Yobu 8:1-22
8 Tsô Bildadi+ Orshua+ gema kaa ér:
2 “Ka hanma shighe je man u de u lamen nahana?+
Mkaanem ma ken zwa wou ma er ka ijeverahumbe yô!
3 Aôndo una ôr ijir sha mimi ga zee?
Shin Uhembanagee Cii la una er kwagh sha perapera ga asee?
4 Aluer ônov ou er isholibo yô,A de ér i tsaha ve sha ci u* ahendan a ve la.
5 Kpa aluer u gema hen Aôndo,+U zamber a Uhembanagee Cii la wer a zungwe u mhôônom,
6 Shi aluer mimi je yange u lu wang shi u lu perapera yô,+Una kegh ato a we*Una hide a we hen ijiir you.
7 Shin er mhii wou yange lu kpuaa nahan kpa,Ken hemen yô u va hingir yôughyôugh.+
8 Yô ma u pine kov u ken ijime la,Ver ishima sha akaa a uter vev tôv fa la.+
9 Gadia ka nyen nyen i mar se ye, se fa ma kwagh ga,Sha ci u ayange a ase shin tar nga er mure nahan.
10 Vea kera tese uShi vea ôr u kwagh u ve fe* gaa?
11 Ikyenaikya ia* vese ape ijande i lu ga yôô?
Shin yelegh kua gba vesen a mngerem shio tsô?
12 Er ve we iyav i lu a tôndo ve ga la je,Vea vande usen kera a imendenev mbigen cii.
13 Mba ve hungur a Aôndo cii, ka kwagh u una er ve je la,*Gadia ishimaverenkeghen i mba ve civir Aôndo ga la* ia saa ishe,
14 Ve mba vangertiôr ve a lu gbilinkwaghShi ve suur sha kwagh u a taver ga er ka ikyar* kpereketange la.
15 Nana lian ken iyou i nan, kpa ia gba;Nana nôngo ér nana kôr i, kpa ia tsa gbem ga.
16 Nan ngu er kon u ndor u u lu ken iyange nahan,Agbaa a nan samber ken sule.+
17 Amise a nan peregh hen tihiawen;Nan ngu keren ya hen* awen.
18 Kpa ka a va wuhen* nan hen ijiir i nan kera yô,Ijiir la i nyiman nan i kaa ér, ‘I gbe je kpa m ngu a nenge a we ga.’+
19 Een, kape nana ndiir je la;*+Maa mbagen vea due shin vuulevu.
20 Mimi je, Aôndo una venda mba ve til sha mimi* la ga;Shi una sue* aferaior ga,
21 Gadia shi una va iv zwa wou a ahanAkurazwaagh a ou kpaa a iember.
22 Kunya ua cir mba ve ker u ihyom la iyol er ka ikyondo nahan,Shi tenti u mbaaferev kpaa una kera lu ga.”
Ngeren mba shin kpe
^ Zwa Heberu, “A na ve sha ikyev i.”
^ Shin “Una kpoghor iyol sha kwagh wou.”
^ Zwa Heberu, “Shi vea due a mkaanem ken asema a ve.”
^ Shin “Papiru una.”
^ Zwa Heberu, “ka igbenda ve je la.”
^ Shin “mba ve vende Aôndo la.”
^ Zwa Heberu, “ya u.”
^ Shin “Nan ngu kenger ya u.”
^ Shin “a menan.”
^ Shin “kape gbenda u nan ua sough je la.”
^ Shin “ve lu a ishô iyol.”
^ Zwa Heberu, “una kôr uwegh ku.”
