Yobu 20:1-29
20 Tsô Sofar+ Ornaamati la gema kaa ér:
2 “Ka sha ci u nahan ve mbamhen mba ken ishima yamVe ne i lum ape ôron kwagh ye.
Sha ci u ishima memem shimi ga gande.
3 M ungwa mkaanem ma lahan mo;Nahan mkav wam* na ka u me fatyô u ungwan ato ga.
4 A̱ shi nan kpa u vande fan kwagh ne keng je,Sha ci u, er yange i gba or* shin tar je kape i lu je ne:+
5 Imo i iferor i sha iember ngi ngôôr gaShi msaanyol u mba ve civir Aôndo ga* kpaa ngôôr been ga.+
6 Aluer mhembe u nan za tagher sha ushaShi ityough ki nan za ar sha abeen je kpa,
7 Nana saa ishe vindi vindi er ka akôngo a nan nahan;Mba yange ve nengen a nan la vea pine ér ‘Ngu hana?’
8 Nana purugh kera er ka mnyamciem nahan, vea zua a nan ga;A zenda nan kera er ka mbampase mba utuuv yô.
9 Ishe i yange i vande nengen a nan la ia kera nenge a nan ga,Shi a kera nenge a nan hen ya u nan ga.+
10 Ônov mba nan vea ker iwasen hen mbaatsanev,Shi ave a nan aa hide a yôughyôugh u nan aa na kera.+
11 Akuhe a nan yange iv a gbong gbong u gumor,Kpa gbong gbong u nan la una yav a nan imôngo shin vuulevu.
12 Aluer kwagh u bo nyoho ken zwa u nan,Nan yer un shin nombor u nan,
13 Aluer a doo nan ishima je nan soo u tan kera gaKpa nan ngu a mi ken zwa u nan her yô,
14 Kwaghyan u nan una za ange nan shin uya;Una hingir er ka megh ku* mbaabuku nahan ken iyol i nan.
15 Nan mena yôughyôugh, kpa nana sua un kera;Aôndo una dugh un shin iyav mbu nan vindi vindi.
16 Nana ma megh ku mbaabuku;Anyi a igbinde aa* wua nan.
17 Nana nenge a ukungwambamngerev ga,Iyough i kuan man atumba a* kuan kpaa ga.
18 Nana hide a akaa a nan nana na kera a u yan a shio;*Yôughyôugh u nan zough a mi ken kpenga u nan la kpa una lu nan a iwasen ga.+
19 Gadia yange nan njighe a njighe mbaatsanev, nan kende ve;Nan ngohol ya u i lu nan nan maa ga yô.
20 Kpa nana zua a bem ken ishima i nan ga;Inyaregh ki nan kpa kia wase nan u waren ga.
21 Kwagh kera shi her u nana ya ga;Ka nahan ve i lu u mzehemen u nan una tsa ga ye.
22 Zum u yôughyôugh u nan una kume a pir la,Ishimanyian ia ta sha a nan;Iyol ia vihi nan je a gande.
23 Er nan lu ivin iyav mbu nan la,Aôndo una tindi iyugh na i yeghen la sha a nan,Una nôô i ia haa nan shin gbor.
24 Er nan lu yevese ikyav mbi tswamev mbi iyôôgh la,Avaan a i ker sha ada u togula aa tume nan a pev.
25 Nana tsuan ivaan ken ijime i nan,Kua ikyagh ki tswamegh ki enge nge enge ken mlem ma nan yô,A cier nan iyol kpishi.+
26 Ime i mgbigh mgbigh ngi keghen akaainjaa a nan;Usu u or fehe u ga ua hia nan;Ican ngi keghen ior mba ken tenti u nan mba vea war la.
27 Usha vea tsen kwaghbo u nan ken igbar;Tar kpaa ua mough num a nan.
28 Mngerem ma a kua a ya u nan kera;Aôndo una nôô zegeura sha iyange i iyugh na la.
29 Ka kwar u Aôndo a ne iferor je ne,Dyako u Aôndo a ver nan yô.”
