Yobu 39:1-30
39 “U fa shighe u ivo i sha uwo ka i mar kpa?+
Man i lu nahan u nenge er iyar ka i mar ônov vee?+
2 U fa iwer i ka ve tsa a iyav kpa?
U fa shighe u ka ve maraa?
3 Zum u ka vea maren ônov yô ve ngughur igyundu,Maa mnyoon u martoghor a bee kera je.
4 Ônov vev ka ve vese ken toho ve taver iyol;Maa ve yem kwagh ve, ve kera hide hen a ve ga.
5 Ka an nan pase jakitoho ér i yem kwagh u i,+Man ka an nan sagh jakitoho ikyor kera?
6 M er desereti hingir ya u i,I tema hen tar u lun a bar.
7 Ka i laha ayôôso a ken gar;I ongo ikyenge i orhuren i ga.
8 Ka i zenden sha agungu i keren toho u yan,I keren hanma imendenegh ki ndor cii.
9 Bua-toho una lumun u shiren we kpa?+
Una lumun u tsan ken ityôr you kpa?*
10 U fatyô u tan bua-toho kor wer a kaha sule?
Una dondo u una lu kahan kwagh shin peve?*
11 U suur sha agee a a lu a mi kpishi laNahan u de una lu eren we tom u taveree?
12 U na un jighjigh wer a kur u a iyiav* ken yaa?
Una kohol mbi sha vande u gbidyen iyiavaa?
13 Akper a konkofi ka a gbidyen sha iember,Kpa a fatyô u tôôn akper a na kua ingyur na karen sha i ayamcambem kpa?+
14 Gadia ka a undu aji a na shin inya,A er a a tsee iyol shin vuulevu.
15 Umbur ér nguhar kua va hembe aShin ma inyamtoho ia va ndyar a angahar kpaa ga.
16 Ka a nzughul a ônov nav er ka mba nav ga yô;+Cian ér tom u un ye ican sha mi la ua va saa ishe kpaa ga.
17 Gadia Aôndo nyume un* kwaghfanA na un mkav kpaa ga.
18 Kpa ka una kighir a mough, una gbidye akper a na yô,A se nyinya kua or u hendan un.
19 Ka we u ne nyinya agee yee?+
Ka we u cir un ingya i timin kera sha mon yee?
20 U fatyô u eren un wer a tsue er ka ahungwa nahan kpa?
Ahenga na a usan sha kume la cier iyol.+
21 Ka a shoghor apande inya shin pev, a segha sha agee;+A usa inya yemen ken utya.*+
22 Ka a laha mciem, cie kwagh môm ga.+
Cie sanker hidi ijime kpaa ga.
23 Gbandeavaan ka a uvan un hen imbusu,Iwange man dagi ve eren jinge ji jinge.
24 Ka a kuhwa angahar inya sha iember, a wa ityough yemen,*Fetyô u tilen ijiir i môm shighe u korough ku gbe imo ga.*
25 Ka a tôngo korough yô a kaa ér, ‘Ehen!’
Ka a ungwa ihyuma i utya ken icaA ungwa akenge a ukurmbautyaav man amo a utya.+
26 Ka sha kwaghfan wou ihembetsoghor ka i kôndo sha war war,I samber akper a i ken imbusutariyan yee?
27 Shin ka sha iniezwa you man igyuve ka i purugh i yem sha aôndo+I za wa iya sha atô,+
28 I za tsa sha utsembe mba avandev,I teman hen avande,* ape i lu ijiir i i, i taver la yee?
29 Ka sha heregh ka i keren kwaghyan ye;+Ashe a i ka a nenge i yem ica.
30 Ônov mba i mba me awambe;Hen ape i woo kwagh i kende la, ka her ka i lu ye.”+
Ngeren mba shin kpe
^ Shin “hen kpese wouwee?”
^ Shin “una lu tsôghol peve?”
^ Zwa Heberu, “vor.”
^ Zwa Heberu, “Aôndo er un a hungur.”
^ Zwa Heberu, “A due u za kohol ikyav mbi utyaav.”
^ Zwa Heberu, “a maan ihundu.”
^ Shin a fatyô u kaan ér, “A na jighjigh a imo i korough ga.”
^ Zwa Heberu, “inyigh ki vandegh.”
