagh, nana ngor sha iember,Shi una hide nan a perapera u nan her.
27 Or la nana pase* ior mbagenev,Nana kaa ér, ‘M er isholibo,+ m nzughul kwaghKpa i kimbim injar i i kom sha a mo la ga.*
28 A paa uma wam ér a de kera senen shin ihyungwa* ga,+Nahan uma wam una nenge a iwanger.’
29 Sha kpôô yô, Aôndo ka a er akaa ne cii sha ci u orKa a er kwa har, een kwa tar je kpaa,
30 Sha u dughun nan* shin ihyungwa* kera,Sha er nana zua a iwanger sha iwanger i uma yô.+
31 Ver ishima, Yobu! Kegh ato a mo!
Huan ving m za hemen a kwaghôron wam.
32 Wea lu a kwagh u ôron yô kaam ase.
Lam, gadia m soo u nan we ishô.
33 Kpa wea lu a kwagh u ôron ga yô, kegh ato a mo;Huan ving, mo me tese u kwaghfan.”
Ngeren mba shin kpe
^ Zwa Heberu, “nombor wam man ikyua yam vea.”
^ Zwa Heberu, “a gber ikyav i.”
^ Shin “sha ikyagh ki tswamegh.”
^ Shin “uwar.”
^ Zwa Heberu, “uma u nan.”
^ Shin “i tar a ken tembe.”
^ Shin “uwar.”
^ Shin “uwar.”
^ Shin “i engem; i lu figh figh.”
^ Zwa Heberu, “nana wa icam a pase.”
^ Shin a fatyô u kaan ér, “m zua a iwasen ker ga.”
^ Shin “uwar.”
^ Shin “uma u nan.”
^ Shin “uwar.”
