Yobu 10:1-22
10 “Uma wam ndôhôr mo ishima.+
Me vaa iyol.
Me lam sha ishima i i vihim tsung ne!
2 Me kaa a Aôndo mer: ‘De nem ibo ga.
Kpa ôrom er i hii ve u pendam vanger yum yô.
3 Aluer u kighir tom u ave ou,+ u laha uU gema u wa mhen u mbaaferev ikyo yô,A lu u a inja sha nyi?
4 U ngu a ashe a iyolougho?
Shin u nengen er orumace nahana?
5 Ayange a ou nga er ayange a uumace?
Shin anyom a ou nga er a or nahana?+
6 Man ve u lu keren ibo yam,Shi u zer keren isholibo yam yee?+
7 U fa er m lu a ibo ga yô;+Man or môm nana fatyô u yiman mo sha ikyev you ga.+
8 Ka ave a ou a maam shi a erem ye,+Kpa hegen yô u ngu timin mo kera cica cii.
9 Yô ma u umbur er lu sha inyatyuu u erem yô,+Kpa hegen u na m hide m hingir vuulevu.+
10 U haam kera er atumba nahanShi u tam ijen er atumba a kôrough nahan gaa?
11 U cirim kwavyolough man inyam iyol,Shi u tumem sha ikyuhe man igbila.+
12 U nam uma, shi u er a mo doo je gande;U kura jijingi* wam sha ikyo i wan you la.+
13 Kpa u wa ken ishima you wer u er akaa ne*M fa, ka hen a we akaa ne a dugh ye.
14 Mea er isholibo yô, ma u hôn ashe sha a mo,+Shi ma u nem ishô sha kwaghbo wam la ga.
15 Mea lu a ibo yô, kwagh tserem!
Man mea lu a ishô je kpaa, me fatyô u moughon ityough sha ga,+Sha ci u m iv a ihyeen man ican.+
16 Ka mea mough ityough sha yô, u tôvom ijime er begha ka a tôv kwagh nahan,+Shi u er tahav sha a mo.
17 U va a mbashiada mba hev sha a moShi u seer vihin ishima a moMbamtaver mba tan sha a mo kpo kpo kpo.
18 Nahan er nan yange u due a mo ken uya?+
Guda yange ma m kpe er ishe lu a nenge a mo ga la.
19 Ma i lu er m ngu sha won ga yô;Ma i dughum ken uya ma i yem a mo shin uwar.’*
20 Ayange a am nga kpuaa gaa?+
A̱ dem me lu kwagh wam;A̱ tôô ashe sha a mo kera, sha er a shi pever mo iyol yô.*+
21 Er m lu a yem hen ijiir i me hide ga ne+—
Ka hen tar u wan ime mgbigh mgbigh* je la,+
22 Tar u angôghime,U wan ime kpishi shi lun nzughul nzughul,Ape iwanger je kpa i lu er angôghime la.”
